BSNL Rs 485 Plan: ప్రభుత్వ రంగ టెలికాం సంస్థ బీఎస్ఎన్ఎల్.. తక్కువ ధరలో మెరుగైన ప్లాన్స్ ను అందిస్తూ కస్టమర్లను ఆకట్టుకుంటోంది. ముఖ్యంగా జియో, ఎయిర్ టెల్, వీఐ ప్లాన్లలో లభించే ప్రీమియం బెనిఫిట్స్ ను.. చాలా చౌకగా వినియోగదారులకు ఆఫర్ చేస్తోంది. ఈ క్రమంలోనే బీఎస్ఎన్ఎల్ తీసుకొచ్చిన రూ.485 ప్లాన్.. యూజర్లను విశేషంగా ఆకర్షిస్తోంది. ఈ నేపథ్యంలో ఆ ప్లాన్ ప్రత్యేకతలు, దానికి సంబంధించిన పూర్తి వివరాలు ఇప్పుడు చూద్దాం.
బీఎస్ఎన్ఎల్ ఈ ప్లాన్ ను 72 రోజుల వ్యాలిడిటీతో తీసుకొచ్చింది. తక్కువ ధరలో ఎక్కువ రోజులు వ్యాలిడిటీ కోరుకునేవారికి ఇది పెర్ఫెక్ట్ గా సరిపోతుందని బీఎస్ఎన్ఎల్ చెబుతోంది. ఈ ప్లాన్ కింద ఫ్రీ అపరిమిత కాల్స్ ను అందిస్తోంది. దేశంలోని ఏ నెట్ వర్క్ కు అయినా కాల్స్ చేసి మాట్లాడుకునే వెసులుబాటు కల్పిస్తోంది. దీంతోపాటు రోజుకు 100 ఎస్ఎంఎస్ లు యూజర్లకు లభిస్తాయి.
రూ.485 ప్లాన్ కింద భారీ డేటానే బీఎస్ఎన్ఎల్ అందిస్తోంది. ప్రతీరోజు 2GB హై-స్పీడ్ డేటాను యూజర్లు వినియోగించుకోవచ్చు. ప్లాన్ గడువు ముగిసే సమయానికి మెుత్తం 144 GB డేటా యూజర్లు వినియోగించుకోవచ్చు. ఒకవేళ రోజూవారి డేటా అయిపోయినా.. 40Kbps వేగంతో అపరిమితంగా ఇంటర్నెట్ ను వాడుకోవచ్చని బీఎస్ఎన్ఎల్ వర్గాలు చెబుతున్నాయి.
Also Read: వానాకాలం స్పెషల్.. ఈ సెట్టింగ్స్ మార్చకపోతే.. ఎయిర్ ప్యూరిఫైయర్ ఉన్నా దండగే!
తక్కువ ఖర్చుతో ఎక్కువ రోజులు వ్యాలిడిటీ,
రోజూ తగినంత డేటా కావాలనుకునే వారికి ఈ బీఎస్ఎన్ఎల్ ప్లాన్ పర్ఫెక్ట్ గా సరిపోతుంది. విద్యార్థులు, ఉద్యోగులు, సెకండరీ సిమ్ వాడుతున్న వారికి ఈ ప్లాన్ ఎంతో ప్రయోజనకరంగా ఉండనుంది. ఇతర ప్రైవేట్ టెలికాం సంస్థలు ఇదే తరహా డేటా, వ్యాలిడిటీ కోసం దాదాపు రూ. 700 వరకు వసూలు చేస్తుండగా.. బీఎస్ఎన్ఎల్ కేవలం రూ. 485కే అందించడం గమనార్హం.
Also Read: జియో యూజర్లకు పండగే.. ఒక్క రీఛార్జ్‌తో నెట్‌ఫ్లిక్స్ ఉచితం.. టీవీలో కూడా చూడొచ్చు!
Share
బన్నీ మూవీలో హీరోయిన్ ఉండదా? మార్క్ చూపించబోతున్న లోకేష్!
వారాణసి వీధుల్లో ఒకే ఒక్కరోజులో జరిగే కథ... మనసును హత్తుకునే ఫీల్ గుడ్ డ్రామా
