Sreeleela : శ్రీలీలా మూవీలో మలయాళ స్టార్ బసెల్ జోసెఫ్.. డైరెక్టర్ ఎవరో తెలుసా?

Sreeleela : ఇటీవల కాలంలో మలయాళ ఇండస్ట్రీలో మారుమ్రోగుతున్న యంగ్ హీరో బాసిల్ జోసెఫ్. పక్కింటి అబ్బాయిలా కన్పించే ఈ హీరో న్యాచురల్ యాక్టింగ్ కు ఎంతోమంది అభిమానులు ఫిదా అయ్యారు. అయితే ఇప్పుడు ఈ యంగ్ హీరో సెన్సేషనల్ బ్యూటీ శ్రీలీల కలిసి ఓ సినిమాలో నటించబోతున్నారు. ఆ సినిమా పేరు ఏంటి? డైరెక్టర్ ఎవరు? అనే వివరాల్లోకి వెళ్తే….

 శ్రీలీల, బాసిల్ జోసెఫ్ ఒకే సినిమాలో…

లేడీ డైరెక్టర్ సుధా కొంగర దర్శకత్వంలో తెరకెక్కుతున్న తమిళ మూవీ పరాశక్తి. ఈ మూవీ 1965 లో తమిళనాడులో హిందీ భాషకు వ్యతిరేకంగా జరిగిన ఆందోళనల ఆధారంగా రూపొందుతోంది. ఇది ఒక పొలిటికల్ పీరియాడికల్ డ్రామా. ఈ మూవీలో శివకార్తికేయన్, రవి మోహన్, అధర్వ, బాసిల్ జోసెఫ్, శ్రీలీల ప్రధాన పాత్రల్లో నటిస్తున్నారు. నిజమైన సంఘటనల ఆధారంగా తెరకెక్కుతున్న ఈ మూవీలో, బాసిల్ జోసెఫ్ ముఖ్యమైన పాత్రలో నటించడంతో సినిమా మీద అంచనాలు భారీగా పెరిగాయి.

చేతులు మారిన ప్రాజెక్ట్…

‘సూరారై పొట్రు’ తర్వాత సుధా కొంగర, సూర్య కలిసి ఈ సినిమాకు పని చేయాలని అనుకున్నారు .అయితే అనుకోని కారణాల వల్ల ఈ సినిమా నుంచి పక్కకు తప్పుకున్నారు సూర్య. ఆ తర్వాత సూర్య స్థానంలో శివకార్తికేయన్ తో స్క్రిప్ట్ ను ఓకే చేయించారు సుధ. ఈ సినిమాను డిసెంబర్ 2024లో SK25 గా ప్రకటించారు. ఈ సినిమాకి జీవీ ప్రకాష్ కుమార్ సంగీతం అందిస్తున్నారు. ‘పరాశక్తి’ పేరుతో ఈ సినిమా ప్రేక్షకుల ముందుకు  రాబోతోంది.

‘సూరారై పోట్రు’ (2020) తర్వాత రెండవసారి కలిసి ఈ సినిమా షూటింగ్ కూడా మొదలు పెట్టారు. మొదట్లో నిజమైన సంఘటనల నుండి ఈ ప్రాజెక్ట్ ను తెరకెక్కిస్తున్నారని హడావిడి చేశారు. అయితే సూర్యకు ఉన్న కంగువా (2024), సూరరై పోట్రు హిందీ రీమేక్ సర్ఫిరా (2024) కమిట్‌మెంట్‌ల కారణంగా ఈ సినిమా ఆలస్యం అయింది . మార్చి 2024 లో ఈ ప్రాజెక్ట్ ఆగిపోయిందని వార్తలు వచ్చిన తర్వాత, సుధ ఆ వాదనలను ఖండించింది. సినిమా ప్రీ-ప్రొడక్షన్ కోసం ఎక్కువ సమయం పడుతోందని, దీని ఫలితంగా షూటింగ్ ఆలస్యం అయిందని చెప్పింది. అయితే జూలైలో సూర్య ఈ సినిమా నుండి తప్పుకున్నట్లు వార్తలు వచ్చాయి. ఆ వార్తలను నిజం చేస్తూ శివకార్తికేయన్ ను అతని స్థానంలో తీసుకున్నారు. ఈ సినిమా నిర్మాణ సంస్థ అయిన డాన్ పిక్చర్స్, డిసెంబర్ 14న ఈ ప్రాజెక్ట్‌ను ప్రకటించింది. దాదాపు 200 కోట్ల భారీ బడ్జెట్ తో ఈ మూవీ తెరకెక్కుతోంది. ఇందులో మోస్ట్ వాంటెడ్ స్టార్స్ అందరూ భాగం కావడం గమనార్హం.

Read Also : మూడు తరాల ఆడియన్స్ కనెక్ట్ అయ్యే క్రేజీ కొరియన్ సిరీస్… ఒక్కసారి చూడడం స్టార్ట్ చేస్తే ఆపరు

Join WhatsApp Channel

Share

• 
• 
• 
• 
• 
•