బడ్జెట్ ధరలో బెస్ట్ గేమింగ్ ఫోన్లు ఇవే.. ల్యాగ్ లేకుండా పబ్జీ, ఫ్రీ ఫైర్ ఆడేయొచ్చు!

Budget Gaming Phones: నేటి తరం యువతలో మొబైల్ గేమింగ్ క్రేజ్ మామూలుగా లేదు. ముఖ్యంగా పబ్జీ (BGMI), ఫ్రీ ఫైర్ లాంటి ఆటలకి యూత్ బాగా కనెక్ట్ అయిపోయారు. అయితే, ఈ గేమ్స్ స్మూత్‌గా ఆడాలంటే భారీగా పైసలు పెట్టి ఫ్లాగ్‌షిప్ ఫోన్లు కొనాల్సిన అవసరం లేదు. ఇప్పుడు వస్తున్న బడ్జెట్ ఫోన్లలోనే మంచి ప్రాసెసర్లు, పవర్‌ఫుల్ బ్యాటరీలు ఇస్తున్నారు. తక్కువ బడ్జెట్‌లో ల్యాగ్ లేకుండా గేమింగ్ అనుభవాన్ని ఇచ్చే కొన్ని బెస్ట్ ఫోన్ల వివరాలు ఇప్పుడు చూద్దాం.

iQOO Z9x

బడ్జెట్ ధరలో గేమింగ్ అనగానే చాలామందికి గుర్తొచ్చే బ్రాండ్ ఐకూ. ఈ ఫోన్ తక్కువ ధరలోనే స్నాప్‌డ్రాగన్ 6 జెన్ 1 ప్రాసెసర్‌తో వస్తుంది. దీంతో పబ్జీ, ఫ్రీ ఫైర్ లాంటి హెవీ గేమ్స్ ఆడుతున్నప్పుడు ఫోన్ అస్సలు లాగ్ అవ్వదు. ఇందులో 120Hz రిఫ్రెష్ రేట్ ఉన్న డిస్‌ప్లే ఇవ్వడం వల్ల గేమ్స్ చాలా స్మూత్‌గా రన్ అవుతాయి. దీనికి తోడు 6000mAh బ్యాటరీ ఉండటం వల్ల ఛార్జింగ్ అయిపోతుందనే భయం లేకుండా గంటల తరబడి ఆడుకోవచ్చు.

Also Read: ఫోన్ స్టోరేజ్ ప్రాబ్లమా? ఒక్క ఫోటో కూడా డిలీట్ చేయకుండా స్పేస్ పెంచుకోండిలా!

Moto G64 5G

క్లీన్ సాఫ్ట్‌వేర్ అనుభవంతో పాటు మంచి గేమింగ్ పెర్ఫార్మెన్స్ కావాలనుకునే వారికి మోటో జి64 ఒక మంచి ఆప్షన్. దీనిలో మీడియాటెక్ డైమెన్సిటీ 7025 ప్రాసెసర్‌ని ఉపయోగించారు. బడ్జెట్ రేంజ్‌లో ఈ ప్రాసెసర్ గేమింగ్‌కు బాగా సెట్ అవుతుంది. గేమ్ ఆడుతున్నప్పుడు ఫ్రేమ్ డ్రాప్స్ పెద్దగా కనిపించవు. అలాగే, ఇందులో కూడా 6000mAh బ్యాటరీ ఉండటం గేమర్స్‌కు ఒక పెద్ద ప్లస్ పాయింట్ అని చెప్పాలి.

POCO X6 Neo

పోకో ఫోన్లు ఎప్పుడూ గేమింగ్ ప్రియులను నిరాశపరచవు. ఈ పోకో ఎక్స్6 నియో ఫోన్ మీడియాటెక్ డైమెన్సిటీ 6080 ప్రాసెసర్‌తో వస్తుంది. దీంతో పాటు అమోలెడ్ డిస్‌ప్లే ఉండటం వల్ల గేమింగ్ విజువల్స్ చాలా కలర్‌ఫుల్‌గా, రియలిస్టిక్‌గా కనిపిస్తాయి. ఫోన్ చాలా స్లిమ్‌గా, లైట్‌వెయిట్‌గా ఉండటం వల్ల చేతిలో పట్టుకుని గేమ్స్ ఆడేటప్పుడు మంచి గ్రిప్ దొరుకుతుంది. బడ్జెట్ పరిధిలో ఇదొక స్టైలిష్ గేమింగ్ ఫోన్.

Realme Narzo 70x

తక్కువ బడ్జెట్‌లో ఆల్‌రౌండర్ ఫోన్ కావాలనుకునే వారికి రియల్‌మి నార్జో 70ఎక్స్ చక్కగా సరిపోతుంది. దీనిలో మీడియాటెక్ డైమెన్సిటీ 6100 ప్లస్ ప్రాసెసర్‌ను అందించారు. ఇది ఫ్రీ ఫైర్ లాంటి గేమ్స్‌ను ఎలాంటి ఇబ్బంది లేకుండా రన్ చేస్తుంది. ఇందులో 45W ఫాస్ట్ ఛార్జింగ్ సపోర్ట్ ఉండటం వలన గేమ్స్ ఆడి ఛార్జింగ్ అయిపోయినా చాలా స్పీడ్‌గా ఫోన్‌ను రీఛార్జ్ చేసుకోవచ్చు. మల్టీటాస్కింగ్‌కు కూడా ఈ ఫోన్ బాగా సెట్ అవుతుంది.

Also Read: ఫొటోల్లో వద్దనుకున్నవి సింగిల్ క్లిక్‌తో మాయం.. Google AI Tools ఉచితంగా వాడుకోండిలా!