Supernatural Horror on OTT: రోడ్ ట్రిప్ అంటే… ఫ్రెండ్స్తో సరదా, కొత్త ప్రదేశాలు, అందమైన జ్ఞాపకాలు. కానీ అదే ప్రయాణంలో ఓ ఘోరమైన యాక్సిడెంట్ కనిపిస్తే ? దానికి సహాయం చేసి అక్కడి నుంచి వెళ్లిపోయిన తర్వాత… తమతో పాటు మరో వ్యక్తి కూడా వ్యాన్లోకి వచ్చాడని తెలిస్తే ? అతను మనిషి కాదు… కనిపించని ఓ దుష్టశక్తి అని అర్థమైతే ? ఎక్కడికి పారిపోయినా వెంటాడుతూ, క్షణక్షణం భయపెడుతూ ఉంటే పరిస్థితి ఎలా ఉంటుంది ? ఇలాంటి ఆసక్తికరమైన కాన్సెప్ట్తో తెరకెక్కిన సూపర్నేచురల్ హారర్ మూవీ ‘ప్యాసింజర్’ (Passenger) తాజాగా ఓటీటీలోకి వచ్చింది. మరి మ్యాడీ, టైలర్ల రోడ్ ట్రిప్ ఎలా భయంకరంగా మారింది ? వాళ్లతో పాటు ప్రయాణిస్తున్న ఆ ‘ప్యాసింజర్’ ఎవరు? దాని నుంచి ఈ జంట బయటపడిందా ? అనే విషయాలపై ఓ లుక్కేద్దాం పదండి.
మ్యాడీ, టైలర్ అనే యువ జంట అమెరికా అంతటా వ్యాన్లో లాంగ్ రోడ్ ట్రిప్ చేయాలని ప్లాన్ చేసుకుంటారు. రొటీన్ జీవితానికి దూరంగా ప్రకృతిని ఆస్వాదిస్తూ, కొత్త ప్రదేశాలను చూసుకుంటూ సాగిపోవాలన్నది వారి కోరిక. ప్రయాణం మొదట్లో చాలా ఆనందంగానే ఉంటుంది. కానీ ఓ హైవేపై వారి ప్రయాణం ఒక్కసారిగా ఊహించని మలుపు తిరుగుతుంది. దారిలో ఓ ఘోరమైన రోడ్డు ప్రమాదాన్ని చూసిన ఈ జంట వెంటనే తమ వ్యాన్ ఆపి, సహాయం చేయడానికి ప్రయత్నిస్తుంది.
ప్రమాద స్థలాన్ని పరిశీలించిన తర్వాత అక్కడి నుంచి వెళ్లిపోతారు. కానీ తమతో పాటు ఆ ప్రదేశం నుంచి మరో శక్తి కూడా ప్రయాణం మొదలుపెట్టిందని వారికి తెలియదు. కొద్దిసేపటికే వ్యాన్లో వింత సంఘటనలు మొదలవుతాయి. కనిపించని ఏదో శక్తి తమను గమనిస్తోందని మ్యాడీ, టైలర్కు అర్థమవుతుంది. మొదట భ్రమ అనుకున్నా.. పరిస్థితులు మరింత భయంకరంగా మారడంతో అది నిజంగానే తమతో పాటు వచ్చిన దుష్టశక్తి అని తెలుసుకుంటారు.
అదే ‘ది ప్యాసింజర్’. ఆ శక్తి వారి వ్యాన్ను వదిలి వెళ్లదు. ఎంత దూరం వెళ్లినా, ఎంత వేగంగా ప్రయాణించినా వెంటాడుతూనే ఉంటుంది. ఎక్కడ ఆగినా ప్రమాదం… ఏ నిర్ణయం తీసుకున్నా మరో భయం… దీంతో వాళ్ల సరదా రోడ్ ట్రిప్ కాస్తా ప్రాణాల కోసం చేసే పోరాటంగా మారుతుంది. ఈ కథలో మరింత ఆసక్తికరమైన అంశం ఏమిటంటే… రోడ్ ట్రిప్స్కు సంబంధించిన ఓ భయంకరమైన గణాంకం. ప్రతి ఏడాది కోట్లాది మంది రోడ్ ట్రిప్స్కు వెళ్తుంటే, వారిలో వేలాది మంది అదృశ్యమవుతున్నారనే ఆలోచన ఆధారంగా ఈ హారర్ కాన్సెప్ట్ను రూపొందించారు.
మరి మ్యాడీ, టైలర్ ఆ అదృశ్య శక్తి నుంచి తప్పించుకోగలిగారా ? ప్రమాద స్థలంలో అసలు ఏం జరిగింది ? వాళ్లను వెంటాడుతున్న ‘ప్యాసింజర్’ ఉద్దేశం ఏంటి ? చివరికి ఈ భయానక ప్రయాణం ఎక్కడ ముగిసింది ? అనేది సినిమా చూసి తెలుసుకోవాల్సిందే.
‘ప్యాసింజర్’లో రోడ్ ట్రిప్ బ్యాక్డ్రాప్ను సూపర్నేచురల్ హారర్తో కలిపారు. నిర్జనమైన రోడ్లు, వ్యాన్లో చిక్కుకుపోయిన జంట, కనిపించని శక్తి… ఇవన్నీ సినిమాలో టెన్షన్ పెంచే అంశాలుగా నిలుస్తాయి. సాధారణ దెయ్యం కథల కంటే భిన్నమైన రోడ్-హారర్ కాన్సెప్ట్ను ఇష్టపడేవారికి ఈ సినిమా ఖచ్చితంగా నచ్చుతుంది. ప్రస్తుతం ‘ప్యాసింజర్’ పారామౌంట్ ప్లస్ (Paramount+)లో స్ట్రీమింగ్ అవుతోంది. తెలుగు డబ్బింగ్ లేదా తెలుగు సబ్టైటిల్స్ అందుబాటులో లేవు. ప్రస్తుతానికి ఇంగ్లీష్లోనే చూడాల్సి ఉంటుంది.
Read Also: అమ్మకు క్యాన్సర్… కూతురికి ఆటిజం… కానీ ఈ అమ్మాయి చేసిన పని చూస్తే గర్వపడతారు భయ్యా
Share
22A నిషేధిత భూముల వ్యవహారంపై సీఎం రేవంత్ సీరియస్.. సచివాలయంలో బిగ్ రివ్యూ!
జగన్కు చెక్ పెట్టేందుకే కొత్త పార్టీనా.. విజయసాయిరెడ్డి పొలిటికల్ రీ-ఎంట్రీ వెనుక బిగ్ స్కెచ్ ఇదే!
