Tamil Romantic Comedy: నేటితరం యూత్ టేస్ట్ కి తగ్గట్టుగా బోల్డ్ రొమాన్స్, ఫన్నీ ఇగో క్లాషెస్, మోడరన్ రిలేషన్‌షిప్స్ బ్యాక్‌డ్రాప్‌లో వచ్చే వెబ్ సిరీస్‌లకు ఓటీటీలో అన్‌లిమిటెడ్ రెస్పాన్స్ వస్తోంది. అలాంటి ఒక క్రేజీ రొమాంటిక్ కామెడీ ఎంటర్‌టైనర్‌గా రూపొందిన సరికొత్త తమిళ వెబ్ సిరీస్ ‘మస్ట్ డేట్ ది ప్లే బాయ్’ (Must Date The Play Boy). ఒక ప్లేబాయ్‌ను దూరంగా ఉంచేందుకు మొదలైన ఫేక్ రిలేషన్షిప్ చివరకు నిజమైన ప్రేమగా మారితే పరిస్థితులు ఎలా ఉంటాయనే పాయింట్‌తో కథ సాగుతుంది. ఈ రోజు నుంచే ఇది ఓటీటీలోకి వచ్చింది. వీకెండ్ లో ఒక మంచి కలర్‌ఫుల్ లవ్ స్టోరీ చూడాలనుకుంటే ఈ సిరీస్ ని అస్సలు మిస్ అవ్వకండి. ఈ సిరీస్ ఏ ఓటీటీలో స్ట్రీమింగ్ అవుతోంది ? కథేంటో తెలుసుకుందాం పదండి.
తారా (నాగదుర్గ) చదువుపైనే ఎక్కువ దృష్టి పెట్టే, ప్రేమ వ్యవహారాలకు దూరంగా ఉండే అమ్మాయి. మరోవైపు జైన్ (ముజమ్మిల్ ఎలియాస్) క్యాంపస్‌లో అమ్మాయిలతో సులభంగా పరిచయాలు పెంచుకుంటూ, ఒకరి తర్వాత మరొకరితో డేటింగ్ చేసే ప్లేబాయ్‌గా పేరు తెచ్చుకుంటాడు. అతని చూపు తన బెస్ట్ ఫ్రెండ్ కౌషి (గంగా కన్నన్)పై పడటంతో తారా ఆందోళన చెందుతుంది. జైన్ కారణంగా తన స్నేహితురాలు బాధపడకూడదని భావించి, అతన్ని కౌషికి దూరంగా ఉంచేందుకు ఓ ప్లాన్ వేస్తుంది.
అందులో భాగంగా జైన్‌కు తానే గర్ల్‌ఫ్రెండ్‌గా నటిస్తానని చెప్పి అతనితో ఫేక్ రిలేషన్షిప్ మొదలుపెడుతుంది. జైన్ కూడా ఈ ప్రతిపాదనకు అంగీకరిస్తాడు. అయితే అతనికీ తనదైన ఓ రహస్య ఉద్దేశం ఉంటుంది. ఇద్దరూ ప్రేమలో ఉన్నట్లు నటిస్తూ క్యాంపస్‌లో తిరగడం మొదలుపెడతారు. మొదట అంతా ఒక ఆటలా కనిపించినా, రోజులు గడిచేకొద్దీ ఇద్దరి మధ్య నిజమైన అనుబంధం ఏర్పడుతుంది. ఒకరిపై ఒకరికి తెలియకుండానే ఇష్టం పెరుగుతుంది.
అయితే ఈ ఫేక్ రిలేషన్‌షిప్‌ను ఎంతకాలం కొనసాగించగలరు? జైన్ అసలు ఉద్దేశం ఏంటి? తారా తన స్నేహితురాలిని కాపాడే ప్రయత్నంలో తానే ప్రేమలో చిక్కుకుందా? అనే అంశాలతో కథలో ఫన్, రొమాన్స్, ఎమోషన్స్ కలగలిసిపోతాయి. ఫేక్ డేటింగ్, ఫ్రెండ్‌షిప్, యూత్ రిలేషన్‌షిప్స్ ఇష్టపడేవారికి ఈ సిరీస్ మంచి టైమ్‌పాస్‌గా నిలుస్తుంది.
ఈ సిరీస్‌లో నాగదుర్గ, ముజమ్మిల్ ఎలియాస్ లీడ్ రోల్స్ లో నటించారు. వీరితో పాటు మజైమేఘన్, గంగా కన్నన్, ప్రగదేశ్ ప్రకాష్, పురవలన్ నారాయణసామి, శరవణన్ గౌతమ్, మీరా సుబ్రమణ్యం, ఆర్. చంద్రన్, జేనాని చడగోబన్ తదితరులు కీలక పాత్రల్లో కనిపిస్తారు. టి. సూరియవేలన్ దర్శకత్వం వహించడంతో పాటు హరి రాజన్‌తో కలిసి స్క్రీన్‌ప్లే అందించారు. ఇమ్మా డెలోస్ శాంటోస్ రాసిన అదే పేరుతో ఉన్న వెబ్ నవల ఆధారంగా ఈ సిరీస్ రూపొందింది. 360 ఎంటర్‌టైన్‌మెంట్ ప్రొడక్షన్స్ నిర్మించిన ఈ తమిళ సిరీస్ 2026 నవంబర్ 13 నుంచి Netflixలో స్ట్రీమింగ్ అవుతోంది. ఇది ప్రస్తుతం తమిళ ఒరిజినల్ ఆడియో, ఇంగ్లీష్ సబ్‌టైటిల్స్‌తో అందుబాటులో ఉంది.
Share
ప్రెజర్ కుక్కర్ రబ్బర్ లూజ్ అయిపోయిందా? కొత్తది కొనాల్సిన అవసరం లేదు ఇలా చేస్తే సరి
వారణాసి రూ.290 కోట్ల డీల్ నిజమేనా? అసలు విషయం చెప్పేసిన దిల్ రాజు!
