OTT Movie : మలయాళం సినిమాలను డిజిటల్ స్క్రీన్ మీద చూడటానికి ఆసక్తి చూపిస్తున్నారు ప్రేక్షకులు. మంచి కంటెంట్ ఉన్న స్టోరీలు ఈ ఇండస్ట్రీ నుంచి వస్తున్నాయి. ఇప్పుడు మనం చెప్పుకోబోయే సినిమా కేరళలోని ఒక గ్రామీణ ప్రాంతంలో జరుగుతుంది. ఒక అమ్మాయి రివేంజ్ చుట్టూ ఈ కథ తిరుగుతుంది. ఈ సినిమా చివరి వరకు ఆసక్తికరంగా ఉంటుంది. ఇక క్లైమాక్స్ లో వచ్చే ట్విస్ట్ అందరినీ ఆశ్చర్య పరుస్తుంది. ఈ సినిమా పేరు ఏమిటి ? ఎందులో స్ట్రీమింగ్ అవుతోంది ? స్టోరీ ఏమిటి ? అనే వివరాలను తెలుసుకుందాం పదండి.
‘Randaam Yaamam’ 2025లో విడుదలైన మలయాళ థ్రిల్లర్ చిత్రం. దీనికి నెమోం పుష్పరాజ్ దర్శకత్వం వహించారు. గోపాల్ ఆర్. ఫార్చ్యూన్ ఫిల్మ్స్ బ్యానర్లో నిర్మించారు. ఇందులో స్వాసిక విజయ్ (సోఫియా), ధ్రువన్ (యాదు), గౌతమ్ కృష్ణ, జాయ్ మాథ్యూ (ఉన్నికృష్ణన్ నంబూతిరి) ప్రధాన పాత్రల్లో నటించారు. 2 గంటల 20 నిమిషాల రన్టైమ్ ఉన్న ఈ సినిమా IMDbలో 8.9/10 రేటింగ్ పొందింది. ఈ చిత్రం2025 ఫిబ్రవరి 28న థియేటర్లలో విడుదలై, సెప్టెంబర్ 19 నుంచి ManoramaMaxలో రిలీజ్ అయింది.
ఈ కథ కేరళలోని ఒక గ్రామీణ ప్రాంతంలో జరుగుతుంది. ఇక్కడ సోఫియా అనే యువతిని పాము కాటుకు గురైన తర్వాత గ్రామస్తులు తంత్రిక చికిత్సలో ప్రసిద్ధిగాంచిన ఉన్నికృష్ణన్ నంబూతిరి వద్దకు తీసుకెళతారు. ఉన్నికృష్ణన్ సోఫియా పరిస్థితిని హోప్లెస్గా ఇక ఏమీ చేయలేమని చెప్తాడు. ఎందుకంటే విషం ఆమె శరీరంలో బాగా వ్యాపించింది. అయితే అతని కొడుకు యాదు చికిత్స చేసి సోఫియాను రివైవ్ చేస్తాడు. సోఫియా క్రమంగా స్పృహలోకి వస్తుంది. కానీ ఇక్కడ కథ డార్క్ టర్న్ తీసుకుంటుంది. యాదు తన కోరికలకు లొంగి, సోఫియాను అర్ధస్పృహలో ఉన్న సమయంలో దుర్వినియోగం చేస్తాడు. సోఫియా పూర్తిగా స్పృహలోకి వచ్చాక ఈ భయంకరమైన మోసాన్ని గుర్తిస్తుంది. అవమానంతో ఆమె, యాదుపై ప్రతీకారం తీర్చుకోవాలని నిర్ణయించుకుంటుంది.
సెకండ్ హాఫ్లో, సోఫియా ప్రతీకార ప్రణాళిక మరింత ఇంటెన్స్ అవుతుంది. ఆమె యాదు, అతని కుటుంబం, గ్రామంలోని సాంప్రదాయ హీలర్ సిస్టమ్ను ఎదిరించేందుకు ఒక స్మార్ట్ ప్లాన్ వేస్తుంది. ఈ ప్రాసెస్లో ఆమెకు సపోర్ట్ చేసే కొందరు గ్రామస్తులు, ఆమె స్నేహితుడు కథలో ఎమోషనల్ డెప్త్ యాడ్ చేస్తారు. యాదు తన తప్పును కవర్ చేయడానికి ట్రై చేస్తాడు. కానీ సోఫియా పట్టుదల, ఆమె తెలివితేటలు అతన్ని క్రమంగా కార్నర్ చేస్తాయి. గ్రామంలోని మూఢనమ్మకాలు, తంత్రిక చికిత్సలపై ఆధారపడటం, స్త్రీలపై అన్యాయం ఈ కథలో కీలక థీమ్స్గా ఉంటాయి. క్లైమాక్స్లో సోఫియా ప్రతీకారం ఒక షాకింగ్ ట్విస్ట్తో ముగుస్తుంది, ఇది ఆడియన్స్ను ఆలోచింపజేస్తుంది. షాకింగ్ ట్విస్ట్ ఏమిటి ? సోఫియా రివేంజ్ ఎలా తీర్చుకుంటుంది ? అనే విషయాలను ఈ సినిమాను చూసి తెలుసుకోవాల్సిందే.
Read Also : అమ్మాయిల్ని ట్రాప్ చేసి అత్యంత దారుణంగా చంపే కిల్లర్… ప్రభుదేవాను ఇలాంటి పాత్రలో అస్సలు చూసుండరు
Share
OTT Movie : షార్ట్ కట్ రోడ్లో వెళ్లి అపరిచితుడితో అడ్డంగా బుక్... 24 గంటల్లో నడిచే మలయాళ టామ్ అండ్ జెర్రీ స్టోరీ
OTT Movie : సర్ఫింగ్ కోసం వెళ్లి సావును కొనితెచ్చుకునే తండ్రీకొడుకులు... వణుకు పుట్టించే సైకలాజికల్ థ్రిల్లర్
