NTR Devara: రాజమౌళి (Rajamouli) దర్శకత్వంలో వచ్చిన ఆర్ఆర్ఆర్ (RRR) చిత్రం తర్వాత.. సోలో హీరోగా ఆరేళ్ల తర్వాత ‘దేవర’ సినిమాతో ప్రేక్షకుల ముందుకు వచ్చారు ఎన్టీఆర్ (NTR).భారీ అంచనాల మధ్య విడుదలైన ఈ సినిమా ఇండియన్ బాక్సాఫీస్ వద్ద బ్లాక్ బాస్టర్ రెస్పాన్స్ ను అందుకుంది. ఇందులో ఎన్టీఆర్ ద్విపాత్రాభినయం చేశారు. కొరటాల శివ(Koratala Shiva) దర్శకత్వంలో వచ్చిన ఈ చిత్రం బాక్స్ ఆఫీస్ వద్ద రూ.370 కోట్లకు పైగా గ్రాస్ వసూలు చేసింది. తెలుగులోనే కాకుండా హిందీలో కూడా ఈ సినిమాకి భారీ వసూళ్ళు వచ్చాయి. ‘ఆచార్య’ లాంటి ఘోరమైన డిజాస్టర్ ప్లాఫ్ సినిమా చవిచూసిన కొరటాల శివ, ఆ తర్వాత పట్టుదలతో ఈ సినిమా చేసి మంచి కం బ్యాక్ అందుకున్నారు.
ఈ సినిమా విడుదలైన నెల రోజుల వరకు అద్భుతమైన థియేట్రికల్ వసూలు లభించిందని చెప్పవచ్చు. ఒక మాటలో చెప్పాలి అంటే ఆది, సింహాద్రి సినిమాల తర్వాత ఎన్టీఆర్ సినిమాల్లో మంచి లాంగ్ రన్ ను తెచ్చుకున్న సినిమా కూడా ఇదే కావడం గమనార్హం. ఇకపోతే ఈ సినిమా ఇప్పుడు నెట్ ఫ్లిక్స్ లో కూడా స్ట్రీమింగ్ అవుతోంది. ఈ సినిమా నెట్ ఫ్లిక్స్ లో విడుదల చేసి, ఇప్పటికే 50 రోజులు పూర్తయింది. ఈ 50 రోజుల నుండి కూడా ఈ సినిమా టాప్ టెన్ లో నాన్ స్టాప్ గా ట్రెండ్ అవుతూనే ఉంది. ముందుగా హిందీ వర్షన్ ని ఆపి, మిగిలిన ప్రాంతీయ భాషల్లో కూడా ఈ సినిమాను విడుదల చేశారు. ఆ తర్వాత కొన్ని రోజులకి హిందీ వర్షన్ ఆడియో ని కూడా జత చేయడం జరిగింది.
ఇకపోతే నెట్ ఫ్లిక్స్ లో ఈ సినిమాకు తెలుగులో వచ్చిన వ్యూస్ కంటే హిందీలో వచ్చిన వ్యూస్ అధికమని చెప్పాలి. అదే విధంగా ఈ చిత్రాన్ని అక్కడి ఆడియన్స్ థియేటర్స్ లో కంటే ఓటీటీ లోనే ఎక్కువగా చూస్తున్నారు. దీంతో ఈ సినిమాకి అద్భుతమైన రెస్పాన్స్ లభిస్తుండడంతో మేకర్స్ కూడా రీసెంట్గా ఇంగ్లీష్ వర్షన్ ఆడియోని కూడా జతచేయడం జరిగింది. దీంతో రెస్పాన్స్ ఇంకా పెరిగిపోయింది. త్వరలోనే ఇతర దేశాలకు సంబంధించిన భాషల్లో కూడా ఈ సినిమాను అందుబాటులోకి తీసుకురాబోతున్నట్లు సమాచారం.
ఇదిలా ఉండగా ఇప్పుడు ఈ సినిమా సరికొత్త రికార్డు సృష్టించింది. నెట్ఫ్లిక్స్ లో అత్యధిక వ్యూస్ సొంతం చేసుకున్న టాప్ 5 చిత్రాలలో ఈ సినిమా నాలుగవ స్థానాన్ని దక్కించుకుంది. మిగిలిన సినిమాలన్నీ కూడా హాలీవుడ్ చిత్రాలు కావడం గమనార్హం. ఏకంగా అన్ని చిత్రాల మధ్య ఒకే ఒక్క తెలుగు సినిమా ఉండడంతో అందరూ ఆశ్చర్యం వ్యక్తం చేస్తున్నారు. వాస్తవానికి ఆర్ఆర్ఆర్ సినిమా తర్వాత ఎన్టీఆర్ కి ప్రపంచవ్యాప్తంగా మంచి గుర్తింపు వచ్చింది అని చెప్పడానికి ఉదాహరణ దేవరా అని చెప్పడంలో సందేహం లేదు. ఏది ఏమైనా ఇప్పుడు టాప్ ఫైవ్ లో ఒకటిగా స్థానం సంపాదించుకుంది దేవర. మరి ఈ రికార్డుని భవిష్యత్తులో మరే సినిమా అయినా బ్రేక్ చేస్తుందేమో చూడాలి.
Share
Game Changer : 'గేమ్ ఛేంజర్' ముందు భారీ టార్గెట్... హిట్ అవ్వాలంటే ఎన్ని కోట్లు రాబట్టాలో తెలుసా ?
Nassar: హీరో విజయ్ పై షాకింగ్ కామెంట్స్.. మా జీవితాలను ప్రభావితం చేశారంటూ..?
