OTT Movie : అడవిలో పెళ్లి కూతురిలా తిరిగే దెయ్యం… ఆ పిల్లాడితో మాత్రమే మాటలు ఆటలు

OTT Movie : హర్రర్ సినిమాలకు ప్రత్యేకమైన క్రేజ్ ఉండడానికి కారణం ఉంది. అవి మూవీ లవర్స్ ను స్క్రీన్ కి కట్టిపడేసేట్టుగా చేస్తాయి. అందుకే ఓటిటిలో లెక్కకు మించి హర్రర్ సినిమాలు అందుబాటులో ఉన్నప్పటికీ కొత్తగా ఈ జానర్ లో ఎలాంటి సినిమా వచ్చినా మిస్ కాకుండా చూడాలనుకుంటారు. ఎంగేజింగ్ గా ఉండే ఈ హర్రర్ సినిమాలలో కొన్నింటిని చూడడం మొదలు పెడితే ఆపడం కష్టంగా ఫీల్ అవుతారు. ఈరోజు మన మూవీ సజెషన్ కూడా అలాంటి ఓ హార్రర్ మూవీనే. మరి ఈ మూవీ ఎక్కడ స్ట్రీమింగ్ అవుతోంది? కథ ఏంటి? ఈ హారర్ సినిమా పేరు ఏంటి ? అనే విషయాలను తెలుసుకుందాం పదండి.

స్టోరీ లోకి వెళ్తే…

ఈ హర్రర్ మూవీ మొత్తం సూర్య అనే ఒక చిన్న పిల్లాడు, అడవిలో పెళ్లి కూతురులా తిరిగే ఒక దయ్యం చుట్టూ తిరుగుతుంది. సూర్యకు నిద్రలో నడిచే అలవాటు ఉంటుంది. అదే వింత అనుకుంటే ఓ రోజు ఏకంగా అర్ధరాత్రి వయోలిన్ వాయిస్తూ తల్లి కంట పడతాడు. ఈ ఊహించని పరిణామంతో సూర్య తల్లి ఒక్కసారిగా భయపడి డాక్టర్ దగ్గరికి తీసుకెళ్తుంది. అయితే డాక్టర్ కొన్ని రోజులు అతన్ని ఎక్కడైనా బయటకు తీసుకెళ్తే పరిస్థితి చక్కబడుతుందని సలహా ఇస్తాడు. దీంతో సూర్య తల్లి ఊర్లోని ఓ బంగ్లాకు కొడుకుని తీసుకుని మారిపోతుంది. కానీ ఆ బంగ్లాలో ఎవ్వరూ ఉండరు, పైగా అది పాత బంగ్లా. మొత్తానికి కొత్త ఊరు, కొత్త ఇల్లు కావడంతో సూర్య సంతోషంగా గ్రామం అంతా చక్కర్లు కొడతాడు. ఈ నేపథ్యంలోనే కొంత మంది ఆ ఊరికి దగ్గరలోనే ఉన్న అడవిలో ఒక దయ్యం ఉందని, దుర్గా బడి అని పిలిచే ఆ అడవిలో ఆ భూతం పెళ్లికూతురు డ్రెస్ లో తిరుగుతుందని, ఎప్పుడైనా కనిపించి అది పిలిస్తే అడవిలోకి వెళ్లొద్దని సూర్యకు గ్రామస్తులు వార్నింగ్ ఇస్తారు. అయితే ఈ విషయం విన్నాక సూర్య భయపడతాడు.

కానీ ఓ రోజు తెలియకుండానే ఎవరినో ఫాలో అవుతూ అడవిలోకి అడుగు పెడతాడు. అక్కడికి వెళ్ళాక భాను అనే అమ్మాయి సూర్యకు కనిపిస్తుంది. ఆమెతో మాట్లాడుతాడు కూడా. కానీ అప్పటిదాకా ఎవరికీ కనిపించని ఈ భాను అనే దయ్యం సూర్యకి మాత్రమే కన్పిస్తుంది. అదెలా సాధ్యమో, అతనికి తను ఎలా కనిపిస్తుందో అర్థంకాక షాక్ అవుతుంది. అంతేకాకుండా ఇంకోసారి కనిపిస్తే చంపేస్తానని వార్నింగ్ ఇస్తూ భయపెట్టడానికి ట్రై చేస్తుంది. మరి ఆ తర్వాత సూర్య ఏం చేశాడు? అసలు ఆమె సూర్యకు మాత్రమే ఎందుకు కనిపించింది? ఈ భాను పెళ్లికూతురు డ్రెస్ లో అడవిలో దయ్యంగా ఎందుకు తిరుగుతోంది? అనే ప్రశ్నలకు సమాధానం తెలియాలంటే డిస్నీ ప్లస్ హాట్ స్టార్ లో స్ట్రీమింగ్ అవుతున్న ‘బూత్ పోరి’ అనే ఈ సినిమాను చూడాల్సిందే. హార్రర్ సినిమాలను ఇష్టపడేవారు ఈ ఇంట్రెస్టింగ్ మూవీని అస్సలు మిస్ అవ్వకుండా చూడండి.