Psycho Thriller OTT : ఓటీటీలలో ఉండే సైకో థ్రిల్లర్ సినిమాలకే ప్రత్యేకంగా అభిమానులు ఉంటారు. కానీ అందులో హర్రర్ మిక్స్ తో అది వేరే లెవెల్ కిక్కు అంతే. ఈ రెండు జానర్ల కాంబోలో వచ్చిన ఓ ఇంట్రెస్టింగ్ సినిమానే ఈరోజు మన మూవీ సజెషన్. మరి ఈ మూవీలో చెప్పుకునేటంత ప్రత్యేకత ఏముంది ? ఎక్కడ చూడవచ్చు ? అనే వివరాలను తెలుసుకుందాం పదండి.
2024లో రిలీజ్ అయిన మోస్ట్ డిస్టర్బింగ్ థ్రిల్లర్ పేరే ‘స్పీక్ నో ఈవిల్’ (Speak No Evil). సైకలాజికల్ హారర్ ఫ్యాన్స్ కి ఇంటెన్స్ ఎక్స్‌పీరియన్స్ ఇచ్చే ఈ సినిమాకు జేమ్స్ వాట్కిన్స్ దర్శకత్వం వహించారు. 2022లో వచ్చిన ఓ డానిష్ ఫిల్మ్ కు ఈ అమెరికన్ రీమేక్ గా రూపొందింది. బ్లమ్‌హౌస్ ప్రొడక్షన్స్ నిర్మించిన ఈ మూవీలో జేమ్స్ మెక్‌అవాయ్, మాకెంజీ డేవిస్, స్కూట్ మెక్‌నైరీ, అలిక్స్ వెస్ట్ లెఫ్లర్, ఐస్లింగ్ ఫ్రాన్సియోసి ప్రధాన పాత్రలు పోషించారు. 1 గంట 50 నిమిషాల రన్‌టైమ్ ఉన్న ఈ మూవీ 2024 సెప్టెంబర్ 13న బిగ్ స్క్రీన్ పై సందడి చేసింది. ఇక ఇప్పుడు ఓటీటీ మూవీ లవర్స్ కోసం అమెజాన్ ప్రైమ్ వీడియో (Amazon Prime Video)లో స్ట్రీమింగ్ అవుతోంది. సైకో, హారర్ ఎలిమెంట్స్ తో పాటు బ్రూటల్ సీన్స్ ఉంటే బాగుంటుంది అనుకునే వారు ఈ మూవీపై ఒక లుక్కేయొచ్చు.
Read Also : మూగపిల్లను ర్యాంగింగ్ చేసే గ్యాంగ్ మర్డర్ మిస్టరీ… సీను సీనుకో ట్విస్ట్
సాధారణంగా పక్కింటి వాళ్ళు, కొలీగ్స్ లేదా మంచి పరిచయస్తులు అయితే… ఏదో ఒక సందర్భంలో ఒకరింటికి ఒకరు ఆహ్వానించుకుంటారు. ఆ టైమ్ లో గెస్ట్ లకు విందు భోజనం కూడా ఏర్పాటు చేస్తారు. ఇక ఆ తరువాత విందును ఆరగించి సంతోషంగా ఎవరింటికి వాళ్ళు వచ్చేస్తారు. కానీ లైఫ్ లాంగ్ అదొక అద్భుతమైన మెమొరీగా ఉండిపోతుంది. కానీ ఇప్పుడు మనం చెప్పుకునే సినిమాలో మాత్రం ఆ ఆహ్వానమే ఒక పీడకల అవుతుంది.
ఇక కథలోకి వెళ్తే… లూయిస్ (మాకెంజీ డేవిస్), బెన్ (స్కూట్ మెక్‌నైరీ) అనే అమెరికన్ దంపతులుఉంటారు. వాళ్లకి ఒక కూతురు ఉంటుంది. ఆమె పేరు అగ్నెస్ (అలిక్స్ వెస్ట్ లెఫ్లర్). ఈ ఫ్యామిలీ చుట్టూనే కథ తిరుగుతుంది. ఇటలీ హాలిడేస్ లో బ్రిటిష్ డాక్టర్ పాడీ (జేమ్స్ మెక్‌అవాయ్), ఆయన వైఫ్ సి (ఐస్లింగ్ ఫ్రాన్సియోసి), కొడుకు ఆంట్ (డానికా కర్వోసో)తో అమెరికన్ ఫ్యామిలీ క్లోజ్ అవుతుంది. ఆ హరువత పాడీ ఫ్యామిలీ ఇంగ్లండ్‌ లో ఉన్న తమ ఊరికి వీళ్ళని ఆహ్వానిస్తాడు. అక్కడికి వెళ్ళాక గుండె జారిపోయే టర్న్ తీసుకుంటుంది కథ. మరి ఆ టర్న్ ఏంటి ? అక్కడికి వెళ్ళాక ఏం జరిగింది ? అన్నది మూవీని చూసి తెలుసుకోవాల్సిందే.
Share
Fire Accident: హైదరాబాద్‌లో భారీ అగ్నిప్రమాదం.. ఎగిసిపడుతున్న మంటలు
Moeen Ali: బీసీసీఐపై AUS, ENG బోర్డులు తిర‌గ‌బ‌డాలి....జై షా తోక క‌ట్ చేయాల్సిందే ?
