Netflix Trending Hollywood films : భారతదేశంలో హాలీవుడ్ చిత్రాలపై వీక్షకుల మోజు రోజురోజుకూ పెరుగుతోంది. ఇటీవల కాలంలో నెట్ఫ్లిక్స్ టాప్-10 ట్రెండింగ్ జాబితాలో హాలీవుడ్ సినిమాలు ఒక్కటి రెండు కాకుండా ఎక్కువగానే ఆధిపత్యం చెలాయిస్తున్నాయి. యాక్షన్, హారర్, రొమాన్స్, థ్రిల్లర్… ప్రతి జానర్లోనూ ఏదో ఒక సూపర్ హిట్ మూవీ ప్రేక్షకులను ఆకట్టుకుంటోంది. ఇప్పుడు నెట్ఫ్లిక్స్ ఇండియాలో ట్రెండ్ అవుతున్న కొన్ని హాటెస్ట్ హాలీవుడ్ సినిమాల గురించి వివరంగా చూద్దాం పదండి.
2026 జూన్లో నెట్ఫ్లిక్స్ లో విడుదలైన ఈ అమెరికన్ రొమాంటిక్ కామెడీ మూవీ టాప్-10లో చాలాకాలం నుంచి హల్చల్ చేస్తోంది. ఓల్ పార్కర్ దర్శకత్వం వహించిన ఈ చిత్రంలో జెన్నిఫర్ లోపెజ్, బ్రెట్ గోల్డ్స్టీన్ ప్రధాన పాత్రలు పోషించారు. హై-ప్రెజర్ కార్పొరేట్ ఆఫీసులో పని చేసే ఇద్దరు బిజీ ప్రొఫెషనల్స్ మధ్య మొదలయ్యే రహస్య ప్రేమ వ్యవహారం ఎంతో హాస్యంగా, ఎమోషనల్గా సాగుతుంది. ఆఫీస్ మీటింగ్స్, డెడ్లైన్స్, సీక్రెట్ డేట్స్ మధ్య ఏర్పడే సిట్యువేషన్స్ మిమ్మల్ని నవ్వించడమే కాకుండా ఆలోచింపజేస్తాయి. లైట్ హార్టెడ్ ఎంటర్టైన్మెంట్ కావాలనుకునే వారికి పర్ఫెక్ట్ ఈ మూవీ.
‘ది మెగ్’ సీక్వెల్ గా వచ్చిన ఈ సైన్స్-ఫిక్షన్ యాక్షన్ థ్రిల్లర్ సముద్రపు లోతుల్లోకి మిమ్మల్ని తీసుకెళ్తుంది. 25,000 అడుగుల లోతున్న మారియానా ట్రెంచ్ లో భారీ మెగలడాన్ షార్క్ లు, ఇతర ప్రమాదకర జీవులతో నిండిన ఈ సినిమా యాక్షన్ సన్నివేశాలు ఊపిరి బిగబట్టేలా చేస్తాయి. విజువల్ ఎఫెక్ట్స్, భయంకరమైన సౌండ్ డిజైన్, అడ్వెంచర్ ఎలిమెంట్స్ తో థ్రిల్లర్ లవర్స్ను ఆకర్షిస్తోంది ఈ మూవీ.
2024లో విడుదలైన ఈ ఎపిక్ యాక్షన్ సై-ఫై థ్రిల్లర్ ఇప్పటికీ నెట్ఫ్లిక్స్ లో ట్రెండ్ అవుతోంది. గాడ్జిల్లా – కాంగ్ ఈసారి ఒకరికొకరు హెల్ప్ చేసుకునే విధంగా మారి ఒక కొత్త, అత్యంత శక్తివంతమైన శత్రువును ఎదుర్కొంటారు. భారీ స్కేల్ యాక్షన్ సీక్వెన్స్లు, అద్భుతమైన విజువల్స్, మాన్స్టర్ యుద్ధాలు… బిగ్ స్క్రీన్ ఫీల్ను ఇంట్లోనే ఇవ్వడంలో ఈ సినిమా సక్సెస్ అయింది.
‘ది కాంజ్యూరింగ్’ యూనివర్స్లో భాగమైన ఈ హారర్ చిత్రం 2023లో విడుదలైనా ఇప్పటికీ భయపడాలనుకునే వారిని ఆకర్షిస్తోంది. 1956 ఫ్రాన్స్లోని ఒక బోర్డింగ్ స్కూల్ నేపథ్యంలో సాగే ఈ కథ సస్పెన్స్, మిస్టరీ, భయంకరమైన జంప్ స్కేర్స్తో నిండి ఉంటుంది. వాలాక్ నన్ పాత్ర ఇంకా భయంకరంగా తిరిగి వచ్చి ప్రేక్షకులను దిగ్భ్రాంతికి గురి చేస్తుంది. హారర్ జానర్ ఫ్యాన్స్కి మస్ట్-వాచ్ మూవీ ఇది.
స్పానిష్ క్రైమ్ థ్రిల్లర్ జానర్లో వచ్చిన ఈ చిత్రం బార్సిలోనా నేర ప్రపంచం, మానవ అక్రమ రవాణా చుట్టూ తిరుగుతుంది. ఇందులో మహిళ ప్రధాన పాత్ర కావడం అన్నది మరింత ఆసక్తిని రేకెత్తిస్తుంది. ట్విస్టులు, ఇంటెన్స్ ఇన్వెస్టిగేషన్, ఎమోషనల్ డెప్త్ ఉన్న ఈ సినిమా ప్రస్తుతం నెట్ఫ్లిక్స్ ట్రెండింగ్లో 10వ స్థానంలో ఉంది. మిస్టరీ, క్రైమ్ థ్రిల్లర్స్ ను ఇష్టపడే వారికి బాగా నచ్చుతుంది.
Read Also : బాయ్ ఫ్రెండ్ పై ప్రతీకార దాహంతో రగిలిపోయే ప్రియురాలు… ఇంటెన్స్ రివేంజ్ డ్రామా
Share
Stray Dog: గద్వాలలో పిచ్చికుక్క వీరవిహారం.. ఒకేరోజు 15 మంది పై దాడి..!
బరువు తగ్గేందుకు ప్రయత్నిస్తున్నారా? సాయంత్రం ఆకలి వేస్తే ఈ ఫుడ్స్ తినడం బెస్ట్
