iPhone 14 Models Sale Stopped | టెక్ దిగ్గజం యాపిల్ తన చౌకైన ‘ఐఫోన్ 16e’ను లాంఛ్ చేసింది. ఈ నేపథ్యంలో కంపెనీ తన పాత మూడు ఐఫోన్ మోడళ్ల విక్రయాలను నిలిపివేసింది. ‘ఐఫోన్ 16e’ మూడేళ్ల పాత ఫోన్‌పై అనేక అప్‌గ్రేడ్‌లను అందిస్తున్నందున కొత్త మోడల్‌కు చోటు కల్పించేందుకు యాపిల్ తన మూడవ తరం ఐఫోన్ SEని దశలవారీగా తొలగించింది. ఈ అప్గ్రేడ్లలో యాపిల్ ఇంటెలిజెన్స్ సపోర్టుతో A18 చిప్, ఛార్జింగ్ కోసం USB టైప్-C పోర్ట్ ఉన్నాయి. ఈ కొత్త ఎంట్రీ-లెవల్ స్మార్ట్‌ఫోన్‌ను ప్రారంభించిన తర్వాత కుపెర్టినో ఆధారిత కంపెనీ 2022లో ప్రారంభించిన స్టాండర్డ్ ఐఫోన్ 14 మోడళ్లను యాపిల్ తన వెబ్సైట్ నుంచి తొలగించినట్లు కనిపిస్తోంది.
యాపిల్ నిలిపివేసిన ఐఫోన్ మోడల్స్ ఇవే!: ‘ఐఫోన్ 16e’ లాంఛ్ అయిన వెంటనే యాపిల్ తన పాత ‘ఐఫోన్ SE’, ‘ఐఫోన్ 14’, ‘ఐఫోన్ 14 ప్లస్’ మోడల్స్ కంపెనీ అధికారిక వెబ్సైట్ నుంచి తొలగించినట్లు కన్పిస్తుంది. అయితే ఈ మోడల్స్ ఇప్పటికీ ఫ్లిప్‌కార్ట్, అమెజాన్ వంటి థర్డ్-పార్టీ రిటైలర్లు లేదా భారతదేశంలో పునరుద్ధరించిన స్టోర్ల ద్వారా కొనుగోలు చేసేందుకు అందుబాటులో ఉన్నాయి. అయితే ఈ స్టాక్‌లు కూడా త్వరలోనే అయిపోయే అవకాశం ఉంది.
ఇక యాపిల్ తన ‘ఐఫోన్ SE’ మోడల్ను మార్చి 2022లో ప్రారంభ ధర రూ. 43,900 కంపెనీ లాంఛ్ చేసింది. మరోవైపు ‘ఐఫోన్ 14’, ‘ఐఫోన్ 14 ప్లస్’ సెప్టెంబర్ 2022లో వరుసగా రూ. 79,900, రూ. 89,900 ధరలతో వచ్చాయి.
Also Read: వై ఫై స్పీడు తక్కువగా ఉందా?.. ఈ ట్రిక్స్ పాటిస్తే ఫుల్ స్పీడ్ ఖాయం
ఇదిలా ఉండగా ‘ఐఫోన్ 16’ ఫ్యామిలీని ప్రారంభించిన తర్వాత యాపిల్ గతేడాది ‘ఐఫోన్ 15 ప్రో’ సిరీస్, ‘ఐఫోన్ 13’ మోడళ్ల సేల్స్ను నిలిపివేసింది. యూరోపియన్ యూనియన్ దేశాల్లో అన్ని స్మార్ట్ ఫోన్ పరికరాలకు తప్పనిసరిగా USB టైప్-C ఛార్జింగ్ పోర్ట్‌లు ఉండాలని కొత్త చట్టాన్ని తీసుకువచ్చారు. ఆ చట్టం అమలులో ఉండడం కారణంగా యాపిల్ సంస్థ అనేక యూరోపియన్ దేశాల్లో ఉన్న తన ఆన్‌లైన్ స్టోర్ల నుంచి ఐఫోన్ 14 సిరీస్ మోడల్స్ అయిన ‘ఐఫోన్ 14’, ‘ఐఫోన్ 14 ప్లస్’, ‘ఐఫోన్ SE’ఈ మూడు మోడల్స్ను ఉపసంహరించుకోవడం ప్రారంభించింది.
దీంతో యాపిల్ స్మార్ట్ఫోన్ పోర్ట్‌ఫోలియోలో ప్రస్తుతం బేస్ ‘ఐఫోన్ 15’ సిరీస్, ‘ఐఫోన్ 16’ సిరీస్, కొత్త ‘ఐఫోన్ 16e’ మోడల్స్ ఉన్నాయి. ఇక ‘ఐఫోన్ 17’ లైనప్ ప్రకటించినప్పుడు కంపెనీ స్టాండర్డ్ ‘ఐఫోన్ 15’, ‘ఐఫోన్ 15 ప్లస్’లను వదులుకునే అవకాశం ఉంది.
ఐఫోన్ 16e ధర, ప్రత్యేకతలు:
డిస్ప్లే: 60Hz రిఫ్రెష్ రేట్‌తో ఈ కొత్త మోడల్ 6.1-అంగుళాల OLED స్క్రీన్‌ను కలిగి ఉంది.
కెమెరా సెటప్: ఇది ఆప్టికల్ ఇమేజ్ స్టెబిలైజేషన్ (OIS)తో కూడిన సింగిల్ 48-మెగాపిక్సెల్ వెనుక కెమెరాను కలిగి ఉంది. దీంతోపాటు సెల్ఫీలు, వీడియో కాలింగ్ కోసం ఈ ఫోన్ ముందు భాగంలో 12-మెగాపిక్సెల్ ట్రూడెప్త్ కెమెరా ఉంది.
ప్రాసెసర్: ఈ కొత్త ఫోన్ లో పవర్ ఫుల్ ప్రాసెసర్ అందుబాటులో ఉంది. ఈ ప్రాసెసర్ లో హుడ్ 3nm A18 చిప్‌ను అమర్చారు.
ప్రొటెక్షన్: ఇది డస్ట్ అండ్ వాటర్ రెసిస్టెన్సీ కోసం IP68 రేటింగ్‌ను కలిగి ఉంది.
కనెక్టివిటీ ఫీచర్లు: ఈ హ్యాండ్‌సెట్ ఛార్జింగ్ కోసం USB టైప్-C పోర్ట్‌ను కలిగి ఉంది. ఈ ఫోన్ 18W వైర్ ఛార్జింగ్ తో పాటు 7.5W వైర్‌లెస్ ఛార్జింగ్ ను కూడా సపోర్ట్ చేస్తుంది.
ఆపరేటింగ్ సిస్టమ్: ఈ కొత్త మోడల్.. ‘ఐఫోన్ 16e’ iOS 18తో నడుస్తుంది. వీటన్నింటితో పాటు ఈ ఫోన్ యాపిల్ ఇంటెలిజెన్స్ ఫీచర్‌లకు సపోర్ట్ చేస్తుంది.
ఐఫోన్ 16e ధర:
బేస్ మోడల్ ధర: రూ.59,900 (128GB ఇంటర్నల్ స్టోరేజ్)
సెకండ్ వేరియంట్ ధర: రూ.69,900 (256GB)
మూడో వేరియంట్ ధర: రూ.89,900(512GB)
ఈ మోడల్ ప్రీ-ఆర్డర్స్ ఫిబ్రవరి 21 నుంచి ప్రారంభం కానున్నాయి. ఫిబ్రవరి 28 నుంచి దీని సేల్కి అందుబాటులోకి వస్తుంది.
Share
Anglerfish: సముద్రం అడుగున ఉండే యాంగ్లర్ ఫిష్.. పైకి రావడం దేనికి సంకేతం.. యుగాంతం నిజమేనా?
Hyderabad Metro: హైదరాబాద్ మెట్రో కారిడార్-4, ఆ ప్రాంతాల మీదుగా
