Romantic Cmedy OTT : ఓటీటీలోకి ఎన్నో సిరీస్ లు సినిమాలు వస్తున్నాయి. అయితే కొరియన్ సిరీస్ లు మాత్రం ఒక ప్రత్యేక గుర్తింపును తెచ్చుకున్నాయి. ఇక ఈ సిరీస్ లు కూడా బాగా ట్రెండ్ అవుతున్నాయి. అయితే కొరియన్ డ్రామాలను ఇష్టపడేవాళ్ళు, ఇప్పుడు చెప్పుకోబోయే సిరీస్ ను ఖచ్చితంగా చూడాల్సిందే. సిరీస్ అంత బాగా ఉంటుంది. ఈ కథలో హైస్కూల్లో ఒకరికొకరు ప్రత్యర్థులుగా ఉన్న ఇద్దరు పెద్దయ్యాక డాక్టర్లు అవుతారు. చివరికి వాళ్ళే కష్టకాలంలో ఒకరికి ఒకరు తోడుగా ఉంటారు.
ఈ కొరియన్ మెడికల్ రొమాంటిక్ కామెడీ వెబ్ సిరీస్ పేరు ‘డాక్టర్ స్లంప్’ (Doctor Slump). 2024లో ఈ సిరీస్ లో పార్క్ హ్యుంగ్-సిక్, పార్క్ షిన్-హై ప్రధాన పాత్రల్లో నటించారు. 16 ఎపిసోడ్ల ఈ సిరీస్ నెట్ఫ్లిక్స్ (Netflix) లో అందుబాటులో ఉంది. నెట్ఫ్లిక్స్లో విడుదలైన కొన్ని రోజుల్లోనే ఇండియా సహా చాలా దేశాల్లో టాప్ 10 లిస్టులో నిలిచింది. ఐయండిబిలో దీనికి 7.5 రేటింగ్ కూడా ఉంది.
స్కూల్ రోజుల్లో హీరో (జెంగ్-వూ), హీరోయిన్ (హా-నెల్) ఇద్దరూ తోపు స్టూడెంట్స్. క్లాస్లో ఫస్ట్ ఎవరు రావాలి అనే విషయంలో ఇద్దరికీ అస్సలు పడేది కాదు, ఒకరినొకరు శత్రువుల్లా చూసుకునేవారు. కట్ చేస్తే, ఇద్దరూ పెద్దయ్యాక డాక్టర్లు అవుతారు. హీరో ప్లాస్టిక్ సర్జన్ అయి కోట్లు సంపాదిస్తుంటే, హీరోయిన్ ఏమో రాత్రి పగలు అనక ఆస్పత్రిలో గొడ్డు చాకిరి చేస్తూ యమ బిజీగా ఉంటుంది. అయితే సీన్ రివర్స్ అయి ఇద్దరి లైఫ్ ఒకేసారి దెబ్బతింటుంది. ఒక పేషెంట్ చనిపోవడంతో హీరో మీద కేసు పడి రోడ్డున పడతాడు. హీరోయిన్ ఏమో తన బాస్ వేధింపులు తట్టుకోలేక, డిప్రెషన్లోకి వెళ్లి ఉద్యోగం మానేస్తుంది.
అలా లైఫ్ మరీ దారుణంగా ఉన్న టైంలో, విధి ఆ ఇద్దరు పాత శత్రువులను మళ్ళీ ఒకేచోట కలిసేలా చేస్తుంది. అది కూడా హీరో వచ్చి హీరోయిన్ ఇంటి పైన ఉన్న గదిలో అద్దెకు దిగడంతో రచ్చ మొదలవుతుంది. మొదట్లో తిట్టుకున్నా, మెల్లగా ఒకరి కష్టం ఒకరికి అర్థమవుతుంది. ఒకరికొకరు ధైర్యం చెప్పుకుంటూ మళ్ళీ లైఫ్ని సెట్ చేసుకుంటారు. చివరికి హీరో మీద పడ్డ ఆ కేసుని ఎలా గెలిచాడు ? హీరోయిన్ తన డిప్రెషన్ నుండి ఎలా బయటపడింది ? వీళ్ళ ప్రేమ కథ ఎలాంటి ముగింపును ఇస్తుంది ? అనే విషయాలను, ఈ కే డ్రామాను చూసి తెలుసుకోవాల్సిందే.
Read Also : రైలు పట్టాలు ఎక్కే మృత్యువు… హైజాకర్ల హైటెక్ విధ్వంసం… ఓటీటీలో ఉత్కంఠ రేపుతున్న సిరీస్
Share
Samsung Galaxy A35 Price Drop: బడ్జెట్ యూజర్లకు జాక్పాట్.. శాంసంగ్ గెలాక్సీ A35పై కళ్లుచెదిరే డిస్కౌంట్!
Funerals: మహిళలు శ్మశానంలోని అంత్యక్రియల్లో ఎందుకు పాల్గొనకూడదు? ఈ నియమం ఎవరు పెట్టారు?
