OTT Alert : ఈ రోజు అంటే ఫిబ్రవరి 11న ఓటీటీ ప్లాట్ఫామ్లలో మూడు మోస్ట్ అవైటింగ్ సినిమాలు, సిరీస్ లు విడుదల అయ్యాయి. అందులో రెండు సంక్రాంతి హిట్ సినిమాలు ఇప్పుడు డిజిటల్ గా రిలీజ్ అయ్యాయి. అలాగే ఒక పంజాబీ సూపర్ హిట్ సిరీస్ సీజన్ 2 కూడా అందుబాటులోకి వచ్చింది. ఏది ఎక్కడ చూడొచ్చో, వాటి కథ ఏంటో వివరంగా చూద్దాం.
సంక్రాంతి సీజన్లో థియేటర్లలో భారీ హిట్ అయిన మెగాస్టార్ చిరంజీవి సినిమా ‘మన శంకర వర ప్రసాద్ గారు’. ఇప్పుడు ZEE5లో అందుబాటులో ఉంది. అనిల్ రావిపూడి దర్శకత్వంలో తెరకెక్కిన ఈ యాక్షన్-కామెడీలో చిరంజీవి తన రోల్ తో అభిమానులను అలరించారు. నయనతారతో కెమిస్ట్రీ, వెంకటేష్ అతిథి పాత్రలో వచ్చిన సన్నివేశాలు అదిరిపోయాయి. ఫ్యామిలీ ఎమోషన్స్, మాస్ యాక్షన్, హాస్యం అన్నీ ఉండడంతో మెగా అభిమానులకు ఈ సినిమా స్పెషల్ గా మారింది. ఈ సినిమా తెలుగుతో పాటు హిందీ, తమిళ్, కన్నడ, మలయాళం, మరాఠీ, బెంగాలీ భాషల్లో కూడా ఓటీటీలో అందుబాటులో ఉంది. ఫ్యామిలీతో కలిసి చూడటానికి పర్ఫెక్ట్ ఎంటర్టైనర్. ఒకవేళ థియేటర్లలో ఈ మూవీని మిస్ అయ్యి ఉంటే ఓటీటీలో ఒక లుక్కేయండి.
ఈ సంక్రాంతి సమయంలో థియేటర్లలోకి వచ్చిన బెస్ట్ సినిమాలలో ‘అనగనగా ఒక రాజు’ కూడా ఒకటి. ఈ మూవీ పాజిటివ్ బజ్ తో మంచి విజయం సాధించింది. కామెడీ ఎంటర్టైనర్ గా రూపొందిన ఈ మూవీ ఇప్పుడు Netflixలో స్ట్రీమింగ్ అవుతోంది. నవీన్ పోలిశెట్టి హీరోగా, మీనాక్షి చౌదరి హీరోయిన్గా నటించారు. మారి దర్శకత్వంలో తెరకెక్కిన ఈ సినిమాలో నవీన్ కామెడీ టైమింగ్, డైలాగ్ డెలివరీ సూపర్. గ్రామీణ నేపథ్యంలో రాజకీయాలు, సామాజిక సందేశాలు, సరదా హాస్యం వంటి అంశాలతో ఈ మూవీ కూడా ఫ్యామిలీ కలిసి చూడడానికి పర్ఫెక్ట్ అని చెప్పవచ్చు. తెలుగు తో పాటు హిందీ, తమిళ్, కన్నడ, మలయాళం భాషల్లో ఇప్పుడు ఓటీటీలో స్ట్రీమింగ్ అవుతోంది. లైట్-హార్టెడ్ వినోదం కావాలంటే ఇది బెస్ట్ ఛాయిస్.
Read Also : టైమ్ లూప్ లో ఇరుక్కుపోయే కిల్లర్… అమ్మాయిలతో అదే పని… ఒళ్లు గగుర్పొడిచే క్లైమాక్స్
పంజాబీ సూపర్ హిట్ క్రైమ్ థ్రిల్లర్ సిరీస్ ‘కోహ్రా సీజన్ 2’. ఇప్పుడు Netflixలో ప్రీమియర్ అవుతోంది. సీజన్ 1లో మర్డర్ మిస్టరీ, డ్రగ్స్ సమస్యలు, పంజాబ్ గ్రామీణ జీవితం వంటి అంశాలు భారీగా ఆకట్టుకున్నాయి. సీజన్ 2లో కూడా అదే టీమ్… బరున్ సోబ్తి, వివేక్ చౌధరి కొత్త కేస్తో తిరిగి వస్తున్నారు. ఈసారి సిరీస్ లో మరిన్ని ట్విస్ట్లు, సస్పెన్స్ ఉంటాయి. ఇప్పటికే సీజన్ 1 చూసినవారు ఈ సీజన్ కోసం ఎదురు చూస్తున్నారు. ఎట్టకేలకు ఆ ఎదురు చూపులకు నేడు ఫుల్ స్టాప్ పడింది. ఈ రోజు ఓటీటీలలో స్ట్రీమింగ్ అవుతున్న ఈ 3 సినిమాలలో ఫ్యామిలీతో సరదాగా చూడాలంటే ‘మన శంకర వర ప్రసాద్ గారు’, లేదా అనగనగ ఒక రాజు చూడవచ్చు. సస్పెన్స్, క్రైమ్ థ్రిల్లర్ ఇష్టపడితే ‘కోహ్రా సీజన్ 2’ బెస్ట్ ఛాయిస్.
Share
Harish Rao: అధికార గర్వంతో అరాచకాలు.. కాంగ్రెస్ కుట్రలను ప్రజలు తిప్పికొడతారు: హరీష్ రావు సంచలన ట్వీట్!
20GB Free Data: జియో ప్లాన్లో 20GB బోనస్ డేటా.. డైలీ 2GB డేటా, 90 రోజుల వాలిడిటీ, మరిన్ని బెనిఫిట్స్.. ధర ఎంతంటే
