OTT Movie : ఇప్పటిదాకా మనం ఎన్నో హారర్, జాంబీ సినిమాలను చూశాము. కానీ జాంబీలతో భయపెట్టే సన్నివేశాలతో పాటు, అదిరిపోయే యాక్షన్ సీన్స్ ఉన్న మూవీస్ మాత్రం అతి తక్కువగా ప్రేక్షకుల ముందుకు వచ్చాయి. ఎందుకంటే జాంబీల నుంచి తప్పించుకోవడం అనే సర్వైవల్ కాన్సెప్ట్ పైనే ఇప్పటిదాకా ఎక్కువగా సినిమాలు వచ్చాయి. ఇప్పుడు మనం చెప్పుకోబోయే సినిమా మాత్రం సర్వైవల్ ప్లస్ యాక్షన్ సీన్స్ తో దుమ్మురేపుతోంది. ఈ మూవీ ఎక్కడ స్ట్రీమింగ్ అవుతుంది? కథ ఏంటి? అనే వివరాలను తెలుసుకుందా పదండి.
నెట్ ఫ్లిక్స్ (Netflix) లో స్ట్రీమింగ్…
“జియామ్” (Ziam) అనేది 2025లో విడుదలైన థాయ్‌లాండ్‌కు చెందిన యాక్షన్-హారర్ జాంబీ చిత్రం. జూలై 9 నుంచి ఈ మూవీ నెట్ ఫ్లిక్స్ (Netflix)లో స్ట్రీమింగ్ అవుతోంది. ఈ సినిమా భవిష్యత్తు థాయ్‌లాండ్‌లో పర్యావరణ విపత్తు, ఆహార కొరత నేపథ్యంలో జరిగే ఒక ఉత్కంఠభరితమైన జాంబీ అపోకలిప్స్ కథ. ముయ్ థాయ్ మార్షల్ ఆర్ట్స్‌తో కూడిన అద్భుతమైన యాక్షన్ సన్నివేశాలు, భయంకరమైన జాంబీలు, సమాజంలోని అసమానతలు, పర్యావరణ సమస్యలను సూచించే సందేశం ఈ చిత్రాన్ని ప్రత్యేకంగా నిలిపాయి. ఈ చిత్రం ప్రధానంగా యాక్షన్, హారర్ జానర్‌ లో తెరకెక్కినప్పటికీ, జాంబీ అపోకలిప్స్ థీమ్‌తో సైన్స్ ఫిక్షన్, థ్రిల్లర్ వంటి అంశాలు కూడా ఉన్నాయి. ముయ్ థాయ్ ఫైట్ సీక్వెన్స్‌లు ఈ సినిమాకు ప్రత్యేక ఆకర్షణగా నిలుస్తాయి. జాంబీలతో జరిగే హోరాహోరీ యుద్ధాలు హారర్ అభిమానులను ఆకట్టుకుంటాయి. ఇందులో మార్క్ ప్రిన్ సుపరత్ (సింగ్), నైచా నుట్టనిచా (రిన్), వైలా వాన్‌వైలా (బడ్డీ) ప్రధాన పాత్రలు పోషించారు.
కథలోకి వెళ్తే…
భవిష్యత్తు థాయ్‌లాండ్‌లో పర్యావరణ విపత్తు, ఆహార కొరత సమాజాన్ని అస్తవ్యస్తం చేస్తాయి. అక్కడే నివసించే సింగ్ ఒక మాజీ ముయ్ థాయ్ ఫైటర్. ఇప్పుడు మాత్రం డెలివరీ డ్రైవర్‌గా జీవనం సాగిస్తుంటాడు. అతని ప్రేయసి రిన్ ప్రచమిత్ అనే ఆసుపత్రిలో డాక్టర్‌గా పని చేస్తుంది. హఠాత్తుగా ధృవాలలో కరిగిన మంచు నుండి విడుదలైన ఒక ప్రమాదకరమైన బ్యాక్టీరియా వైరస్ ఆసుపత్రిలో వ్యాపిస్తుంది, అది మనుషులను వేగవంతమైన, కిరాతకమైన జాంబీలుగా మారుస్తుంది.
సింగ్, రిన్ తో పాటు ఒక చిన్న బాలుడు బడ్డీని రక్షించేందుకు ఆసుపత్రిలోకి ప్రవేశిస్తాడు. అతని ముయ్ థాయ్ నైపుణ్యాలతో జాంబీల తుక్కు రేగ్గొడుతూ, ఆలస్యం కాకముందే వారిని బయటకు తీసుకెళ్లే ప్రయత్నం చేస్తాడు. ఎందుకంటే రాయల్ థాయ్ ఆర్మీ ఈ జాంబీలు ఉన్న అదే ఆసుపత్రిని బాంబులతో నాశనం చేయడానికి సిద్ధం అవుతుంది. బాంబు కూడా పెడుతుంది. మరి హీరో హీరోయిన్ ను అనుకున్నట్టుగానే అంతమంది జాంబీల నుంచి రక్షించగలిగాడా ? చివరికి వచ్చే ట్విస్ట్ ఏంటి? హీరో అందులో నుంచి బయట పడ్డాడా లేక చనిపోయాడా ? అనే ప్రశ్నలకు సమాధానం కావాలంటే ఈ జాంబీ సర్వైవల్ థ్రిల్లర్ ను చూడాల్సిందే.
Read Also : లేడీ గెటప్ వేసిన పాపానికి ఊహించని పని… అబ్బాయి అని తెలిసినా వదలకుండా…
Share
Today Movies in TV : శుక్రవారం టీవీల్లోకి రాబోతున్న సినిమాలు.. ఆ మూడు వెరీ స్పెషల్...
Friday OTT Movies : ఇవాళ ఒక్కరోజే ఓటీలోకి 18 సినిమాలు.. మూవీ లవర్స్ కు జాతరే...
