Apple Upcoming Products: టెక్ దిగ్గజం యాపిల్ నుంచి వచ్చే కొత్త డివైజ్‌ల కోసం ఎదురుచూస్తున్న వారికి ఇది గుడ్ న్యూస్ అనే చెప్పాలి. కంపెనీ తాజాగా విడుదల చేసిన సాఫ్ట్‌వేర్ కోడ్‌లో ఊహించని విధంగా భవిష్యత్తులో రాబోయే ప్రొడక్ట్స్‌కు సంబంధించిన కీలక సంకేతాలు కనిపించినట్లు తెలుస్తోంది. ఫోల్డబుల్ ఐఫోన్ నుంచి కెమెరాలతో కూడిన ఎయిర్‌పాడ్స్, ఓఎల్ఈడీ మ్యాక్‌బుక్ వరకు.. ఒకటి కాదు, రెండు కాదు.. ఏకంగా 10కి పైగా కొత్త డివైజ్‌ల ప్రస్తావన ఈ లీక్‌లో బయటపడటం ఇప్పుడు టెక్ ప్రపంచంలో ఆసక్తికర చర్చకు దారితీస్తోంది.
ఈ లీక్‌లలో అందరి దృష్టిని ఆకర్షిస్తోంది యాపిల్ మొదటి ‘ఫోల్డబుల్ ఐఫోన్’. చాలా ఏళ్లుగా దీనిపై ప్రయోగాలు చేస్తున్న యాపిల్, త్వరలోనే దీనిని మార్కెట్‌లోకి తెచ్చేందుకు సిద్ధమవుతోంది. దీంతో పాటు రాబోయే ఐఫోన్ 18 ప్రో సిరీస్‌లో డిస్‌ప్లే బ్రైట్‌నెస్, మెరుగైన బ్యాటరీ లైఫ్, వేగవంతమైన ప్రాసెసర్‌ను అందించబోతున్నారు.
Also Read: Realme 17 Pro Plus లీక్డ్ ఫీచర్లు చూస్తే ఫ్యూజులు ఎగరాల్సిందే.. లాంచ్ ఎప్పుడంటే?
ఎయిర్‌పాడ్స్ ప్రియుల కోసం యాపిల్ ఓ వినూత్న ప్రయోగానికి తెరలేపింది. తదుపరి తరం ఎయిర్‌పాడ్స్‌లో ఇన్‌ఫ్రారెడ్ కెమెరాలను అమర్చనున్నట్లు తెలుస్తోంది. ‘విజువల్ ఇంటెలిజెన్స్’ సాంకేతికతతో ఇవి పనిచేస్తాయి. వీటికి తోడు హోమ్‌పాడ్ 3, కొత్త యాపిల్ టీవీ 4కే, స్మార్ట్ హోమ్ హబ్ వంటి సాధనాలు కూడా విడుదలకు సిద్ధంగా ఉన్నాయి.
యాపిల్ వాచ్ సిరీస్ 12, అల్ట్రా 4 మోడల్స్ కూడా ఈ జాబితాలో ఉన్నాయి. ఈసారి డిజైన్‌లో పెద్దగా మార్పులు లేకపోయినా, హెల్త్ ట్రాకింగ్, ఫిట్‌నెస్ ఫీచర్లు, పెర్ఫార్మెన్స్ పెంపొందించడంపైనే కంపెనీ ఎక్కువ దృష్టి పెట్టినట్లు సమాచారం.
భవిష్యత్ రోడ్‌మ్యాప్‌లో భాగంగా ఓఎల్ఈడీ డిస్‌ప్లేతో కూడిన ఐప్యాడ్ మిని, శక్తివంతమైన కొత్త చిప్‌లతో పనిచేసే మ్యాక్‌బుక్ ప్రో మోడల్స్ రాబోతున్నాయి. ముఖ్యంగా ఓఎల్ఈడీ టచ్‌స్క్రీన్ మ్యాక్‌బుక్ వినియోగదారులకు సరికొత్త అనుభూతిని అందించనుంది. వీటిలో కొన్ని ఈ ఏడాది చివర్లో లేదా వచ్చే ఏడాది ప్రారంభంలో మార్కెట్‌లోకి వచ్చే అవకాశం ఉంది.
Also Read: అద్భుతమైన లుక్, మిలిటరీ గ్రేడ్ బిల్డ్‌తో వచ్చేస్తున్న Lava Bold N4 Lite.. లాంచ్ ఎప్పుడంటే?
Share
ముసలోడిలా ఆ స్వెటర్ ఎంట్రా ? సల్మాన్ కంటే ఆడాళ్లు బెటర్
జార్ఖండ్ పవర్ ప్లాంట్లో ఘోర ప్రమాదం.. టర్బైన్ పేలి ముగ్గురు ఇంజనీర్లు మృతి!
