Nithin Thammudu : నితిన్ ‘తమ్ముడు ‘ ఓటీటీ పార్ట్నర్ లాక్.. ఎక్కడ రానుందంటే..?

Nithin Thammudu : టాలీవుడ్ యంగ్ హీరో నితిన్ కు గత నాలుగేళ్లుగా నితిన్ ఖాతాలో హిట్ సినిమా పడలేదు. రీసెంట్ గా వచ్చిన రాబిన్ హుడ్ మూవీ కూడా నిరాశపరిచింది.. ప్రస్తుతం నితిన్ తమ్ముడు మూవీతో ప్రేక్షకుల ముందుకు రాబోతున్నాడు. ఈ మూవీ పైనే నితిన్ ఆశలు పెట్టుకున్నాడు. పవన్ కళ్యాణ్ నటించిన సినిమా టైటిల్ కావడంతో అటు నితిన్ అభిమానులు కూడా ఈ సినిమా కోసం ఈగర్ గా వెయిట్ చేస్తున్నారు. గత కొద్ది రోజులుగా ఈ మూవీ వాయిదా పడుతూ వచ్చింది. అయితే జూలై 4 న థియేటర్లలో విడుదల అయ్యేందుకు సిద్ధంగా ఉంది.. ఈ క్రమంలో ఈ సినిమా ఓటీటీ హక్కుల గురించి ఓ వార్త సోషల్ మీడియాలో చక్కర్లు కొడుతుంది. ఏ ఫ్లాట్ ఫామ్ ఓటీటీ హక్కులను సొంతం చేసుకుందో పూర్తి వివరాలు తెలుసుకుందాం..

ఆ ఓటీటీలోకే ‘తమ్ముడు’..!

ఈ మూవీ డిజిటల్ హక్కుల పై ఆసక్తికర న్యూస్ ఒకటి సోషల్ మీడియాలో వినిపిస్తుంది. డిజిటల్ స్ట్రీమింగ్ హక్కులను అమెజాన్ ప్రైమ్ వీడియో సొంతం చేసుకుందని సమాచారం బయటికి వచ్చింది. ఈ మూవీపై అంచనాలు బాగానే ఉండడంతో మంచి ధరకే సొంతం చేసుకుందని తెలుస్తోంది.. అతి త్వరలోనే ఈ మూవీ ఓటీటీ డీటెయిల్స్ ను ప్రకటించే అవకాశం ఉందని ఫిలిం నగర్లో టాక్.. తమ్ముడు చిత్రం థియేట్రికల్ రన్ తర్వాత అమెజాన్ ప్రైమ్ వీడియో ఓటీటీలోకి అడుగుపెడుతుంది. జూలై 4న ఈ మూవీ రిలీజ్ కానుంది. అయితే మూవీ టాక్ ను బట్టి స్ట్రీమింగ్ డేట్ ను ఫిక్స్ చేసే అవకాశం ఉంది.. ఆగష్టులో మూవీ ఓటీటీలోకి వచ్చేస్తుందని సమాచారం..

Also Read :మళ్ళీ బన్నీని పక్కపెట్టేసిన త్రివిక్రమ్.. ఈ సారి ఈ హీరోతో కానిస్తున్నాడా?

ఈ మూవీ స్టోరీ విషయానికొస్తే.. 

తమ్ముడు మూవీని వేణు శ్రీరామ్ తెరకెక్కించారు. అక్కాతమ్ముళ్ల బంధం, యాక్షన్ ఈ మూవీలో ప్రధానంగా ఉంటాయని తెలుస్తోంది. ప్రమాదాల నుంచి అక్కను కాపాడేందుకు ఏమైనా చేసే తమ్ముడి చుట్టూ ఈ మూవీ స్టోరీ ఉండనుందని టాక్.. ఈ మూవీలో నితిన్ కు జోడిగా కాంతారా హీరోయిన్ సప్తమి గౌడ నటిస్తుంది.. నితిన్ కు అక్కగా సీనియర్ హీరోయిన్ లయ నటిస్తుంది. ఈ మూవీ తర్వాత లయ బిజీ అవుతుందేమో చూడాలి.. సౌరభ్ సచ్‍దేవ, వర్ష బొల్లమ్మ, స్వస్తిక ఈ చిత్రంలో కీలకపాత్రల్లో నటించారు. ఈ మూవీకి అజ్నీశ్ లోకనాథ్ సంగీతం అందించారు. ఈ చిత్రాన్ని శ్రీవెంకటేశ్వర క్రియేషన్స్ పతాకంపై దిల్‍రాజు, శిరీష్ ప్రొడ్యూజ్ చేశారు. భీష్మ తర్వాత మళ్లీ తన అదృష్టాన్ని పరీక్షించుకోబోతున్నాడు నితిన్. ఈ మూవీ హిట్ అయితే నితిన్ జాక్ పాట్ కొట్టినట్లే.. చూడాలి ఏం జరుగుతుందో.. ఇటీవల రిలీజ్ అయిన టీజరు ప్రేక్షకులను ఎంతగానో ఆకట్టుకుంది. ఈ టీజర్ ను చూస్తుంటే మాస్ యాక్షన్ సన్నివేశాలు ఎక్కువగానే ఉన్నాయని అర్థమవుతుంది. తాజాగా ఈ మూవీ నుంచి టైలర్ ను మేకర్స్ రిలీజ్ చేశారు.

Share

• 
• 
• 
• 
• 
•