OTT Movie : క్రైమ్ థ్రిల్లర్ సినిమాలు ఓటీటీలో ఎక్కువగా ట్రెండ్ అవుతున్నాయి. వీటిని చూడటానికి ఆసక్తిని చూపిస్తున్నారు మూవీ లవర్స్. అయితే ఇప్పుడు మనం చెప్పుకోబోయే మూవీ థియేటర్లలో అంతగా ఆడకపోయినా, ఓటీటీలో మాత్రం దూసుకుపోయింది. ఒక సైకో చుట్టూ ఈ మూవీ స్టోరీ నడుస్తుంది. చివరివరకూ ఈ సినిమా ఉత్కంఠంగా సాగిపోతుంది. ఈ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే ..
స్టోరీలోకి వెళితే
మధ్యతరగతికి చెందిన దివ్య తన భర్త అస్రఫ్ తో సంతోషకరమైన జీవితం గడుపుతూఉంటుంది. అయితే, ఒక రోజు పోలీసులు తప్పుగా జరిపిన ఎన్‌కౌంటర్‌లో అస్రఫ్ ప్రాణాలు కోల్పోతాడు. ఈ సంఘటన దివ్య జీవితాన్ని తలకిందులు చేస్తుంది. అస్రఫ్ తీసుకున్న అప్పుల కారణంగా, అప్పులవాళ్ళు దివ్యను వేధించడం మొదలుపెడతారు. ఆర్థిక ఇబ్బందుల మధ్య ఆమె సతమతం అవుతూ ఉంటుంది. ఈ పరిస్థితిలో ఆమె నాలుగేళ్ల కూతురు దియాను, అప్పు ఇచ్చిన ఒక వ్యక్తి కిడ్నాప్ చేస్తాడు. డబ్బులు ఇస్తేనే కూతుర్ని విడిచిపెడతానని చెప్తాడు. కూతుర్ని రక్షించడానికి, డబ్బు సంపాదించేందుకు దివ్య వేశ్యగా మారుతుంది. ఈ క్రమంలో ఆమెను ఒక వ్యక్తి బుక్ చేసుకుంటాడు. అయితే అతను ఒక సీరియల్ కిల్లర్ అని తెలీక, అతని చేతిలో చిక్కుకుంటుంది దివ్య. ఈ హంతకుడు మహిళలను లక్ష్యంగా చేసుకుని నేరాలు చేస్తుంటాడు. అందులోనూ వేశ్యలను ఎక్కువగా ఎంచుకుంటుంటాడు.
దివ్య అతని ఇంట్లోకి వెళ్ళిన తరువాత, బాత్ రూంలో ఒక మహిళ వేలు కట్ చేసి ఉండటం చూస్తుంది. ఇది చూసిన దివ్య ఒక్కసారిగా భయంతో వణికిపోతుంది. దివ్య తన కూతురిని కాపాడుకోవడానికి, ఈ ప్రమాదకరమైన హంతకుడి నుండి తప్పించుకోవడానికి ప్రయత్నిస్తుంది. ఆమె చేసిన ఫోన్ కాల్ వెట్రి అనే పోలీసుకు వెళ్తుంది. ఆమె ఎవరో తెలుసుకుని ఆత్మ విమర్శ చేసుకుంటాడు వెట్రి. ఎందుకంటే ఆమె భర్తను పొరపాటున ఎనకౌంటర్ లో కాల్చినది ఇతనే. ఇప్పుడు వెట్రి, దివ్యకు సహాయం చేయడానికి ప్రయత్నిస్తాడు. చివరికి వెట్రి ఆమె ఎక్కడుందో కనిపెడతాడా ? ఆ సైకో ఆమెను ఏమైనా చేస్తాడా ? తన కూతుర్ని ఆమె కాపాడుకుంటుందా ? అనే విషయాలను తెలుసుకోవాలి అనుకుంటే, ఈ సినిమాను మిస్ కాకుండా చూడండి.
Read Also : పరుగుతో కేక పుట్టించే సూపర్ ఉమెన్… ఐఎండీబీలో 7.4 రేటింగ్… ఈ సూపర్ హీరోయిన్ మూవీని ఇంకా చూడలేదా?
ఆహా (aha) లో
ఈ తమిళ థ్రిల్లర్ సినిమా పేరు ‘వైట్ రోజ్’ (White Rose). 2024 లో వచ్చిన ఈ మూవీకి కె. రాజశేఖర్ దర్శకత్వం వహించారు. ఇందులో ఆనంది, ఆర్‌కె సురేష్ ప్రధాన పాత్రల్లో నటించారు . ఈ మూవీని పూంబరై మురుగన్ ప్రొడక్షన్స్ బ్యానర్‌పై ఎన్ రంజని నిర్మించారు. ఆహా (aha) ఓటీటీలో ఈ మూవీ స్ట్రీమింగ్ అవుతోంది.
Share
IND VS PAK: పాకిస్థాన్ టీంపై హార్దిక్ పాండ్యా బాంబులు.. క్రేజీ వీడియో వైరల్
Allu Sirish : పెళ్లి పీటలు ఎక్కబోతున్న అల్లు శిరీష్.. 10 ఏళ్ల నిరీక్షణ ఫలిస్తుందా..?
