Mythological Horror Series: శాపాలు తరతరాలను వెంటాడతాయన్న విషయం తెలిసిందే. కానీ వెయ్యేళ్ళ నాటి శాపం వెంటపడితే… ఓ మాయగాడు ముగ్గురు అక్కాచెల్లెళ్లను వలలో వేసుకుంటే… ఆ తరువాత ఏం జరిగింది అన్నదే ‘శ్రాప్’ (Shraap) మూవీ కథాంశం. వందల సంవత్సరాల నాటి శాపం కలియుగంలోకి ఎంట్రీ ఇస్తే ఎలా ఉంటుంది అనేదే ఈ సినిమాలో చూపించారు. ఈ హిందీ హారర్ మైథలాజికల్ వెబ్ సిరీస్ ఏ ఓటీటీలో ఉంది ? స్టోరీ ఏంటి ? ఎక్కడ చూడవచ్చు ? అనే వివరాలను తెలుసుకుందాం పదండి.
కథ పురాతన శతాబ్దాల నాటి ఒక భయంకరమైన తంత్ర పూజ, శాపం చుట్టూ తిరుగుతుంది. వర్తమాన కాలంలో ఒక కుటుంబానికి ఎదురైన పారానార్మల్ సంఘటనలతో కథ మొదలవుతుంది. వందల సంవత్సరాల క్రితం ‘సోంపుర మహావిహార్’ అనే పురాతన భవన శిథిలాల దగ్గర భయంకరమైన తాంత్రిక పూజను చేస్తారు. ఆ సమయంలో రక్తాశ్రితమైన ఒక పవిత్ర అవశేషాన్ని అక్కడ దాస్తారు. దాన్ని రక్తఫలక్ అనే పేరుతో పిలుస్తారు. కాలక్రమేణా ఆ రక్తఫలక్ మళ్లీ బయటకు వస్తుంది.
దీనివల్ల వెయ్యేళ్ల నాటి ఒక క్రూరమైన కర్మ చక్రం మళ్లీ మేలుకొంటుంది. ఇక్కడి నుంచే ‘దత్తగుప్తా’ కుటుంబంపై వేట స్టార్ట్ అవుతుంది. మరోవైపు ఇదే సమయంలో ‘తిత్లీ’ అనే అమ్మాయి, ఆమె సిస్టర్స్ ఎంట్రీ ఇస్తారు. కానీ వాళ్ళు ఒక అక్రమ మానవ రవాణాదారుడి వలలో పడతారు. పైకి చాలా మంచివాడిగా నటిస్తూ లోపల క్రూరమైన మృగం లాంటి ఆలోచనలు దాచుకున్న ఆ వ్యక్తి పేరు ‘తేనియా’.
ఈ డేంజరస్ సిట్యుయేషన్ లో ఆ శక్తుల నుండి, పునర్జన్మ పొందిన క్రూరమైన దుష్టశక్తిని అంతం చేయడానికి… దాని నుండి తిత్లీ కుటుంబాన్ని కాపాడటానికి ‘అగంబగీష్’ అనే ఒక శక్తివంతమైన తాంత్రిక పండితుడు రంగంలోకి దిగుతాడు. తన ఆధ్యాత్మిక శక్తులను ఉపయోగించి, కాలంతో పోటీ పడుతూ ఆ వెయ్యేళ్ల నాటి భయంకరమైన శాపాన్ని అతను ఎలా అంతం చేశాడు ? ఆ అక్కా చెల్లెళ్లను ఎలా కాపాడాడు ? అనేదే ఈ సిరీస్ క్లైమాక్స్.
“శ్రాప్’ సిరీస్ కర్మ, శాపం, ప్రతీకారం వంటి అంశాలతో ఉత్కంఠభరితంగా తెరకెక్కిన కథ. పరంబ్రత ఛటర్జీ దర్శకత్వంలో తెరకెక్కిన ఈ సినిమాలో శాశ్వత ఛటర్జీ, అర్జున్ చక్రవర్తి, మోహనా మైతీ ప్రధాన పాత్రల్లో నటించారు. ఈ మిని సిరీస్ 2026 మే 15న విడుదలైంది. మొదటి సీజన్లో మొత్తం 6 ఎపిసోడ్లు ఉన్నాయి. ఒరిజినల్గా బెంగాలీలో రూపొందింన ఈ సిరీస్, ప్రస్తుతం హిందీ డబ్బింగ్తో అందుబాటులో ఉంది. ప్రస్తుతం Amazon MX Playerలో స్ట్రీమింగ్ అవుతోంది. హర్రర్ మూవీ లవర్స్ ఒకవేళ ఇప్పటిదాకా ఈ సిరీస్ ను చూడకపోతే వెంటనే ఒక లుక్కేయండి మరి. మతం, చేతబడి పేరుతో జరిగే మోసాలు ఎంత భయంకరంగా ఉంటాయో ఇందులో కళ్ళకు కట్టినట్టు చూపించారు.
Read Also: అలాంటి అమ్మాయిల రూపంలో లక్ష్మీదేవి… మోస్ట్ అండర్రేటెడ్ మాస్టర్ పీస్
Share
గోవిందాకు 50 అఫైర్స్ ? బాలీవుడ్ను షేక్ చేస్తున్న స్టార్ వైఫ్ కామెంట్స్!
Amit Shah: హైదరాబాద్ టార్గెట్గా అమిత్ షా బిగ్ స్కెచ్.. ఢిల్లీలో బీజేపీ గల్లీ లీడర్ల పేర్లు!
