OTT Movie : ఒక గ్రిప్పింగ్ థాయ్ హారర్ థ్రిల్లర్ సినిమా, హారర్ అభిమానులకు ఒక మెమరబుల్ అనుభవాన్ని ఇస్తోంది. ఇది బ్లాక్ మ్యాజిక్, ఒక యువతి రివెంజ్ జర్నీతో ఆకట్టుకుంటోంది. విజువల్ ఎఫెక్ట్స్ ఈ సినిమాకు హైలెట్ గా నిలిచాయి. ఇది సన్‌డాన్స్ ఫిల్మ్ ఫెస్టివల్ లో కూడా ప్రీమియర్ అయింది. ఇది థాయ్ బ్లాక్ మ్యాజిక్ హారర్ జానర్‌లో ఒక ఆకర్షణీయమైన ఎంట్రీగా నిలిచింది. ఈ సినిమా పేరు ? ఎందులో స్ట్రీమ్ అవుతోంది ? అనే వివరాల్లోకి వెళితే
ముబి (MUBI) లో స్ట్రీమింగ్
‘పానోర్’ (Panor) 2025లో విడుదలైన థాయ్ హారర్ థ్రిల్లర్ సినిమా. ఇది పుటిపాంగ్ సైసికేవ్ దర్శకత్వంలో రూపొందింది. ఈ చిత్రంలో చెర్ప్రాంగ్ అరీకుల్ (పానోర్), జాక్రిన్ కుంగ్వాంకియాటిచై (పియాక్), చలితా సువాన్సేన్ (నువాన్), రత్తనవాదీ వాంగ్‌తాంగ్ (జిబ్) ప్రధాన పాత్రల్లో నటించారు. ఈ సినిమా ‘ఆర్ట్ ఆఫ్ ది డెవిల్ సిరీస్‌కు’ ఒక లూస్ రీబూట్‌గా పరిగణించబడుతుంది. 2025 ఫిబ్రవరి 20న థాయ్‌లాండ్‌ థియేటర్లలో విడుదలైంది. ఈ సినిమా దాని గ్రిప్పింగ్ కథాంశం, బ్లాక్ మ్యాజిక్ సెట్ పీసెస్, చెర్ప్రాంగ్ అరీకుల్ నటన కోసం ప్రశంసలు అందుకుంది. 2 గంటల 5 నిమిషాల రన్‌టైమ్ ఉన్న ఈ సినిమాకి IMDbలో 6.2/10 రేటింగ్ ఉంది. MUBI లో ఈ సినిమా అందుబాటులో ఉంది.
స్టోరీలోకి వెళితే
ఈ కథ ఒక గ్రామీణ థాయ్ గ్రామంలో జరుగుతుంది. ఇక్కడ పానోర్ (చెర్ప్రాంగ్ అరీకుల్) అనే యువతి అమావాస్య సమయంలో జన్మిస్తుంది, ఆ రోజున గ్రామంలో ఎవరో ఒక బ్లాక్ మ్యాజిక్ రిచ్యువల్ నిర్వహిస్తుంటారు. ఈ రిచ్యువల్ కారణంగా, ఆమె పుట్టినప్పుడు కాకులు కూడా గట్టిగా అరవడం మొదలుపెడతాయి. ఇది గ్రామస్తులకు ఆమె ఒక శాపం అని, దురదృష్టానికి కారణమని నమ్మేలా చేస్తుంది. పానోర్‌తో సంబంధం ఉన్నస్నేహితులు, కుటుంబ సభ్యులకు హింసాత్మక మరణాలు సంభవిస్తుంటాయి. దీని కారణంగా గ్రామస్తులు ఆమెను ఒక దుష్ట శక్తిగా భావిస్తారు. ఆమెతో మాట్లాడకుండా ఒంటరిని చేస్తారు. పాఠశాలలో కూడా ఆమె సహవిద్యార్థులు ఆమెను దూరం పెడతారు. అధికారుల నుండి ఆమెకు ఎటువంటి సహాయం అందదు. పానోర్ తన జీవితంలో జరిగే ఈ దురదృష్టాలకు కారణం ఒక శక్తివంతమైన బ్లాక్ మ్యాజిక్ శాపమని తెలుసుకుంటుంది. ఇది ఆమె పుట్టినప్పటి నుండి ఆమెను వెంటాడుతుంటుంది.
Read Also : ఇదేం సినిమారా సామీ… ఇద్దరు బాయ్ ఫ్రెండ్స్ తో ఒకేసారి ఆ పని… ఆఖరికి ఆ అమ్మాయి చేసే పనికి ఫ్యూజులు అవుట్
ఆమె తల్లి నువాన్, ఆమె స్నేహితుడు పియాక్ మరణాలు ఆమెను ఈ శాపం నిజాన్ని కనుగొనే దిశగా నడిపిస్తాయి. ఈ శాపం వెనుక ఒక దుష్ట బ్లాక్ మ్యాజిక్ ప్రాక్టీషనర్ ఉన్నాడని ఆమె తెలుసుకుంటుంది. అతను గ్రామంలోని ఈ చీకటి శక్తులను నియంత్రిస్తుంటాడు. సినిమా రెండవ భాగంలో, పానోర్ తన బాధల నుండి బయటపడేందుకు ఒక రివెంజ్ జర్నీ మొదలుపెడుతుంది. ఆమె క్రమంగా తనలోని బ్లాక్ మ్యాజిక్ శక్తులను పెంచుకుంటుంది. ఇవి ఆమెకు తన శత్రువులతో పోరాడే శక్తిని ఇస్తాయి. ఈ క్రమంలో ఆమె శాపం వెనుక ఉన్న నిజమైన శత్రువు ఎవరో తెలుసుకుంటుంది. ఒక భయంకరమైన రిచ్యువల్ ద్వారా ఈ శాపాన్ని ఛేదించి, గ్రామాన్ని రక్షించే ప్రయత్నం చేస్తుంది. ఈ రిచ్యువల్ సినిమా క్లైమాక్స్‌గా మారుతుంది. పానోర్ ఈ శాపం నుంచి బయటపడుతుందా ? దానికే బలవుతుందా ? అనే విషయాలను ఈ సినిమాను చూసి తెలుసుకోండి.
Share
Redmi Note 14 SE: ఇండియాలో రెడ్‌మి నోట్ 14 SE 5G విడుదల.. రూ.15,000లోపే 50MP కెమెరా ఫోన్
Priyanka Jain: బీచ్ లో సేద తీరుతూ కాకరేపుతున్న ప్రియాంక.. ఫోటోలు వైరల్!
