2025 Highest Viewed OTT Movies : రిషబ్ శెట్టి బ్లాక్ బస్టర్ ‘కాంతార చాప్టర్ 1’ మూవీ ఇప్పటికీ సెన్సేషన్ క్రియేట్ చేస్తోంది. ఈ సినిమా ఈ ఏడాది అత్యధిక వ్యూస్ సాధించి కొత్త రికార్డును సృష్టించింది. 2022లో వచ్చిన పౌరాణిక యాక్షన్ ‘కాంతార’ తరువాత ‘కాంతార చాప్టర్ 1’ చూడటానికి ఆడియన్స్ కూడా ఆసక్తిగా ఎదురుచూసారు. అనుకున్నట్లే ఈ సినిమా రికార్డులు సృష్టించింది. అక్టోబర్ 2న థియేటర్లలో విడుదలైన ఈ సినిమా 850 కోట్లకు పైగా కలెక్షన్స్ రాబట్టింది. అక్టోబర్ 31 నుంచి ప్రైమ్ వీడియోలో డిజిటల్ స్ట్రీమింగ్ కి వచ్చి మరో సరికొత్త రికార్డ్ సృష్టించింది. ఇప్పటికీ మోస్ట్ వ్యూస్ సాధించిన సినిమాగా స్ట్రీమింగ్ అవుతోంది.
ఈ సినిమా మొదట కన్నడ, తమిళం, తెలుగు, మలయాళ భాషలలో మాత్రమే విడుదలైంది. అయితే హిందీలో ఆలస్యంగా వచ్చి అభిమానులను కొంత నిరాశపరిచింది. నవంబర్ 27 నుండి ఈ చిత్రం హిందీ డబ్బింగ్ వెర్షన్ అందుబాటులోక వచ్చింది. ఇది భారతదేశంతో పాటు ప్రపంచవ్యాప్తంగా 200 కి పైగా దేశాలలో ప్రసారం అవుతోంది. వ్యూస్ పరంగా ప్రైమ్ వీడియోలో మాత్రమే కాకుండా అన్ని ఓటీటీ ప్లాట్ ఫామ్లను అధిగమించింది. ఈ చిత్రం వరుసగా ఆరు వారాల పాటు అగ్రస్థానాన్ని నిలుపుకుంది. టాప్ వ్యూస్ తో ముందు వరసలో ఉన్న టాప్ 10 సినిమాలు ఈ విధంగా ఉన్నాయి
కాంతారా చాప్టర్ 1 – 18.9 మిలియన్లు (ప్రైమ్ వీడియో)
జ్యువెల్ థీఫ్ – $18.2 మిలియన్లు (నెట్ఫ్లిక్స్)
కేసరి చాప్టర్ 2 – 18.1 మిలియన్లు (జియో హాట్స్టార్)
కూలీ – 17.4 మిలియన్లు (ప్రైమ్ వీడియో)
హౌస్ఫుల్ 5 – 13.6 మిలియన్లు (ప్రైమ్ వీడియో)
పర్యాటక కుటుంబం – 13.1 మిలియన్లు (జియో హాట్స్టార్)
లోక చాప్టర్ 1 – 10.5 మిలియన్లు (జియో హాట్స్టార్)
ధూమ్ ధామ్ – 12.4 మిలియన్లు (నెట్ఫ్లిక్స్)
రైడ్ 2 – 12.3 మిలియన్లు (నెట్ఫ్లిక్స్)
సయారా – 10 మిలియన్ (నెట్ఫ్లిక్స్)
కదంబ రాజవంశం నేపథ్యంలో రూపొందిన “కాంతార చాప్టర్ 1″లో రిషబ్ శెట్టి, రుక్మిణి వసంత్, గుల్షన్ దేవయ్య, జయరామ్ కీలక పాత్రలు పోషించారు. ఈ సినిమా వరుసగా ఆరు వారాల పాటు ప్రైమ్ వీడియోలో అత్యధికంగా వీక్షించబడిన చిత్రంగా ట్రెండ్ అవుతోంది.
ఆరవ వారంలో 2 మిలియన్ల వ్యూస్ తో మొత్తం 18.9 మిలియన్ల వ్యూస్ ను సంపాదించింది.
Read Also : ఓటీటీలోకి బెంగాలీ డిటెక్టివ్ థ్రిల్లర్… డాక్టర్ హత్య కేసుతో ఉత్కంఠ రేపే స్టోరీ… క్లైమాక్స్ వరకు ట్విస్టులే
Share
Gundeninda Gudigantalu Balu : 'గుండెనిండా గుడిగంటలు ' బాలు అరెస్ట్.. అసలు ఏం జరిగిందంటే..?
Illu illaalu Pillalu Bhadra : 'ఇల్లు ఇల్లాలు పిల్లలు ' భద్ర రియల్ లైఫ్.. ఒక్కరోజుకు ఎన్ని వేలో తెలుసా..?
