Reality Show: విల్లీ వోంకా చాక్లెట్ ఫ్యాక్టరీలోకి నిజంగానే అడుగుపెడితే? చాక్లెట్లు తినడం కాదు.. ఊహించని గేమ్స్, టెంప్టేషన్స్, ప్రమాదకరమైన ఛాలెంజ్‌లు ఎదుర్కొంటూ చివరి వరకు నిలబడాల్సి వస్తే? 12 గోల్డెన్ టికెట్లు దక్కించుకున్న 24 మంది కంటెస్టెంట్లు తమకు నచ్చిన పార్ట్‌నర్‌తో కలిసి ఈ మాయా ఫ్యాక్టరీలోకి ఎంట్రీ ఇస్తారు. శారీరకంగా, మానసికంగా, నైతికంగా పరీక్షించే టాస్కుల్లో పోటీపడుతూ చివరికి ఒక్కరే విజేతగా నిలవాలి. గెలిచిన వారికి జీవితాంతం సరిపోయేంత భారీ నగదు బహుమతి అందుతుంది. ఈ రియాలిటీ కాంపిటీషన్ ‘Wonka’s The Golden Ticket’. సెప్టెంబర్ 23 నుంచి Netflixలో స్ట్రీమింగ్ అవుతున్న ఈ సిరీస్‌లో మొత్తం 9 ఎపిసోడ్లు ఉన్నాయి. మరి ఈ చాక్లెట్ ఫ్యాక్టరీలో ఎలాంటి గేమ్స్ ఉంటాయి? టెంప్టేషన్స్‌ను తట్టుకుని ఎవరు చివరి వరకు నిలుస్తారు? ఒక్క విజేతకు దక్కే ప్రైజ్ మనీ ఎంత? అనే వివరాలపై ఓ లుక్కేద్దాం పదండి.
ఇది సాధారణ కథతో నడిచే సిరీస్ కాదు. దేశవ్యాప్తంగా గోల్డెన్ టికెట్ దక్కించుకున్న 12 మంది తమతో పాటు ఒక్కో పార్ట్‌నర్‌ను తీసుకుని వోంకా చాక్లెట్ ఫ్యాక్టరీలోకి అడుగుపెడతారు. అంటే మొత్తం 24 మంది పోటీదారులు. చిన్నప్పటి నుంచి ఊహల్లో మాత్రమే చూసిన వోంకా ప్రపంచం ఇప్పుడు వాళ్ల ముందే నిజమైన గేమ్ అరేనాగా మారుతుంది.
ఫ్యాక్టరీలోకి వెళ్లిన తర్వాత అసలు ఆట మొదలవుతుంది. గేమ్స్, టెస్టులు, టెంప్టేషన్స్ ద్వారా కంటెస్టెంట్ల శారీరక సామర్థ్యంతో పాటు మానసిక బలం, నిర్ణయాలు తీసుకునే తీరు, నైతికతను కూడా పరీక్షిస్తారు. ఓ టాస్క్‌లో గెలవడం మాత్రమే కాదు.. ఎప్పుడైనా ఊహించని పరిస్థితి ఎదురైతే టీమ్‌గా ఎలా స్పందిస్తారన్నదీ ముఖ్యం. ఒకరిపై ఒకరు నమ్మకం ఉంచుకుంటారా? డబ్బు కోసం టెంప్ట్ అవుతారా? లేక చివరి వరకు తమ పార్ట్‌నర్‌ను వదలకుండా ముందుకు సాగుతారా? అనేదే అసలు గేమ్.
చాక్లెట్ ఫ్యాక్టరీలోని ప్రతి గది ఓ కొత్త ఛాలెంజ్‌తో ఎదురవుతుంది. ఎవరు గెలుస్తారో చివరి వరకు అంచనా వేయలేని విధంగా పోటీ సాగుతుంది. చివరికి ఒక్క కంటెస్టెంట్ మాత్రమే వోంకా ఇచ్చే లైఫ్-చేంజింగ్ ప్రైజ్‌ను సొంతం చేసుకుంటాడు. సిరీస్‌కు సెప్టెంబర్ 30న రెండు భాగాలుగా ఫైనల్ ఎపిసోడ్లు రానున్నాయి.
‘Wonka’s The Golden Ticket’ ఇంగ్లీష్ ఒరిజినల్ రియాలిటీ కాంపిటీషన్ సిరీస్ సెప్టెంబర్ 23 నుంచి Netflixలో స్ట్రీమింగ్ అవుతోంది. 12 టీమ్స్, వోంకా చాక్లెట్ ఫ్యాక్టరీ, ఊహించని టాస్కులు, భారీ ప్రైజ్ మనీతో ఈ సిరీస్ ఫ్యామిలీతో కలిసి చూడటానికి సరదా కాంపిటీషన్‌గా నిలుస్తుంది. ప్రస్తుతానికి కేవలం ఇంగ్లిష్, హిందీ భాషల్లో మాత్రమే స్ట్రీమింగ్ అవుతోంది. తెలుగులో స్ట్రీమింగ్ లో లేదు.
Read Also: మందు బాటిల్ వల్ల మొదలైన గొడవ… చివరికి క్రైమ్‌లో చిక్కుకున్న స్నేహితులు… ఫుల్ నవ్వులు
Share
రీఛార్జ్ టెన్షన్ వద్దు..ఒక్క క్లిక్‌తో 1000+టీవీ ఛానెళ్లు ఫ్రీ!
యూపీఐ పేమెంట్స్ చేసేటప్పుడు..ఈ పొరపాట్లు అస్సలు చేయొద్దు
