Squid Game : ‘స్క్విడ్ గేమ్’ సీజన్ 3కి ఊహించని ఎండింగ్ తో ముగింపు పలికారు మేకర్స్. అయితే చాలామందికి ఈ క్లైమాక్స్ రుచించలేదు. అందరినీ కాపాడాలని అనుకున్న 456 చివరకు ప్రాణాలు వదలడాన్ని ఈ సిరీస్ అభిమానులు జీర్ణించుకోలేకపోతున్నారు. అందులో భాగంగా సోషల్ మీడియా వేదికగా తమ అసంతృప్తిని వ్యక్తం చేస్తున్నారు. మరి కొంతమంది మీమ్స్ తో ఆడుకుంటున్నారు. తాజాగా ‘స్క్విడ్ గేమ్’ సీజన్ 3 క్లైమాక్స్ కు సంబంధించిన ఓ ఏఐ వీడియో సోషల్ మీడియాలో తెగ చక్కర్లు కొడుతోంది. మరి ఇంతకీ ఆ వీడియోలో ఏముందంటే ?
స్క్విడ్ గేమ్ ఎండింగ్ మార్చేసిన ఏఐ
ఈ ఏఐ వీడియోలో ‘స్క్విడ్ గేమ్ సీజన్ 3’లోని హైడెన్ సీక్ టాస్క్ తో పాటు చివరి సీన్ వరకూ మార్చేశారు. మొదట్లో హీరో రెడ్ వెనమ్ లా మారి, దేవుడు పూనాడు అంటూ నాటకాలాడే మహిళను భయపెడతాడు. ఆ తరువాత ఓ ముసలోడు చనిపోయినట్టు నటించే సీన్ లో చిన్న పిల్లాడి ఏడుపును పెట్టి, హిలేరియస్ గా డిజైన్ చేశారు. అంతేనా 222 బాయ్ ఫ్రెండ్ తో కలిసి హైడ్ అండ్ సీక్ ఆడే అతను మనుషుల కళ్ళు తీసుకుని తింటున్నట్టుగా కొన్ని వయోలెంట్ సీన్స్ కూడా ఈ వీడియోలో ఉన్నాయి. కొన్ని హ్యాపీ, మరికొన్ని సెటైరికల్, యూత్ ఫుల్ కంటెంట్ తో నింపేశారు. చివరగా హీరో ఆ శిశువును చంపేసి విన్ అవుతాడు. నిజానికి ఆడియన్స్ ఎక్స్పెక్ట్ చేసిన క్లైమాక్స్ ఇది కాదు. హీరో, ఆ శిశువు ఇద్దరూ అక్కడి నుంచి ఎలాగోలా బయట పడతారు అనుకున్నారు. అయితే అలా జరగకపోయినా, ఈ ఏఐలో ఉన్న క్లైమాక్స్ కొంచం బెటర్ గా ఉందని కామెంట్స్ చేస్తున్నారు నెటిజన్లు.
Read Also : ఇన్వెస్టిగేషన్ రూమ్ లో ఇవేం పాడు పనులు పాపా… ఆఫీసర్ ముందే వేషాలు… ఎక్స్ట్రీమ్ హిలేరియస్ సీన్స్
అసలు క్లైమాక్స్ ఏంటి ?
456, శిశువు, ఆ బిడ్డ తండ్రి ముగ్గురూ చివరి ఛాలెంజ్ వరకూ మిగులుతారు. అయితే చివర్లో ఆ బిడ్డ తండ్రి హీరోను చంపేసి, పాపతో గేమ్ విన్ అవ్వాలి అనుకుంటాడు. హీరోతో ఫైట్ జరిగిన సమయంలో ఆ బిడ్డను బలిచ్చి అయినా సరే తాను బతకాలి అనుకుంటాడు. హీరో అతన్ని చంపేస్తాడు. కానీ రూల్ ప్రకారం బటన్ నొక్కకుండానే బిడ్డ తండ్రి చనిపోతాడు. దీంతో పోటీ హీరో, ఆ బిడ్డ మధ్య ఉంటుంది. అయితే హీరో తనను తాను త్యాగం చేసుకుని, పాప విన్ అయ్యేలా చేస్తాడు. జూన్ 27న నెట్‌ఫ్లిక్స్‌లో విడుదలైన ఈ సిరీస్ ఇంకా ట్రెండింగ్ లోనే ఉంది.
Share
Manjummel Boys Case: పోలీసుల అదుపులో మంజుమ్మేల్ బాయ్స్ సౌబిన్ .. రూ.7 కోట్లు ఎగవేత!
Cancer: ఈ 5 కారణాల వల్లే.. క్యాన్సర్ మరణాలు పెరుగుతున్నాయట !
