Crime Thriller : డార్క్ క్రైమ్ థ్రిల్లర్స్ అంటే ఇష్టమా ? ఓ బెస్ట్ సైకలాజికల్ థ్రిల్లర్ ను చూడాలి అనుకుంటున్నారా ? ఈ రెండూ కలిసి ఉన్న, భారతీయ సినిమా రంగంలోనే వన్ ఆఫ్ ది బెస్ట్ క్రైమ్ థ్రిల్లర్‌గా నిలిచిన సినిమానే ఈరోజు మన మూవీ సజెషన్. ఆ మూవీ పేరు ‘అగ్లీ’ (Ugly). జియోహాట్‌స్టార్ (JioHotstar)లో స్ట్రీమింగ్ అవుతున్న డార్క్ మిస్టరీ సైకలాజికల్ క్రైమ్ థ్రిల్లర్ చిత్రం. అనురాగ్ కశ్యప్ దర్శకత్వం వహించారు. మానవ నైజంలోని స్వార్థం, క్రూరత్వాన్ని కళ్లకు కట్టే కథ ఇది. రోనిత్ రాయ్, రాహుల్ భట్, వినీత్ కుమార్ సింగ్, తేజస్విని కొల్హాపురే తదితరులు ఈ సినిమాలో నటించారు. IMDbలో ఏకంగా 8.0 రేటింగ్ ఉంది ఈ సినిమాకు.
సినిమా అంతా ‘కాళీ’ అనే 10 ఏళ్ల చిన్నారి కిడ్నాప్ చుట్టూ తిరుగుతుంది. రాహుల్ (రాహుల్ భట్) అవకాశాల కోసం ఎదురుచూసే నటుడు, అలాగే కాళీకి తండ్రి కూడా. శనివారం నాడు అతను బయటకు వెళ్లాల్సి వస్తుంది. అందుకే తన కూతురు కాళీని ముంబై వీధుల్లో కారులోనే కూర్చోబెట్టి, పని మీద బయటకు వెళ్తాడు. తిరిగి వచ్చేసరికి కాళీ అక్కడ కనిపించదు. కంగారుపడిన రాహుల్ తన స్నేహితుడు చైతన్యతో కలిసి పోలీసులకు ఫిర్యాదు చేయడానికి వెళ్తాడు.
ఇక్కడే కథలోకి కాళీ సవతి తండ్రి, ముంబై పోలీస్ చీఫ్ శోభన్ బోస్ (రోనిత్ రాయ్) కథలోకి ఎంట్రీ ఇస్తారు. కాళీ కిడ్నాప్ అయిన విషయం తెలిశాక, ఆమెను కాపాడటం పక్కన పెట్టి పాత్రలన్నీ తమ వ్యక్తిగత కక్షలు, స్వార్థ ప్రయోజనాల కోసం మైండ్ గేమ్స్ ఆడటం మొదలు పెడతాయి. రాహుల్‌పై ఉన్న పాత పగతో పోలీస్ చీఫ్ శోభన్ బోస్ అతడిని వేధించడం స్టార్ట్ చేస్తాడు. మరోవైపు రాహుల్ మాజీ భార్య (కాళీ తల్లి) షాలిని సైతం తన భర్త శోభన్ నరకం నుండి తప్పించుకోవడానికి ఈ పరిస్థితిని వాడుకోవాలని చూస్తుంది.
వీరందరి మధ్యలోకి ఒక అనామక కిడ్నాప్ కాల్ రావడంతో కథ అడ్డం తిరుగుతుంది. ఆ డబ్బును కొట్టేయడానికి చైతన్య, రాహుల్ సోదరి వేర్వేరుగా ప్లాన్లు వేస్తారు. దీంతో కేసు పూర్తిగా పక్కదారి పడుతుంది. ఇక్కడే కథలో ఊహించని షాకింగ్ మలుపు ఉంటుంది. పోలీసులతో పాటు కాళీ కుటుంబ సభ్యులు కిడ్నాపర్లను పట్టుకునే క్రమంలో ఒకరినొకరు మోసం చేసుకుంటూ చివరకు ఒక మురికివాడకు చేరుకుంటారు. కానీ అక్కడ బయటపడే నిజం అందరినీ నిశ్చేష్టులను చేస్తుంది. ఆ షాకింగ్ క్లైమాక్స్ ఏంటి ? ఆ పాప దొరికిందా ? ఇంతకీ పాపను కిడ్నాప్ చేసింది ఎవరు ? అన్న ప్రశ్నలకు సమాధానం కావాలంటే సినిమాను చూడాల్సిందే.
Read Also : ఈ అడవిలో ఫిజిక్స్ బయాలజీ పని చేయవు… ఒక్కసారి వెళ్తే తిరిగి రారు
Share
Intinti Ramayanam Today Episode: అవనికి మైండ్ బ్లాక్.. రాజేశ్వరి కార్యం కోసం ఏర్పాట్లు.. అయ్యో పాపం మీనాక్షి..
Kissik Talks Show : మనోడు ప్రేమలో పడ్డాడురోయ్.. ఆ అమ్మాయితోనే పెళ్లి..?
