OTT Movie : కొన్ని సినిమాలలో సైకో కిల్లర్స్ చేసే పనులు పోలీసులకు నిద్ర కరువయ్యేలా చేస్తాయి. అయినప్పటికీ అలాంటి స్టోరీలే కంటి రెప్ప వేయకుండా చూసేలా ఉంటాయి. ఇలాంటి స్టోరీ లైన్ తో రూపొందిన ఓ ఇంట్రస్టింగ్ మూవీని ఈరోజు మనం తెలుసుకుందాం. ఆ మూవీ ఏంటి? ఏ ఓటీటీలో ఉంది? అనే విషయాలపై ఓ లుక్కేద్దాం పదండి.
నెట్ ఫ్లిక్స్ లో స్ట్రీమింగ్
ఈ మూవీ పేరు ‘ట్విన్ మర్డర్స్: ది సైలెన్స్ ఆఫ్ ది వైట్ సిటీ’ (Twin Murders: The Silence of the White City). 2019లో విడుదలైన స్పానిష్ యాక్షన్-అడ్వెంచర్, సైకలాజికల్ మిస్టరీ క్రైమ్-థ్రిల్లర్ చిత్రం ఇది. దీనికి డానియల్ కాల్పర్సోరో దర్శకత్వం వహించారు ఎవా గార్సియా సాయెంజ్ డి ఉర్తురి రాసిన అదే పేరుతో ఉన్న బెస్ట్‌సెల్లర్ నవల ఆధారంగా ఈ మూవీని రూపొందించారు. ఈ చిత్రం ప్రస్తుతం నెట్‌ఫ్లిక్స్‌ (Netflix)లో స్ట్రీమింగ్ కి అందుబాటులో ఉంది.
స్పెయిన్‌లోని విటోరియా-గస్టీజ్‌లో ఒక సీరియల్ కిల్లర్‌ను పట్టుకోవడానికి ప్రయత్నిస్తున్న డిటెక్టివ్ ఇంట్రెస్టింగ్ స్టోరీనే ఈ మూవీ. జావియర్ రే (ఉనాయ్ లోపెజ్ డి అయాలా), ఆరా గరీడో (ఎస్టీబాలిజ్), బెలెన్ రూయెడా, మనోలో సోలో, ఇత్జియర్ ఇతునో (డాక్టర్ గుయెవారా), జోర్డి మోల్లా ఇందులో ప్రధాన పాత్రలు పోషించారు. సినిమాలో విటోరియా-గస్టీజ్‌లోని సాంతా మరియా కేథడ్రల్ వంటి చారిత్రక స్థలాలను అద్భుతమైన సినిమాటోగ్రఫీతో తెరపై చూడొచ్చు.
కథలోకి వెళ్తే…
విటోరియా-గస్టీజ్, బాస్క్ కంట్రీ, స్పెయిన్… 2019లో జరిగే ఈ కథ ఇది. క్రిమినల్ ప్రొఫైలింగ్‌లో నిపుణుడైన పోలీస్ ఆఫీసర్ ఉనాయ్ లోపెజ్ డి అయాలా (జావియర్ రే) చుట్టూ తిరుగుతుంది స్టోరీ. ఉనాయ్, తన భార్య మరణం తర్వాత వ్యక్తిగత గాయాలతో బాధపడుతూ, పని నుండి విరామం తీసుకుంటాడు. కానీ సాంటా మరియా కేథడ్రల్ క్రిప్ట్‌లో ఒక యువకుడు, ఒక యువతి ఒంటిపై నూలు పోగు లేకుండా శవాలుగా కన్పించిన ఘటన స్థానికంగా కలకలం రేపుతోంది. దీంతో హీరోని తిరిగి డ్యూటీలోకి పిలుస్తారు అధికారులు. ఈ హత్యలు 20 సంవత్సరాల క్రితం సీరియల్ కిల్లర్ టాసియో చేసిన హత్యలలాగే ఉంటాయి. అతను ఇప్పుడు జైలు నుండి విడుదల కాబోతున్నాడు.
ఉనాయ్, తన పార్ట్నర్ ఎస్టీబాలిజ్ (ఆరా గరీడో)తో కలిసి, ఈ హత్యలు కాపీకాట్ కిల్లర్ పనేనా లేక టాసియో తప్పు వ్యక్తిని జైలు పంపాడా ? అని దర్యాప్తు చేస్తాడు. దర్యాప్తు సమయంలో, ఉనాయ్ టాసియోను జైలులో కలుస్తాడు. అక్కడ హీరోకి ఒక ఇంట్రెస్టింగ్ విషయం తెలుస్తుంది. కథలో మరో ముఖ్యమైన పాత్ర మారియో, ఒక డార్క్ సీక్రెట్ కలిగిన వ్యక్తి. అతనికి ఈ హత్యలతో ఉన్న సంబంధం ఏంటి? 20 ఏళ్ళ కిందట సీరియల్ కిల్లర్ ను అసలైన వాడినే పట్టుకున్నారా? ఇప్పుడు అచ్చం అలాగే మర్డర్స్ చేస్తుంది ఎవరు? అనే ప్రశ్నలకు సమాధానం కావాలంటే ఈ మూవీని చూడాల్సిందే.
Read Also : ఓటీటీలోకి న్యూ ఏజ్ యూత్ ఫుల్ డ్రామా… బెడ్ నుంచి ఆ సీన్ల దాకా అన్నీ ఉన్న స్టోరీ… స్ట్రీమింగ్ ఎప్పుడంటే ?
Share
Tennis player Radhika Yadav: గొప్ప పేరు వచ్చిందని.. అసూయతో కుమార్తెను కాల్చిన తండ్రి!
OTT Movie : భార్యను ముక్కలు ముక్కలుగా నరికి 300 మందికి విందు... ఐఎండీబీలో 7.4 రేటింగ్... మతిపోగొట్టే ట్విస్టులున్న క్రైమ్ డ్రామా
