Romantic Comedy OTT : ఒక మంచి ఫ్యామిలీ ఎమోషన్స్ తో సినిమాను చూడాలనుకుంటే, ఈ థాయ్ సినిమాను చూసేయచ్చు. ఇది కేవలం కామెడీ మాత్రమే కాకుండా, అన్నచెల్లెళ్ల మధ్య ఉండే ఎమోషన్స్‌ను చక్కగా చూపించినందుకు విమర్శకుల నుండి ప్రశంసలు అందుకుంది. దీనికి ప్రపంచవ్యాప్తంగా ఎవరైనా కనెక్ట్ అయ్యేలా ఈ సినిమాను రూపొందించారు. ఈ సినిమా ప్రధానంగా అన్నాచెల్లెళ్ల మధ్య ఉండే గొడవలు, ప్రేమ, బాధ్యతల చుట్టూ తిరుగుతుంది. ఫ్యామిలీతో ఈ సినిమా చూస్తే మంచి మెమరబుల్ గా మిగిలిపోతుంది.
ఈ థాయ్ రొమాంటిక్ కామెడీ డ్రామా సినిమా పేరు ‘బ్రదర్ ఆఫ్ ది ఇయర్’ (Brother of the Year). ఈ చిత్రాన్ని థాయ్‌లాండ్‌లోని ప్రముఖ నిర్మాణ సంస్థ GDH 559 నిర్మించింది. దీనికి విత్తయ థాంగ్‌యూయంగ్ దర్శకత్వం వహించారు. ఈ సినిమా బాక్సాఫీస్ వద్ద భారీ విజయాన్ని సాధించడమే కాకుండా, 2018లో థాయ్‌లాండ్‌లో అత్యధిక వసూళ్లు రాబట్టిన చిత్రాలలో ఒకటిగా నిలిచింది. ముఖ్యంగా 2PM అనే ప్రసిద్ధ K-pop గ్రూప్ సభ్యుడైన నిక్కున్ ఇందులో నటించడం వల్ల ఈ సినిమా ఆసియా అంతటా మంచి గుర్తింపు పొందింది. అవార్డుల విషయానికొస్తే, కథానాయిక ఉరస్సయ సెపర్బండ్ (జేన్ పాత్రలో) తన నటనకు గాను 2019లో ప్రతిష్టాత్మకమైన ‘థాయ్‌లాండ్ నేషనల్ ఫిల్మ్ అసోసియేషన్’ నుండి ఉత్తమ నటి అవార్డును గెలుచుకుంది. ఈ సినిమా సుమారు 1.4 మిలియన్ డాలర్లకు పైగా వసూళ్లను సాధించింది. ప్రస్తుతం నెట్‌ఫ్లిక్స్ ఓటీటీ ప్లాట్‌ఫామ్‌లో అందుబాటులో ఉంది.
ఒక ఊళ్ళో ఒక అన్న, చెల్లెలు ఉంటారు. అన్న పెద్ద సోమరిపోతు, ఏ పనీ పాటా లేకుండా తిరుగుతూ ఇల్లంతా గందరగోళం చేసే రకం. కానీ చెల్లెలు మాత్రం భలే చురుకైనది, చదువులో ఫస్టు, ఇంటి పనుల్లోనూ దిట్ట. చిన్నప్పటి నుంచీ ఆ అన్నకి తన చెల్లెలు అంటే ఒక రకమైన కుళ్లు. తను ఏమీ చేయలేకపోతుంటే, చెల్లెలు మాత్రం అన్నిట్లో పేరు తెచ్చుకుంటుందని లోపల రగిలిపోతుంటాడు. ఆ ఇద్దరి మధ్య ఎప్పుడూ ఎలాకా-పిల్లి గొడవలే, ఒకరంటే ఒకరికి అస్సలు పడదు. కథ ఇలా సాగుతుండగా, ఆ చెల్లెలు జపాన్ నుంచి తిరిగి వచ్చి ఒక కంపెనీలో ఉద్యోగంలో చేరుతుంది. అక్కడ ఆమెకు ఒక మంచి కుర్రాడు పరిచయమై, ఇద్దరూ ప్రేమలో పడతారు. ఈ విషయం తెలుసుకున్న అన్నకి తన చెల్లెలు పెళ్లి చేసుకుని వెళ్ళిపోతే తనేం కావాలి అన్న భయం ఒక పక్క పట్టుకుంటుంది.
అంతేకాకుండా ఆమెకు ఏదైనా మంచి జరిగితే ఓర్చుకోలేని కుళ్ళు కూడా ఇంకో పక్క ఉంటుంది. అందుకే ఆ ఆమెకు కాబోయే మొగుడి ముందు చెల్లెలి గురించి లేనిపోనివన్నీ చెప్పి, వాళ్ళ ప్రేమను చెడగొట్టడానికి నానా తిప్పలు పడతాడు. చివరికి ఆ అన్న చేసే పనుల వల్ల చెల్లెలు విసిగిపోయి, వాళ్ళ మధ్య పెద్ద గొడవ జరుగుతుంది. అప్పుడు గానీ ఆ అన్నకు అర్థం కాదు, తను ఎంత తప్పు చేస్తున్నాడో. బయటకు ఎంత కొట్టుకున్నా, తిట్టుకున్నా లోపల అన్నచెల్లెళ్ల బంధం ఎంత గట్టిదో సినిమా చివరలో కళ్ళకు కట్టినట్లు చూపిస్తారు. ఇన్నాళ్లూ చెల్లెలిని ఆటపట్టించిన ఆ అన్న, ఆమె దూరం అవుతుంటే ఎంత బాధపడతాడో చూసేవాళ్ళకి కన్నీళ్ళు వస్తాయి.
Read Also : వెన్నులో వణుకు పుట్టించే జాంబీల దండయాత్ర… కలలోను వెంటాడే హారర్ సీన్లు
Share
Brahmamudi Serial Today Episode April 8th ‘బ్రహ్మముడి’ సీరియల్‌: అపర్ణ, ఇందులను చూసిన నందు
పీరియడ్స్ సమయంలో మహిళలు ఈ పండ్లు అసలు తినకూడదు.. ఎందుకంటే
