Apple iOS 27: ప్రపంచవ్యాప్తంగా ఉన్న యాపిల్ ప్రియుల కోసం సంస్థ ఎప్పుడూ ఏదో ఒక కొత్తదనంతో సర్ప్రైజ్ ఇస్తూనే ఉంటుంది. గత కొంతకాలంగా యాపిల్ నుంచి మడతబెట్టే (ఫోల్డబుల్) ఐఫోన్ రాబోతోందంటూ నెట్టింట రకరకాల ప్రచారాలు జరుగుతున్నాయి. అయితే, తాజాగా బయటపడిన iOS 27 సాఫ్ట్వేర్ కోడ్ ఈ వార్తలకు మరింత బలాన్ని చేకూరుస్తోంది. ఈ సరికొత్త ఆపరేటింగ్ సిస్టమ్లో ఫోల్డబుల్ డివైజ్లకు సంబంధించిన కొన్ని ఆసక్తికరమైన ఆధారాలు లభించినట్లు డెవలపర్లు చెప్తున్నారు. ఈ క్రమంలోనే యాపిల్ ఒక ప్రీమియం ఫోన్ను తీసుకురాబోతోందని, దీనికి నిపుణులు iPhone Ultra అని పేరు పెట్టవచ్చని అంచనా వేస్తున్నారు.
సాధారణంగా యాపిల్ సంస్థ తమ భవిష్యత్తు ఉత్పత్తుల గురించి ముందుగా ఎలాంటి సమాచారాన్ని పంచుకోదు. కానీ, సరికొత్త ఐఓఎస్ 27 కోడ్లో Fold State, Mechanical Angle Degrees వంటి పదాలు కనిపించడం ఇప్పుడు హాట్ టాపిక్గా మారింది. అంటే.. ఫోన్ ఎంతవరకు మడతపడి ఉంది, సగం తెరిచి ఉందా లేదా పూర్తిగా తెరిచి ఉందా అనే విషయాలను గుర్తించడానికి ఈ సాఫ్ట్వేర్ ఉపయోగపడుతుంది. దీంతో పాటు మల్టిపుల్ డిస్ప్లేలకు సపోర్ట్ చేసే ఫీచర్లు కూడా దీనిలో కనిపించాయి. ప్రస్తుతం ఉన్న ఐఫోన్లలో ఒకే స్క్రీన్ ఉంటుంది కాబట్టి.. యాపిల్ కచ్చితంగా ఫోల్డబుల్ ఫోన్ కోసమే ఈ మార్పులు చేస్తోందని నిపుణులు భావిస్తున్నారు.
Also Read: WhatsAppలో కొత్త సబ్స్క్రిప్షన్ ప్లాన్స్.. ఒకే రీఛార్జ్తో మెటా యాప్స్ అన్నింటికీ ప్రీమియం ఫీచర్స్!
యాపిల్ తమ కొత్త సాఫ్ట్వేర్లో స్క్రీన్ సైజులకు అనుగుణంగా యాప్స్ మారిపోయేలా డిజైన్ చేస్తోంది. ఒక స్క్రీన్ నుంచి మరో స్క్రీన్కు మారినప్పుడు ఎలాంటి ఇబ్బంది లేకుండా యాప్లను వాడుకునేలా ఐఓఎస్ 27లో మార్పులు జరుగుతున్నాయి. ఫోల్డబుల్ ఫోన్లలో స్క్రీన్ మడత విప్పినప్పుడు యాప్స్ ఆటోమేటిక్గా పెద్ద స్క్రీన్కు సెట్ అవ్వడం చాలా ముఖ్యం. ఈ కొత్త మార్పులను చూస్తుంటే యాపిల్ భవిష్యత్తు టెక్నాలజీ కోసం ఇప్పుడే పునాది వేస్తోందని అర్థమవుతోంది.
శాంసంగ్, గూగుల్ వంటి కంపెనీలు ఇప్పటికే మార్కెట్లో ఫోల్డబుల్ ఫోన్లను పరిచయం చేసి దూసుకు పోతున్నాయి. కానీ యాపిల్ మాత్రం ఈ రేసులో కాస్త వెనుకంజలోనే ఉంది. అయితే యాపిల్ ఎప్పుడూ ఏదైనా కొత్త టెక్నాలజీని తొందరపడి మార్కెట్లోకి తేదు. స్క్రీన్ నాణ్యత, మన్నిక వంటి సమస్యలన్నింటినీ పూర్తిగా పరిష్కరించిన తర్వాతే బెస్ట్ ప్రొడక్ట్తో మార్కెట్లోకి రావడం యాపిల్ శైలి. ఈ ఫోల్డబుల్ ఐఫోన్కు ‘ఐఫోన్ ఆల్ట్రా’ అనే పేరు పెడతారా లేదా అనేది యాపిల్ అధికారికంగా ప్రకటించే వరకు వేచి చూడాల్సిందే.
Also Read: యూజర్ల డిమాండ్తో మార్కెట్లోకి HMD Vibe 2 5G కొత్త వేరియంట్.. సేల్స్ ఎప్పటి నుంచంటే?
Share
సంచిత ఉగాలే ఆత్మహత్య.. నటీనటులపై పని ఒత్తిడి.. నటి ఆంచల్ ఖురానా సంచలన వ్యాఖ్యలు!
భారత్ లో మళ్లీ హైబ్రిడ్ కార్ల హవా.. ఏడాదిలో 6 కొత్తమోడల్స్ వచ్చేస్తున్నాయ్!
