Romantic Comedy OTT : జి.వి. ప్రకాష్ ప్రధాన పాత్రలో నటించిన కొత్త సినిమా ‘హ్యాపీ రాజ్’. ఫ్యామిలీతో కలిసి చూడదగిన సినిమాగా ఇప్పటికే బజ్ క్రియేట్ చేసింది ఈ తమిళ సినిమా. అటు సంగీత దర్శకుడిగా, ఇటు కథానాయకుడిగా ఇతను మల్టీ టాలెంట్ తో దూసుకెళ్తున్నాడు. తమిళ, తెలుగు ప్రమోషన్లకు మంచి రెస్పాన్స్ కూడా వస్తోంది. ఇక ఈ సినిమా నెలాఖరులో విడుదలకు సిద్ధమవుతోంది. చిత్ర నిర్మాతలు ఇటీవల ఈ సినిమా ట్రైలర్ను కూడా విడుదల చేశారు. ట్రైలర్ లాంచింగ్ లో హీరో ధనుష్ కూడా ఈ సినిమాపై ప్రశంసలు కురిపించారు. అయితే థియేటర్ రిలీజ్ కి ముందే దీని స్ట్రీమింగ్ హక్కులను ఒక ప్రముఖ ఓటీటీ సంస్థ దక్కించుకుంది. మరి ఆ విషయాలపై కూడా ఓ లుక్ వేద్దాం పదండి.
జి.వి. ప్రకాష్ నటించిన ‘హ్యాపీ రాజ్’ మార్చి 27న థియేటర్లలో విడుదల కానుంది. ఇక దీని స్ట్రీమింగ్ హక్కులను ప్రైమ్ వీడియో సొంతం చేసుకుంది. అయితే థియేటర్లలో రిలీజ్ తర్వాతనే ఈ చిత్రం ప్రైమ్ వీడియో (Prime Video)లో స్ట్రీమ్ అవుతుంది. ఈ ప్లాట్ఫామ్ ఏప్రిల్ నెలాఖరులో పలు భాషల్లో ప్రీమియర్ చేస్తుందని భావిస్తున్నారు. మరియా రాజా ఎలాంచెజియన్ తొలిసారిగా దర్శకత్వం వహించిన ఈ చిత్రంలో జి.వి. ప్రకాష్ ప్రధాన పాత్ర పోషిస్తున్నారు. ప్రముఖ నటుడు అబ్బాస్ తమిళ చిత్రసీమలోకి చాలా కాలం తరువాత ఎంట్రీ ఇస్తున్నాడు. శ్రీ గౌరీ ప్రియ, జార్జ్ మేరియన్, గీతా కైలాసం తదితరులు కూడా ఇందులో ముఖ్య పాత్రలు పోషించారు. ఈ చిత్రానికి జస్టిన్ ప్రభాకరన్ సంగీతం అందించారు. ఇక ఈ తమిళ సినిమాను, మైత్రి మూవీ డిస్ట్రిబ్యూటర్స్ ఎల్ఎల్పీ, ఇప్పుడు తెలుగులో విడుదల చేస్తున్నట్లు ఒక ప్రకటన కూడా చేసింది.
హ్యాపీ రాజ్ ఒక రొమాంటిక్ కామెడీ ఎంటర్టైనర్గా రూపొందింది. ఈ సినిమా ఎక్కువ శాతం కథానాయకుడి చుట్టూ తిరుగుతుంది. అతను చాలా సరదాగా ఉండే వ్యక్తి. తనతో డేటింగ్ చేయడానికి ఒక అమ్మాయి కోసం వెతుకుతూ ఉంటాడు. అయితే చాలా మందితో డేటింగ్ కి ప్రయత్నాలు చేస్తాడు, కానీ అన్ని ప్రయత్నాలు బెడిసి కొడుతుంటాయి. చివరికి ఒక మహిళ అతనితో డేటింగ్ చేయడానికి ఒప్పుకుంటుంది. కానీ ఆమె తల్లిదండ్రులు ఈ విషయంలో జోక్యం చేసుకోవడంతో సమస్యలు మొదలవుతాయి. చివరికి హీరో డేటింగ్ ను పూర్తి చేస్తాడా ? అతనికి వచ్చిన సమస్యలు ఏమిటి ? అనే విషయాలను, తొందరలో రాబోతున్న ఈ కామెడీ ఎంటర్టైనర్ ను చూసి తెలుసుకోండి.
Read Also : కోరిక తీర్చి మాయం చేసే టీచర్… టెన్షన్ పెట్టించే ఒక్కో స్టూడెంట్ మిస్సింగ్ కేసు… అదిరిపోయే కొరియన్ మిస్టరి
Share
Automatic atta chakki: బటన్ నొక్కగానే ఇంట్లో గోధుమ పిండి రెడీ.. ఆన్లైన్లో బెస్ట్ ఆటోమేటిక్ మిషన్స్ ఇవే
Intinti Ramayanam Today Episode: ఫీల్ అయిపోయిన పల్లవి..నిజం చెప్పబోతున్న చక్రధర్.. అవనిని చంపేందుకు పల్లవి ప్లాన్..
