Psychological Mystery Thriller Series: హారర్ సినిమాలలోనూ సరికొత్త ఫోక్ హారర్ మూవీస్ ప్రత్యేకంగా, తాజాగా ఉంటాయి. ఓటీటీ మూవీ లవర్స్ కు ఆ అనుభూతిని పంచడానికి వస్తున్న వెబ్ సిరీస్ ‘బలారా బ్లడ్ ఐలాండ్’ (Balaraw Blood Island). ఫిలిపినో బ్యాక్‌డ్రాప్‌లో తెరకెక్కిన ఈ సైకలాజికల్ మిస్టరీ థ్రిల్లర్ ప్రస్తుతం ఓటీటీలో స్ట్రీమింగ్ అవుతోంది. అంతుచిక్కని రీతిలో కనిపించకుండా పోయిన తన తల్లి ఆచూకీ వెతుక్కుంటూ ఒక భయంకరమైన, ఒంటరి దీవికి వెళ్లే యువతి చుట్టూ ఈ కథ తిరుగుతుంది. మరి ఈ భయంకరమైన సిరీస్ స్ట్రీమింగ్ ఎక్కడ ? ఏ ఓటీటీలో చూడవచ్చు ? అన్న వివరాల్లోకి వెళ్తే…
సబీనా టెజెరోస్‌ తల్లి చాలా ఏళ్ల క్రితమే కనిపించకుండా పోతుంది. ఆమె ఏమైంది, ఎక్కడికి వెళ్లింది అనే ప్రశ్నలకు సబీనాకు సమాధానాలు దొరకవు. అయితే ఓ రహస్యమైన ఆధారం ఆమెను బలారావ్‌ ద్వీపం వైపు నడిపిస్తుంది. ఆ ద్వీపం గురించి బయట ప్రపంచానికి తెలిసింది చాలా తక్కువ. అక్కడికి వెళ్లిన చాలామంది తిరిగి కనిపించలేదనే భయంకరమైన టాక్ కూడా ఉంటుంది. అయినా తల్లి గురించి నిజం తెలుసుకోవాలనే పట్టుదలతో సబీనా అక్కడికి వెళ్లాలని నిర్ణయించుకుంటుంది.
ఈ ప్రయాణంలో సబీనాకు తోడుగా ఆమె ప్రేయసి బులాక్ బెర్నాబే ఉంటుంది. ఇద్దరూ ఆ ద్వీపానికి చేరుకున్నాక అక్కడి వాతావరణం, స్థానికుల ప్రవర్తన, తరతరాలుగా కొనసాగుతున్న నమ్మకాలు వారిలో అనేక అనుమానాలు రేకెత్తిస్తాయి. మొదట తల్లి ఆచూకీ కోసం మొదలైన అన్వేషణ క్రమంగా ఆ కుటుంబానికి సంబంధించిన దాచిన రహస్యాల వైపు మళ్లుతుంది. బలారావ్‌ ద్వీపం కేవలం ఓ మారుమూల ప్రాంతం మాత్రమే కాదు. అక్కడి జానపద కథలు, వింత ఆచారాలు, ఎవరికీ తెలియని చీకటి రహస్యాలు సబీనా ప్రయాణాన్ని మరింత ప్రమాదకరంగా మారుస్తాయి. ఆమె తెలుసుకోవాలనుకుంటున్న నిజం ఒక్కొక్కటిగా బయటపడుతున్న కొద్దీ, తన కుటుంబం గురించి ఇప్పటివరకు నమ్మిన విషయాలనే ప్రశ్నించాల్సిన పరిస్థితి వస్తుంది. సబీనా తల్లి రెబెక్కా గతంలో ఏం జరిగింది ? ఆమె కనిపించకుండా పోవడానికి అసలు కారణమేంటి ? ఇంతకీ ఆమె తల్లి ఏమైంది ? చివరకు దొరికిందా లేదా ? ఆ ద్వీపంలో ఏం జరుగుతోంది ? అన్నది తెలియాలంటే సిరీస్ పై ఒక లుక్కేయాల్సిందే.
హర్రర్ సిరీస్ ‘బలారా బ్లడ్ ఐలాండ్’ అక్టోబర్ 29 నుంచి నెట్‌ఫ్లిక్స్‌ (Netflix)లో స్ట్రీమింగ్‌కు వచ్చింది. హారర్ కథల్లో కొత్తదనం, జానపద కథలు, మూడనమ్మకాల నమ్మకాల చుట్టూ అల్లుకున్న మిస్టరీ, సైకలాజికల్ థ్రిల్‌ కోరుకునేవారు ఈ సినిమాను అస్సలు మిస్ అవ్వొద్దు. ఇందులో జానిన్ గుటియెరెజ్‌ సబీనాగా, చార్లీ డిజోన్‌ బులాక్‌గా, అగోట్ ఇసిడ్రో రెబెక్కాగా నటించారు. దర్శకురాలు రే రెడ్‌ ఫిలిపినో జానపద నేపథ్యాన్ని ఆధారంగా చేసుకుని ఈ కథను తెరకెక్కించారు. హారర్, మిస్టరీ జోనర్ సినిమాలను ఇష్టపడే హార్డ్‌కోర్ ఫ్యాన్స్‌కు ఇదొక విజువల్ ఫీస్ట్ లాంటిది. ముఖ్యంగా ఆ బ్లడ్ ఐలాండ్ నేపథ్యం, అక్కడ కనిపించే విచిత్రమైన శిల్పాలు, మనుషుల ప్రవర్తన ప్రతీది సస్పెన్స్‌ను క్రియేట్ చేస్తాయి. నెట్‌ఫ్లిక్స్‌లో ట్రెండ్ అవుతున్న ఈ సిరీస్‌ను వీకెండ్ నైట్ చూసి మీ ధైర్యాన్ని పరీక్షించుకోండి.
Share
తారక్‌ను గ్లోబల్ స్టార్ అవుతావని ముందే చెప్పా.. రాజీవ్ కనకాల!
ఇళయరాజా, భారతీరాజా మధ్య గొడవకు కారణం అదేనా?
