Apple Music Features: మ్యూజిక్ వినేందుకు Apple Music, YouTube Music రెండూ మంచి ఆప్షన్లే. అయితే రెండు యాప్స్ ఫీచర్లు ఒకేలా ఉంటాయి అనుకోవడం మాత్రం కరెక్ట్ కాదు. ముఖ్యంగా ఆడియో క్వాలిటీ, కరోకే, డివైజ్ ఇంటిగ్రేషన్ వంటి విషయాల్లో యాపిల్ మ్యూజిక్ కొన్ని అదనపు ఫీచర్లను అందిస్తోంది. యూట్యూబ్ మ్యూజిక్లో ప్రస్తుతం అందుబాటులో లేని అలాంటి 5 ఫీచర్లు ఏంటో చూద్దాం.
మ్యూజిక్ను సాధ్యమైనంత ఒరిజినల్ క్వాలిటీలో వినాలనుకునేవారికి యాపిల్ మ్యూజికల్లో లాస్లెస్ ఆడియో ఉపయోగపడుతుంది. ఇందులో కొన్ని పాటలు 24-bit/192 kHz వరకు హైక్వాలిటీ ఆడియోను సపోర్ట్ చేస్తాయి. అయితే దీన్ని పూర్తిగా ఆస్వాదించాలంటే మంచి వైర్డ్ హెడ్ఫోన్స్ అవసరం.
యాపిల్ మ్యూజిక్లో స్పేషియల్ ఆడియో, డాల్బీ అట్మాస్ సపోర్ట్ కూడా ఉంది. ఇవి పాటను మరింత ఇమ్మర్సివ్గా వినిపించేలా చేస్తాయి. సరైన హెడ్ఫోన్స్, డివైజ్ ఉంటే చుట్టూ నుంచి సౌండ్ వస్తున్న అనుభూతి కలుగుతుంది. యూట్యూబ్ మ్యూజిక్లో ఇలాంటి ఫీచర్లు లేవు.
Also Read: iPhone Ultra నాలుగు రంగుల్లో రానుందా? తాజా లీక్లో కనిపించిన కలర్స్ ఇవే!
యాపిల్ మ్యూజిక్కు మ్యాక్లో ప్రత్యేక యాప్ ఉండటంతో పాటు విండోస్ కోసం కూడా డెస్క్టాప్ యాప్ అందుబాటులో ఉంది. యూట్యూబ్ మ్యూజిక్కు మాత్రం ప్రత్యేకమైన నేటివ్ డెస్క్టాప్ యాప్ లేదు. బ్రౌజర్ లేదా PWA ద్వారా ఉపయోగించాల్సి ఉంటుంది.
కరోకే ఇష్టపడేవారికి యాపిల్ మ్యూజిక్ సింగ్ ఆసక్తికరమైన ఫీచర్. పాటలోని ఒరిజినల్ వోకల్స్ను తగ్గించుకుని మనమే పాడుకోవచ్చు. కొన్ని పాటల్లో డ్యూయెట్ ఆప్షన్ కూడా ఉంటుంది. యూట్యూబ్ మ్యూజిక్లో లిరిక్స్ ఉన్నప్పటికీ వోకల్స్ను ఇలా కంట్రోల్ చేసే అవకాశం లేదు.
ఐఫోన్, ఐప్యాడ్, యాపిల్ వాచ్, మ్యాక్ వంటి యాపిల్ డివైజ్లు ఉపయోగించేవారికి Apple Music మరింత సౌకర్యంగా ఉంటుంది. ఇతర యాపిల్ సేవలతో కలిసి యాపిల్ వన్ ద్వారా కూడా ఉపయోగించుకోవచ్చు. ఇప్పటికే యాపిల్ ఎకోసిస్టమ్లో ఉన్నవారికి ఇది యూట్యూబ్ మ్యూజిక్ కంటే అదనపు ప్రయోజనంగా మారుతుంది.
Also Read: Google Pixel 10 ధర భారీగా తగ్గింది.. అమెజాన్లో రూ.15 వేలకు పైగా ఆదా చేసే ఛాన్స్!
Share
షాకైన వైసీపీ పెద్దలు.. మాజీ మంత్రి ధర్మాన ప్రసాదరావుపై కేసు, అసలు ఏం జరిగింది?
Podarillu Today Episode :మహా ఎమోషనల్.. చక్రీ మాస్టర్ ప్లాన్.. తాయారు స్కెచ్ అదుర్స్..
