ఆపద వస్తే కాపాడేది మీ ఫోనే.. ఈ 5 ఆండ్రాయిడ్ సెట్టింగ్స్ ఇప్పుడే ఆన్ చేసుకోండి!

Android Emergency Settings: సమస్య ఎప్పుడూ ముందుగా హెచ్చరించి రాదు. అందుకే “సమయం కంటే ముందే మనం సిద్ధంగా ఉండాలి” అంటారు పెద్దలు. ప్రస్తుతం మన జీవితంలో అంతర్భాగంగా మారిన ఆండ్రాయిడ్ స్మార్ట్‌ఫోన్లలో గూగుల్ ఎన్నో లైఫ్-సేవింగ్ ఫీచర్లను ఇన్-బిల్ట్‌గా అందిస్తోంది. కేవలం రెండు నిమిషాలు కేటాయించి మీ ఫోన్ లోని ఈ ‘Safety & Emergency’ సెట్టింగ్స్ ఆన్ చేసుకుంటే.. రేపు ఏదైనా విపత్తు వచ్చినా లేదా రోడ్డు ప్రమాదం జరిగినా మీ ఫోన్ మీ ప్రాణాలను కాపాడుతుంది. ఆ 5 సెట్టింగ్స్ ఏంటో ఇప్పుడు వన్-బై-వన్ చూద్దాం.

1. ఎమర్జెన్సీ SOS-పవర్ బటన్ మ్యాజిక్: మీరు ఏదైనా ప్రమాదంలో చిక్కుకున్నప్పుడు లేదా ఎవరైనా మిమ్మల్ని వెంబడిస్తున్నప్పుడు ఫోన్ లాక్ తీసి.. నంబర్ డయల్ చేసేంత టైమ్ ఉండదు. మీ ఫోన్ లోని ‘Power Button’ ను వరుసగా 5 సార్లు నొక్కితే చాలు.. ఆటోమేటిక్‌గా పోలీసులకు (112) లేదా మీరు సెట్ చేసుకున్న ఫ్యామిలీ నంబర్లకు లొకేషన్‌తో సహా అలర్ట్ మెసేజ్ వెళ్ళిపోతుంది.

ఎలా ఆన్ చేయాలి?: Settings -> Safety & Emergency -> Emergency SOS లోకి వెళ్లి దీన్ని ఆన్ చేసుకోండి.

2. మెడికల్ ఇన్ఫర్మేషన్ – లాక్ స్క్రీన్ పై మీ వివరాలు:

రోడ్డుపై వెళ్లేటప్పుడు ఏదైనా యాక్సిడెంట్ జరిగి స్పృహ తప్పిపోతే.. చుట్టుపక్కల వాళ్లకు మీ బంధువుల ఫోన్ నంబర్లు గానీ, మీ బ్లడ్ గ్రూప్ గానీ తెలియదు.

ఎలా పనిచేస్తుంది?: ఫోన్ లాక్ తీయకుండానే ఎమర్జెన్సీ కాల్ స్క్రీన్ పై మీ బ్లడ్ గ్రూప్, అలర్జీలు , అత్యవసర కాంటాక్ట్ నంబర్లు కనిపించేలా చేయవచ్చు.

ఎలా ఆన్ చేయాలి?: Settings -> Safety & Emergency -> Medical Information లోకి వెళ్లి మీ వివరాలు, బంధువుల నంబర్లు యాడ్ చేయండి.

3. భూకంప హెచ్చరికలు:
ప్రకృతి వైపరీత్యాలు సడన్‌గా వస్తుంటాయి. భూకంపం రాబోయే కొన్ని సెకన్ల ముందే మీ ఫోన్ మిమ్మల్ని అలర్ట్ చేస్తుంది.

ఎలా పనిచేస్తుంది?: గూగుల్ సిస్టమ్ భూమిలో వచ్చే కంపనాలను గుర్తించి, మీ ప్రాంతంలో భూకంపం వచ్చే అవకాశం ఉంటే పెద్ద సౌండ్‌తో ఫోన్ స్క్రీన్ పై వార్నింగ్ ఇస్తుంది. దీని వల్ల మీరు సురక్షిత ప్రాంతంలోకి వెళ్ళడానికి టైమ్ దొరుకుతుంది.

ఎలా ఆన్ చేయాలి?: Settings -> Safety & Emergency -> Earthquake Alerts ని ఆన్ చేయండి.

4. ఎమర్జెన్సీ లొకేషన్ సర్వీస్:
మీరు ఆపదలో ఉండి 100 లేదా 112 కి కాల్ చేసినప్పుడు మీరు ఎక్కడున్నారో స్పష్టంగా చెప్పలేకపోవచ్చు.

ఎలా పనిచేస్తుంది?: మీరు ఎమర్జెన్సీ నంబర్‌కు కాల్ చేయగానే మీ ఫోన్ ఆటోమేటిక్‌గా మీ ఖచ్చితమైన జీపీఎస్ లొకేషన్‌ను రెస్క్యూ టీమ్‌కు పంపుతుంది.

ఎలా ఆన్ చేయాలి?: Settings -> Safety & Emergency -> Emergency Location Service ని ఎనేబుల్ చేయండి.

Also Read: వద్దు అనుకుంటే వదిలేయండి! అమెజాన్ పే లేటర్ అకౌంట్ క్లోజ్ చేసే.. ప్రాసెస్

5. గూగుల్ ‘ఫైండ్ మై డివైజ్’:
మీరు ఎక్కడైనా ఫోన్ పోగొట్టుకున్నా లేదా ఏదైనా అడవి లాంటి ప్రదేశంలో చిక్కుకున్నా మిమ్మల్ని ట్రేస్ చేయడానికి ఇది ఉపయోగపడుతుంది.

లాభం: మీ కుటుంబ సభ్యులు మీ లొకేషన్‌ను లైవ్‌లో ట్రాక్ చేయవచ్చు.

ఎలా ఆన్ చేయాలి?: Settings -> Google -> Find My Device ని ఆన్ లో ఉంచండి.

స్మార్ట్‌ఫోన్ అంటే కేవలం సోషల్ మీడియా, గేమింగ్ మాత్రమే కాదు.. అది మనకు రక్షణ కవచం కూడా. ఈ రోజే.. ఇప్పుడే మీ ఆండ్రాయిడ్ ఫోన్ తీసి పైన చెప్పిన 5 ఎమర్జెన్సీ సెట్టింగ్స్‌ను ఆన్ చేసుకోండి. అలాగే ఈ ఇన్‌ఫర్మేషన్ చాలా విలువైనది కాబట్టి.. మీ ఫ్యామిలీ మెంబర్స్ , ఫ్రెండ్స్ అందరికీ షేర్ చేసి వాళ్ల ఫోన్లలో కూడా ఈ సెట్టింగ్స్ ఆన్ చేయించండి. బీ సేఫ్.