Action Thriller OTT: సినిమా లవర్స్ ఎప్పుడెప్పుడా అని ఎదురుచూస్తున్న హై-వోల్టేజ్ యాక్షన్ ఎంటర్‌టైనర్ ‘సిగ్మా’ (Sigma) తాజాగా ఓటీటీలోకి వచ్చేసింది. ముఖ్యంగా ఈ మూవీకి సంబంధించిన క్రేజీ అప్డేట్స్ సోషల్ మీడియాలో సెన్సేషన్ క్రియేట్ చేస్తున్నాయి. కోలీవుడ్ ట్రెండ్ ప్రకారం మాస్ సినిమాలకు కేరాఫ్ అడ్రస్‌గా నిలిచే సందీప్ కిషన్ (Sundeep Kishan) మరోసారి తన మార్క్ యాక్షన్ తో ప్రేక్షకులను థ్రిల్ చేయడానికి సిద్ధమయ్యారు. ఈ సినిమాతో తమిళనాడు ముఖ్యమంత్రి విజయ్ కుమారుడు జేసన్ సంజయ్ (Jason Sanjay) దర్శకుడిగా పరిచయమయ్యారు. ఈ సినిమాలో హీరో పాత్ర ఎంత పవర్‌ఫుల్‌గా ఉంటుందో, విలన్ గ్యాంగ్‌తో జరిగే మైండ్ గేమ్స్ అంతకంటే హై రేంజ్‌లో ఉంటాయి. మరి ఈ మోస్ట్ అవైటింగ్ మూవీ ఎక్కడ స్ట్రీమింగ్ అవుతోంది అంటే…
గురు రేడియో జాకీగా పని చేస్తుంటాడు. అతనికి తన తల్లి జ్ఞాపకంగా మిగిలిన లైబ్రరీ అంటే ఎంతో ఇష్టం. కానీ ఆ లైబ్రరీ అప్పుల ఊబిలో కూరుకుపోవడంతో దాన్ని కాపాడుకోవడం గురుకు పెద్ద సమస్యగా మారుతుంది. డబ్బు కోసం ప్రయత్నిస్తున్న క్రమంలో అతను ఓ అక్రమ క్యాసినో వ్యవహారంలో చిక్కుకుంటాడు. అప్పటిదాకా రొటీన్ గా సాగుతున్న అతని ప్రయాణం ఒక్కసారిగా గ్యాంగ్‌స్టర్లు, అండర్‌వరల్డ్‌ ముఠాల మధ్య జరిగే పోరాటంగా మారుతుంది.
ఈ వ్యవహారంలో విదేశాల్లో దాచిన భారీ నిధికి సంబంధించిన ఓ తాళం చెవి గురు చేతికి వస్తుంది. ఆ నిధిలో సుమారు వెయ్యి కోట్ల రూపాయల వరకు అక్రమ సంపద ఉందని తెలుస్తుంది. అంతేకాదు, ఆ తాళం చెవికి సంబంధించిన పెన్‌డ్రైవ్‌లో కీలకమైన రహస్యాలు కూడా ఉంటాయి. దీంతో ఆ తాళం చెవి కోసం రెండు క్రిమినల్ గ్యాంగులు వేట మొదలుపెడతాయి. ఒకవైపు విన్సెంట్ గ్యాంగ్, మరోవైపు వీరయ్య రెడ్డి ముఠా దాన్ని దక్కించుకోవాలని ప్రయత్నిస్తాయి.
ఈ రెండు గ్యాంగుల మధ్య జరిగే పోరాటంలో గురు అనుకోకుండా కీలక వ్యక్తిగా మారిపోతాడు. తన లైబ్రరీని కాపాడుకోవాలనే ఉద్దేశంతో మొదలైన అతని ప్రయత్నం, చివరకు భారీ నిధిని చేజిక్కించుకునే గేమ్‌గా మారుతుంది. ఇంతకీ ఆ తాళం చెవి ఎవరి చేతికి చిక్కుతుంది ? గురు తన తల్లి జ్ఞాపకంగా ఉన్న లైబ్రరీని కాపాడుకోగలడా ? గ్యాంగ్‌స్టర్ల మధ్య చిక్కుకున్న అతను తన ప్లాన్‌ను ఎలా పూర్తి చేస్తాడు ? ఈ జర్నీలో హీరో ఎలాంటి ప్రమాదాలను ఎదుర్కొన్నాడు ? గ్యాంగ్‌స్టర్స్ వేసే ప్లాన్లను ఎలా తిప్పికొట్టాడు ? ఇందులో ఫరియా అబ్దుల్లా పాత్ర ఏంటి ? అనేదే మిగతా కథ.
‘సిగ్మా’ సినిమా అక్టోబర్ 30 నుంచి నెట్‌ఫ్లిక్స్‌ (Netflix)లో స్ట్రీమింగ్ అవుతోంది. ముఖ్యంగా ఈ మూవీని తమిళం, తెలుగు, కన్నడ, మలయాళం, హిందీ.. ఇలా మొత్తం ఐదు భాషల్లో చూడొచ్చు. థియేటర్లలో తమిళం, తెలుగులో విడుదలైన ఈ సినిమా ఇప్పుడు ఇతర భాషల ప్రేక్షకులకూ అందుబాటులోకి వచ్చింది. సీఎం విజయ్ కుమారుడు జేసన్ సంజయ్ దర్శకత్వం వహించిన తొలి సినిమా కావడంతో ఈ మూవీపై ప్రత్యేక ఆసక్తి నెలకొంది. వీకెండ్‌లో ఏదైనా పక్కా మాస్, యాక్షన్ ప్యాక్డ్ మూవీ చూడాలనుకుంటే ఈ సినిమా పర్ఫెక్ట్ ఛాయిస్. ఎస్పెషల్లీ క్రైమ్ థ్రిల్లర్స్, గ్యాంగ్‌స్టర్ డ్రామాలను ఇష్టపడేవాళ్లకు ఈ సినిమా మంచి ట్రీట్ ఇస్తుంది, సో డోంట్ మిస్ ఇట్.
Share
కష్టపడ్డా అమన్ కి దక్కని ఫలితం.. కంటెస్టెంట్స్ సపోర్టు కూడా లేదా?
చేతిలో ఐఫోన్.. చెవుల్లో ఇయర్‌ఫోన్స్.. రైలు ఢీకొని 17 ఏళ్ల బాలుడు బలి!
