Cucumber Salad: ఎండల తీవ్రత ఎక్కువైనప్పుడు లేదంటే కడుపులో కాస్త అసౌకర్యంగా అనిపించినప్పుడు మనకి ముందుగా గుర్తొచ్చేది కీర దోసకాయ. కేవలం నీటి శాతమే కాకుండా.. ఆరోగ్యానికి మేలు చేసే ఎన్నో పోషకాలు ఇందులో ఉన్నాయి. అతి తక్కువ సమయంలో, ఎలాంటి వంట గ్యాస్ అవసరం లేకుండా నిమిషాల్లో చేసుకోగలిగే ఈ సలాడ్ మన రోజువారీ ఆహారంలో భాగమైతే సంపూర్ణ ఆరోగ్యాన్ని సొంతం చేసుకోవచ్చు. మరి ఇంకెందుకు ఆలస్యం.. ఈ హెల్తీ సలాడ్ ఎలా చేయాలో చూద్దామా..
కీర దోసకాయలు – రెండు (పెద్దవి)
ఉల్లిపాయ – ఒకటి (సన్నగా తరిగినది)
పచ్చిమిర్చి – 1 లేదా 2 (మీ కారానికి తగినట్టు)
కొత్తిమీర – కొద్దిగా (సన్నగా తరిగినది)
నిమ్మరసం – ఒక టేబుల్ స్పూన్
మిరియాల పొడి – అర టీస్పూన్
ఉప్పు – రుచికి సరిపడా (వీలైతే సైంధవ లవణం వాడండి)
వేయించిన పల్లీలు లేదా నువ్వులు – కొద్దిగా (ఆప్షనల్)
Also Read: బియ్యం, పప్పు నానబెట్టే పని లేకుండా జస్ట్ 10 నిమిషాల్లో క్రిస్పీ రాగి దోశ!
కొన్ని కీర దోసకాయలను శుభ్రంగా కడిగి, పైన ఉన్న చెక్కు తీసేయాలి (లేతగా ఉంటే చెక్కుతో కూడా వాడుకోవచ్చు). వీటిని మీకు నచ్చిన విధంగా చిన్న ముక్కలుగా లేదా చక్రాల్లా కోసి ఒక పెద్ద బౌల్లోకి తీసుకోవాలి. అందులోనే సన్నగా తరిగిన ఉల్లిపాయ ముక్కలు, పచ్చిమిర్చి ముక్కలు, కొత్తిమీర వేయాలి. ఇప్పుడు దీనిపై రుచికి సరిపడా ఉప్పు, మిరియాల పొడి చల్లాలి. చివరగా నిమ్మరసం పిండి, ముక్కలన్నింటికీ మసాలా పట్టేలా బాగా కలపాలి. మీకు ఇష్టమైతే పైన కొన్ని వేయించిన పల్లీలు చల్లుకుంటే తింటున్నప్పుడు అక్కడక్కడా తగులుతూ చాలా రుచిగా ఉంటుంది. అంతే.. ఎంతో రుచికరమైన కీర దోసకాయ సలాడ్ రెడీ.
* కీర దోసకాయలో 95% పైగా నీటి శాతం ఉండటం వల్ల ఇది శరీరాన్ని హైడ్రేటెడ్గా ఉంచుతుంది.
* ఇందులో ఉండే ఫైబర్ జీర్ణక్రియను మెరుగుపరిచి మలబద్ధకం వంటి సమస్యలను దూరం చేస్తుంది.
* బరువు తగ్గాలనుకునే వారికి ఇది ఒక అద్భుతమైన ఆహారం, ఎందుకంటే ఇందులో క్యాలరీలు చాలా తక్కువ.
* అలాగే, ఇందులోని విటమిన్ కె, యాంటీ ఆక్సిడెంట్స్ చర్మం కాంతివంతంగా మెరవడానికి, ఎముకల ఆరోగ్యానికి తోడ్పడతాయి.
Also Read: తెలంగాణ స్టైల్ బగారా అన్నం.. ముద్దపప్పు లేదా నాటుకోడి కూరతో తింటే ఇక స్వర్గమే!
Share
గులాబీ పార్టీకి బిగ్ షాక్.. టీఆర్ఎస్ ఓటు బ్యాంకుపై కన్నేసిన కవిత..!
స్మగ్లింగ్ కేసులో అరెస్ట్.. నటి రన్యారావుకి భారీ ఊరట!
