Sathi Leelavathi OTT : మెగా హీరోయిన్ లావణ్య త్రిపాఠి కొణిదెల లీడ్ రోల్ లో నటించిన లేటెస్ట్ మూవీ ‘సతీ లీలావతి’ (Sathi Leelavathi) మరికొన్ని గంటల్లో ఓటీటీలోకి అడుగు పెట్టబోతోంది. రీసెంట్ గా మంచి అంచనాలతో థియేటర్లలోకి వచ్చిన ఈ మూవీ పెద్దగా ఆడియన్స్ ను అలరించలేకపోయింది. మరి ఇప్పుడు ఈ మూవీ ఏ ఓటీటీలో స్ట్రీమింగ్ కాబోతోంది ? ఈ సినిమా స్టోరీ ఏంటి ? అనే విషయాలను తెలుసుకుందాం పదండి.
టాలీవుడ్ హీరోయిన్ లావణ్య త్రిపాఠి గురించి ప్రత్యేకంగా తెలుగు వారికి పరిచయం అక్కర్లేదు. పలు సినిమాలతో తనకంటూ సపరేట్ గా ఫ్యాన్ బేస్ ను ఏర్పాటు చేసుకున్న ఈ బ్యూటీ మెగా ప్రిన్స్ వరుణ్ తేజ్ ని పెళ్లాడి మెగా ఫ్యామిలీ కోడలుగా అడుగు పెట్టింది. అయితే పెళ్లయ్యాక ఈ అమ్మడు సినిమాలకు దూరంగా ఉంటుందని అందరూ అనుకున్నారు. కానీ వరుణ్ తేజ్ తో వివాహం తర్వాత ఆమె సిల్వర్ స్క్రీన్ పై రీఎంట్రీ ఇచ్చి అందరిని సర్ప్రైజ్ చేసింది. మెగా అభిమానులతో పాటు సాధారణ ఆడియన్స్ ను కూడా ‘సతి లీలావతి’ అంటూ ఈ నెలలోనే థియేటర్లలో పలకరించింది.
2026 మే 8న ఈ మూవీ థియేటర్లలో రిలీజ్ అయింది. కానీ దురదృష్టవశాత్తు మూవీ పెద్దగా ఆడలేదు. వీక్ నరేషన్ కారణంగా బాక్స్ ఆఫీస్ కలెక్షన్లపై గట్టిగానే ఎఫెక్ట్ పడింది. దీంతో రెండు వారాల్లోనే ఈ మూవీ ఓటిటి బాట పట్టింది. సాధారణంగా బ్లాక్ బస్టర్ సినిమాలు కనీసం నాలుగు నుంచి ఆరు వారాల థియేటర్ రన్ తర్వాతే ఓటిటిలోకి వస్తాయి. కానీ ఫ్లాప్ సినిమాల పరిస్థితి అలా ఉండదు. సినిమా ప్లాప్ అయ్యిందంటే వారం గ్యాప్ కూడా లేకుండానే ఓటీటీలోకి వస్తున్న పరిస్థితి ఉంది. అలాగే ‘సతి లీలావతి’ కూడా సరిగ్గా ఇలాగే కేవలం రెండు వారాల వ్యవధిలోనే డిజిటల్ స్ట్రీమింగ్ కు సిద్ధం కావడం విశేషం. ఈ మూవీ పాపులర్ ఓటీటీ సన్ నెక్స్ట్ (Sun NXT)లో బుధవారం నుంచి స్ట్రీమింగ్ కాబోతోంది. మే 20 నుంచి ‘సతీ లీలావతి’ మూవీ తెలుగు తో పాటు తమిళ భాషలోనూ అందుబాటులోకి రాబోతోంది. ఇక్కడ గమనించాల్సిన మరో విషయం ఏమిటంటే థియేటర్లలో రిలీజ్ అయిన అతి తక్కువ కాలంలోనే ఓటీటీలోకి వచ్చేసిన ఇటీవలి సినిమాల్లో ఇది కూడా ఒకటి.
ఈ సినిమాకు సత్య దర్శకత్వం వహించగా, దేవ్ మోహన్ హీరోగా నటించారు. దుర్గాదేవి పిక్చర్స్ బ్యానర్ పై నాగమోహన్ నిర్మించిన ఈ మూవీకి మిక్కి జే మేయర్ సంగీతం అందించారు. మరి థియేటర్లలో పెద్దగా ఆకట్టుకోలేకపోయిన ఈ మూవీ ఓటిటిలో ఎంత మేరకు అలరిస్తుందో చూడాలి.
Share
మ్యాట్రిమోనియల్ మోసాలు.. 20 మంది యువతులను ముంచిన కేటుగాడు అరెస్ట్!
బీసీసీఐకి CSK ఫిర్యాదు..కావ్య పాపకు మందలింపు, ఇషాన్ కిషన్, ట్రావిస్ హెడ్ పై 2 ఏళ్ల బ్యాన్ ?
