Horror Mystery Thriller: కొంతమందికి బెట్టింగ్ అంటే పిచ్చి పీక్స్ లో ఉంటుంది. కానీ ఆ పిచ్చి మరింత ముదిరి ఓ చైర్ కి బానిసను చేస్తే ? ఏకంగా తనను ఆపదలో ఆదుకున్న ప్రియురాలిని బలిచ్చే స్టేజ్ కి వెళ్తే ఎలా ఉంటుందో తెలియాలంటే ‘ది డెవిల్స్ చైర్’ (The Devil’s Chair) అనే ఈ మూవీపై ఒకసారి లుక్కేయాల్సిందే. 2025లో విడుదలైన ఈ తెలుగు హారర్ మిస్టరీ థ్రిల్లర్ సినిమాను ఏ ఓటీటీలో చూడవచ్చు ? స్టోరీ ఏంటి ? అనే వివరాలను తెలుసుకుందాం పదండి.
ఈ సినిమాలో ప్రధాన పాత్రలు విక్రమ్ (జబర్దస్త్ అదిరే అభి), అతని ప్రియురాలు రుధిర (స్వాతి మందల్). స్టోరీ అంతా వీళ్లిద్దరి చుట్టూనే తిరుగుతుంది. ఇద్దరూ పెళ్లి చేసుకోకుండా సహజీవనం చేస్తుంటారు. ప్రైవేట్ కంపెనీలో పని చేసే విక్రమ్ కు బెట్టింగ్లు అంటే పిచ్చి. ఆ వ్యసనంతో కంపెనీకి చెందిన కోటి రూపాయలను కొట్టేస్తాడు. వాటిని బెట్టింగ్ లో పెట్టి ఓడిపోతాడు. దీంతో ఉన్న ఉద్యోగం పోతుంది, అంతేకాదు లీగల్ కేసు సమస్యలు వచ్చి పడతాయి. ఇలాంటి కష్ట సమయంలో ఎయిర్ హోస్టెస్ అయిన రుధిర అతనికి ఆర్థికంగా అండగా నిలుస్తుంది.
ఇక్కడిదాకా కథ నార్మల్ గానే ఉంటుంది. కానీ వీళ్ళ ఇంటికి ఓ కుర్చీ రావడంతో కథ అడ్డం తిరుగుతుంది. ఒకరోజు రుధిర తన అభిరుచి మేరకు ఒక పాతకాలపు యాంటిక్ కుర్చీని కొని ఇంటికి తెస్తుంది. అది దెయ్యం కుర్చీ. దానిని ‘పుండాక్ష’ అనే ఒక శతాబ్దాల నాటి మాంత్రికుడి దెయ్యం ఆవహించి ఉంటుంది. అలాంటి భయంకరమైన కుర్చీతో హీరో ప్రమాదకరమైన ఒప్పందం కుదుర్చుకుంటాడు. ఆ కుర్చీలో ఉన్న దెయ్యం విక్రమ్ కు మాత్రమే కన్పిస్తుంది. రక్తం రుచి చూపిస్తే చాలు అడిగింది ఇచ్చేస్తుంది. అంతేకాదు అతను డబ్బు కావాలని కోరుకున్న ప్రతిసారీ కావలసినంత డబ్బు ఇస్తుంది.
ఆ తర్వాతే దాని అసలు రంగు బయట పెడుతుంది. విక్రమ్ కు 5 కోట్ల భారీ మొత్తాన్ని ఇస్తానని ఆఫర్ చేస్తుంది. కానీ దానికి ప్రతిఫలంగా అతని ప్రేయసి రుధిరను ప్రాణాలతో బలి ఇవ్వాలని డిమాండ్ చేస్తుంది ఆ కుర్చీ. దీంతో విక్రమ్ అయోమయంలో పడతాడు. ధన శోధనలో పడిన హీరో ప్రేయసిని ఆ దెయ్యానికి బలి ఇచ్చాడా ? ఆ కుర్చీ దెయ్యం బారి నుండి ఎలా తప్పించుకున్నాడు ? మనోజవ అనే మెంటలిస్ట్ హీరోకి చేసిన సాయం ఏంటి ? అన్నదే ఈ సినిమా కథ.
ఈ సినిమా Aha ఓటీటీ ప్లాట్ఫామ్ లో విడుదలైంది. అలాగే ఈ మూవీని ఫ్రీగా చూడాలనుకునే వారు YouTubeలో కూడా వీక్షించవచ్చు. తెలుగు మూవీనే కాబట్టి ఆడియో కూడా తెలుగులోనే ఉంది. ఇక ఈ సినిమాలో అదిరే అభి, స్వాతి మందల్, ఛత్రపతి శేఖర్ కీలక పాత్రల్లో నటించగా, గంగా సప్తశిఖర దర్శకత్వం వహించారు.
Read Also: మోస్ట్ కాంట్రవర్షియల్ మలయాళం మూవీ ఓటీటీలోకి… స్ట్రీమింగ్ ఎప్పుడు ఎక్కడ ?
Share
Karthika Deepam 2 : ' కార్తీక దీపం2' వంటలక్క ఇండస్ట్రీలోకి రాకముందు ఏం చేసిందో తెలుసా..?
ఆటో డ్రైవరును కలవడానికెళ్తే అపరిచిత వ్యక్తి ఎంట్రీ... కట్ చేస్తే గుండె గుభేల్మన్పించే ట్విస్ట్
