OTT Movie : సైకలాజికల్ హారర్, సూపర్నాచురల్ ఎలిమెంట్స్తో కూడిన ఒక స్టోరీ ఓటీటీలో మంచి వ్యూస్ తెచ్చుకుంటోంది. ఇది ఇండొనేషియన్ ఇండస్ట్రీ నుంచి వచ్చింది. ఆసక్తి కరంగా ఉండే స్టోరీ, ఊహించని ట్విస్ట్లు , భయపెట్టే సీన్స్ తో ఈ సినిమా ఆకట్టుకుంటోంది. ఈ మూవీ పేరు ఏమిటి ?ఎందులో స్ట్రీమింగ్ అవుతుంది ? అనే వివరాల్లోకి వెళితే ,,,
నెట్ఫ్లిక్స్ (Netflix) లో
ఈ ఇండోనేషియన్ సైకలాజికల్ హారర్-థ్రిల్లర్ మూవీ పేరు ‘తెమురున్’ (Temurun). 2024 లో వచ్చిన ఈ సినిమాకి ఇనారా స్యారాఫినా దర్శకత్వం వహించారు. ఇందులో యసమిన్ జాసెమ్, బ్రయాన్ డొమాని, కరీనా సువంది, జాజాంగ్ సి. నోయర్, కికీ నరేంద్ర, మియాన్ టియారా, బన్యు బెనింగ్ వంటి నటులునటించారు. ఈ మూవీ 2024 మే 30న ఇండోనేషియా థియేటర్లలో విడుదలైంది. 2024 అక్టోబర్ 10 నుంచి నెట్ఫ్లిక్స్ (Netflix) లో ఈ సినిమా స్ట్రీమింగ్ అవుతోంది.
స్టోరీలోకి వెళితే
ఈ స్టోరీ దేవీ, సేనా అనే అక్కా, తమ్ముడి చుట్టూ తిరుగుతుంది. వీళ్ళు తమ తల్లితో కలిసి సాధారణ జీవితాన్ని గడుపుతుంటారు. వీరి తల్లి అనారోగ్యంతో బాధపడుతూ, ఎప్పుడు చూసినా దిగులుగా ఉంటుంది. ఒక రోజు రాత్రి, ఇద్దరు ముసుగు ధరించిన వ్యక్తులు వీళ్ళ ఇంటిపై దాడి చేస్తారు. సేనాను అడిగి అతని తల్లిపై హింసాత్మకంగా ప్రవర్తిస్తారు. దీనివల్ల వీరి తల్లి చనిపోతుంది. ఈ విషాదకర సంఘటన దేవీని దుఃఖంలో ముంచెత్తుతుంది. అయితే సేనా ఈ విషయాన్ని పెద్దగా పట్టించుకోకుండా, ఒక మంత్రి భార్యతో అక్రమ సంబంధంలో ఉంటాడు.
తల్లి మరణం తర్వాత దేవీ, సేనాల జీవితంలోకి, ఎప్పుడో విడిపోయిన తండ్రి అగుంగ్ హఠాత్తుగా వస్తాడు. అతను వారిని తనతో ఉండమని ఒత్తిడి చేస్తాడు. అతను ఒక పెద్ద మాంసం ఉత్పత్తి వ్యాపారాన్ని నడుపుతున్నట్లు చెప్తాడు. దేవీ తన తండ్రి పట్ల అనుమానంతో ఉంటుంది. ఎందుకంటే అతను తమ తల్లి బతికి ఉన్నప్పుడు, తమను ఒక్కసారి కూడా పట్టించుకోలేదని బాధపడుతుంది. కానీ సేనా ఈ అవకాశాన్ని వదులుకోకూడదని దేవీని ఒప్పిస్తాడు. వీళ్ళిద్దరూ తండ్రి నివసించే భవనంలోకి అడుగుపెడతారు. అక్కడ వీళ్ళ అమ్మమ్మ గాయత్రి, హౌస్కీపర్ హెస్టి వీళ్ళకి స్వాగతం పలుకుతారు.
వారు కొత్త జీవితంకి అలవాటు పడటానికి ప్రయత్నిస్తున్నప్పుడు, దేవీ తన తల్లి ఆత్మ ద్వారా హాంట్ చేయబడుతుంది. ఆమె తనకు ఏదో హెచ్చరిక ఇవ్వడానికి ప్రయత్నిస్తుంది. ఈ క్రమంలో గాయత్రి నాయకత్వంలోని, కుటుంబ రహస్యాలు క్రమంగా బయటపడతాయి. చివరికి దేవీ, సేనా లను తండ్రి ఎందుకు తన దగ్గరికి పిలుచుకుంటాడు ? తల్లి ఆత్మ దేవికి ఎం చెప్పాలనుకుంటుంది ? తండ్రి దాచిపెట్టిన సెక్రెట్స్ ఏమిటి ? అనే విషయాలను ఈ సినిమాను చూసి తెలుసుకోండి.
Read Also : డైరెక్షన్లు మార్చి మనుషుల్ని చంపే ఫారెస్ట్… ప్రతీ 5 నిమిషాలకో ట్విస్ట్
Share
Allu Arjun-Neel : అల్లు అర్జున్ - నీల్ కాంబోలో మూవీ..టైటిల్ కు విజిల్స్ పక్కా..
Samantha Movie : ఉన్న ఆ ఒక్కటి కూడా ఆగిపోయింది... సమంతకు ఎవరైనా చేతబడి చేశారా ఏంటి?
