Upcoming Releases: ప్రతీ నెల ఓటీటీలోకి కొత్త కంటెంట్ అడుగు పెడుతున్న విషయం తెలిసిందే. అందులో భాగంగానే కొత్త నెల మొదట్లోనే ఆయా డిజిటల్ ప్లాట్ ఫామ్ లలోకి రాబోతున్న అప్ కమింగ్ సినిమాలు, సిరీస్ ల లిస్ట్ ముందుగానే విడుదల అవుతోంది. ఇక ఇప్పుడు జూలై నెలలోకి అడుగుపెట్టడానికి కేవలం కొన్ని రోజులు మాత్రమే మిగిలి ఉన్నాయి. ప్రపంచంలోనే అతిపెద్ద ఓటీటీ ప్లాట్ఫారమ్ నెట్ఫ్లిక్స్ తన వీక్షకులను వచ్చే నెల ఫుల్ ఎంటర్టైన్మెంట్ తో అలరించడానికి సిద్ధమవుతోంది. మరి నెట్ ఫ్లిక్స్ (Netflix) లో జూలై 1 నుంచి 7వ తేదీ వరకు విడుదల కానున్న కొన్ని ముఖ్యమైన సిరీస్లు, సినిమాలు ఏంటో తెలుసుకుందాం పదండి.
1960ల నేపథ్యంలో సాగే జపనీస్ సైన్స్ ఫిక్షన్ థ్రిల్లర్ ‘ది హ్యూమన్ వేపర్’. సాధారణ లైబ్రేరియన్ మిజునో ఒక శాస్త్రవేత్త ప్రయోగంలో పాల్గొంటాడు. ఆ ప్రయోగం విఫలమై అతని శరీర నిర్మాణం మారిపోతుంది. దీంతో అతను ఎప్పుడైనా ఆవిరిగా లేదా వాయువుగా మారగలుగుతాడు. ఆ తరువాత ఏమైంది అన్నది చూడాల్సిందే.
నెట్ఫ్లిక్స్ మొట్టమొదటి తెలుగు ఒరిజినల్ సిరీస్ ‘సూపర్ సుబ్బు’. ముద్దుగా “సుబ్బు” అని పిలుచుకునే సుబ్రమణ్యంను ఓ గ్రామానికి లైంగిక విద్య అధికారిగా పంపిస్తారు. అక్కడ అతని జీవితం హాస్యభరితమైన మలుపులు తీసుకుంటుంది.
అధిక బరువున్న ఒక నల్లజాతి మహిళ తన జీవితంలో అనేక ఒడిదుడుకులను, బ్రేకప్ను ఎదుర్కొనే కథ. 38 ఏళ్ల మేవిస్ బ్యూమాంట్ తన కాళ్ల మీద తాను నిలబడటానికి పడిన పోరాటాన్ని ఫన్నీగా, స్ఫూర్తిదాయకంగా చిత్రీకరించిన ఈ కామెడీ డ్రామా సిరీస్ చివరి సీజన్ ఇదే.
ప్రముఖ మిస్టరీ అడ్వెంచర్ సిరీస్ ‘ఎనోలా హోమ్స్’ మూడవ భాగం జూలై 3న నెట్ఫ్లిక్స్లో విడుదలవుతోంది. ఎనోలా తన పెళ్లి రోజున ఆమె సోదరుడు షెర్లాక్ అపహరణకు గురవుతాడు. దీంతో ఎనోలా తన పెళ్లిని పక్కన పెట్టేసి అతడిని వెతకడానికి బయలు దేరుతుంది. ఈ క్రమంలో ఆమె అనేక రహస్యాలను ఛేదిస్తూ, ప్రమాదకరమైన పరిస్థితులను ఎదుర్కొంటుంది.
16 ఏళ్ల బిల్లీ సోసీ అదృశ్యం అవ్వడమే ఈ సిరీస్ కథ. ఆమె ఒక తీవ్రమైన ప్రమాదంలో చిక్కుకుని లాస్ ఏంజిల్స్కు పారిపోతుంది. ముగ్గురు నవాహో పోలీసు అధికారులు ఆమెను కనుగొనడానికి మిషన్ ప్రారంభిస్తారు. చట్టపరమైన మార్గాలు విఫలమైనప్పుడు పోలీసులు సరిహద్దులను దాటవలసి వస్తుంది.
6. Demons of the Shadow Realm (జూలై 4) – యానిమేటెడ్ డార్క్ ఫాంటసీ
7. Sparks of Tomorrow Season 1 (జూలై 5) – యానిమేటెడ్ సిరీస్
8. Hamnet (జూలై 6) – చారిత్రక డ్రామా (ఆస్కార్ దర్శకురాలు చోలే ఝావో)
9. Better Late Than Single Season 2 (జూలై 7) – కొరియన్ డేటింగ్ రియాలిటీ షో
10. Wonderful Nightmare (జూలై 7) – దక్షిణ కొరియా ఫాంటసీ కామెడీ డ్రామా
Share
Illu illalu Pillalu Srivalli : ' ఇల్లు ఇల్లాలు పిల్లలు ' శ్రీవల్లి ఇండస్ట్రీకి రాకముందు ఏం చేసిందో తెలుసా..?
రాకేశ్రెడ్డి కాళ్లు విరగొడతాం! ఆర్మూర్ ఎమ్మెల్యేకు ఈరవత్రి వార్నింగ్..!
