OTT Movie : అన్నీ జానర్ల సినిమాలను చూసీ చూసి విసిగిపోయారా? అయితే ఈ మూవీ సజేషన్ మీ కోసమే. తాజాగా ఓటీటీలో రిలీజ్ అయ్యి భారీ వ్యూస్ దూసుకెళ్తున్న ఈ సినిమాలో ఎంటర్టైన్మెంట్ తో పాటు ఎమోషన్ కూడా ఉంటుంది. కన్నీళ్లు పెట్టించే ఈ ఎమోషనల్ సినిమా ఏ ఓటీటీలో ఉంది? స్టోరీ ఏంటి? అనే విషయాలను ఇప్పుడు తెలుసుకుందాం.
రియల్ స్టోరీ ఆధారంగా..
1999 ఫిబ్రవరి 22న జరిగిన ఓ ఘోర ప్రమాదం ఆధారంగా తెరకెక్కిన సినిమా ఇది. తమిళనాడులోని తూత్తుకుడి జిల్లా శ్రీ వాయుగుండం ప్రాంత పరిధిలో జరిగింది. ఆ రియల్ స్టోరీని కళ్ళకు కట్టినట్టుగా చూపించాడు డైరెక్టర్ మారి సెల్వరాజ్. ఇందులో నిఖిల విమల్, కలైరాసన్ ముఖ్యపాత్రలు పోషించారు. ‘వాళై‘ (Vaazhai) అనే ఈ తమిళ సినిమా ప్రస్తుతం అమెజాన్ ప్రైమ్ వీడియో (Disney Plus Hotstar)లో స్ట్రీమింగ్ అవుతుంది. ఇది తెలుగులో కూడా అందుబాటులో ఉంది.
కథలోకి వెళ్తే…
రోజువారి కూలి చేసుకుని బతికే జనాల జీవితాలు ఎలా ఉంటాయన్న స్టోరీని ఎంతో హృద్యంగా తెరకెక్కించారు డైరెక్టర్. ఇందులో శేఖర్, శివానందన్ అనే ఇద్దరు పిల్లలు పేద కుటుంబానికి చెందిన స్నేహితులు. ఇద్దరూ ప్రభుత్వ పాఠశాలలో ఎనిమిదో తరగతి చదువుతారు. వారమంతా బడికి వెళ్లే ఈ పిల్లలు వీకెండ్ ఇల్లు గడవడం కోసం అరటి గెలలు కోసే పనికి వెళ్తారు. శివానందం బాగా చదువుతాడు. అతనికి ఈ పని అస్సలు నచ్చదు. ఇక తనకు చదువుకోవడమే కాదు సైన్స్ పాఠాలు చెప్పే టీచర్ అంటే చాలా ఇష్టం. మరోవైపు అరటి పండ్లు కోయడానికి ఊరికి చెందిన ఖని అనే వ్యక్తి నాయకత్వం వహిస్తాడు. ముత్తురాజ్ అరటి గెలల వ్యాపారికి, ఊరికి మధ్యలో బ్రోకర్ గా వ్యవహరిస్తాడు. ఖనికి ముత్తురాజుకు మధ్య కూలీ డబ్బుల గురించి గొడవ జరుగుతుంది. అప్పటి నుంచి ఒకరంటే ఒకరికి పడదు.
అయితే ఓ రోజు స్కూల్ కి వెళ్లాలనే ఆశతో శివానందన్ అరటి గెలల పని తప్పించుకొని స్కూల్ కి వెళ్తాడు. ఆ తర్వాత ఆకలితో ఓ తోట కెళ్ళి అరటి పండ్లు తినడానికి ట్రై చేస్తాడు. అయితే ఆకలికి తట్టుకోలేక ఆ పని చేస్తాడు. కానీ ఆ తోట యజమాని శివానందన్ ను దొంగతనం చేస్తావా అని కొడతాడు. దీంతో అక్కడి నుంచి తప్పించుకొని వెళ్లి ఓ కొలనులో స్పృహ తప్పి పడిపోతాడు. కళ్ళు తెరిచి చూసేసరికి ఊరంతా బోరుమని ఏడుస్తూ కనిపిస్తుంది. అక్కడికి వెళ్లి చూస్తే శివానందమ్ అక్క, స్నేహితుడు శేఖర్, ఖనితో పాటు మొత్తం 19 మంది ఊరు వాళ్ళు శవాలై కనిపిస్తారు. వీళ్లంతా ఎలా చనిపోయారు? చివరికి శివానందన్ పరిస్థితి ఏమైంది? అనే విషయాలు తెలియాలంటే వాళై (Vaazhai) అనే ఈ కన్నీటి గాథని తెరపై చూడాల్సిందే. తియ్యటి ఆరటి పండు ఎంత మంది జీవితాలలో చేదు ను మిగిల్చిందో ఈ సినిమాలో చూడొచ్చు.
Share
TDP Targets Jagan: నెక్ట్స్ టార్గెట్ జగన్.. సజ్జల జస్ట్ శాంపిల్, వైసీపీని వణికిస్తున్న చంద్రబాబు ప్లాన్
BRS leader ship change: అయ్యా గమ్మునుండు, నేను చూసుకుంటా.. ఆ సంకేతాలు దేనికి?
