ప్రపంచంలోనే ఫాస్టెస్ట్ రోబోట్.. ఉసేన్ బోల్ట్ రికార్డు బద్దలు.. వీడియో వైరల్

Humanoid Robot: టెక్నాలజీ ప్రపంచంలో సరికొత్త సంచలనం నమోదైంది. అత్యంత ఫాస్టెస్ట్ మ్యాన్ గా పేరుగాంచిన జమైకా స్ప్రింటర్ ఉసేన్ బోల్ట్ నెలకొల్పిన చారిత్రాత్మక రికార్డును ఓ రోబోట్ బద్దలు కొట్టింది. చైనాకు చెందిన ఒక ప్రముఖ రోబోటిక్స్ సంస్థ తయారు చేసిన హ్యూమనోయిడ్ రోబోట్.. పరుగులో బోల్ట్ రికార్డును చేరిపేసిన దృశ్యాలు సోషల్ మీడియాను షేక్ చేస్తున్నాయి. ఇది చూసి నెటిజన్లు ఆశ్చర్యం వ్యక్తం చేస్తున్నారు.

రోబోట్ రయ్ రయ్..

చైనాకు చెందిన రోబోటిక్ కంపెనీ యూనిట్రీ ‘సూపర్ హ్యూమన్’ పేరుతో సరికొత్త హ్యుమనాయిడ్ రోబోట్ ను ఆవిష్కరించింది. ఇది సెకనుకు 12.66 మీటర్ల గరిష్ట వేగంతో పరిగెత్తగలదని కంపెనీ తెలియజేసింది. ఈ రోబోట్ ను కేవలం 3 నెలల్లోనే అభివృద్ధి చేసినట్లు తెలిపింది. అంతేకాకుండా ట్రాక్ పై ఇది అత్యంత వేగంగా పరిగెడుతున్న దృశ్యాలను సైతం సదరు రోబోటిక్ కంపెనీ సోషల్ మీడియాలో షేర్ చేసింది. దీంతో ఈ వీడియో క్షణాల్లో వైరల్‌గా మారింది.

Unitree New Robot Preview: “Superman” Breaking the Limits of Humanity🥳
Standing high jump 2 m, top speed 12.66 m/s (0.85 m leg length)
Surpassing the standing high jump and running speed records of all humans around the world
This new machine has only been in development for a… pic.twitter.com/12i80ITU6p

— Unitree (@UnitreeRobotics) August 17, 2026

ఉసేన్ బోల్ట్ రికార్డుతో పోలిక

2009 బెర్లిన్ వరల్డ్ ఛాంపియన్‌షిప్‌లో ఉసేన్ బోల్ట్ 100 మీటర్ల రేసును కేవలం 9.58 సెకన్లలో పూర్తి చేసి ప్రపంచ రికార్డు సృష్టించారు. అప్పుడు బోల్డ్ సెకనకు 12.42 మీటర్ల వేగంతో పరిగెత్తడం గమనార్హం. ఇప్పుడు చైనా రోబోట్ ట్రాక్‌పై సెకనుకు 12.66 మీటర్ల వేగం (గంటకు 45.6 కి.మీ స్పీడ్)తో దూసుకెళ్లింది. ఈ లెక్కన చూస్తే ఇదే వేగంతో 100 మీ. బోల్ట్ రికార్డును ఇది ఈజీగానే బద్దలు గొడుతుందని నెటిజన్లు చర్చించుకుంటున్నారు. అంతేకాకుండా ఈ సూపర్ హ్యూమన్ రోబోట్ ఒకేచోట నిలబడి ఏకంగా 2 మీటర్ల ఎత్తువరకూ జంప్ చేసి ఆశ్చర్యపరిచింది. దీన్ని బట్టి మానవులకు సాధ్యంకానీ పనులను చేసే దిశగా రోబోటిక్స్ టెక్నాలజీ ఎదుగుతుందోని అర్థం చేసుకోవచ్చు.

Chinese humanoid robot named “Superman”, made by Unitree Robotics, surpassed Usain Bolt’s world record (12.42 meters/second) by running at 12.66 m/s (roughly 28.3 miles/h) pic.twitter.com/xobXzUPDI5

— Massimo (@Rainmaker1973) August 18, 2026

Also Read: అమ్మాయి కోసం రచ్చరచ్చ… అసలు టార్గెట్ తెలిస్తే మైండ్ బ్లాక్… ఓటీటీలోకి మహేష్ బాబు అన్న కొడుకు సినిమా

నెటిజన్ల ఫన్నీ రియాక్షన్..

రోబోట్ పరుగు వీడియోను చూసి నెటిజన్లు రకరకాలుగా స్పందిస్తున్నారు. భవిష్యత్తులో ఒలింపిక్స్ లేదా అథ్లెటిక్స్ విభాగంలో రోబోట్లకు ప్రత్యేక పోటీలు పెట్టాలేమో అని కొందరు కామెంట్ చేస్తున్నారు. ఆర్టిఫిషియల్ ఇంటెలిజెన్స్ (AI), రోబోట్ల అభివృద్ధి చూస్తుంటే భయం వేస్తోందని మరికొందరు అభిప్రాయపడ్డారు. సైన్స్ ఫిక్షన్ సినిమాల్లో చూసే సీన్స్.. ఇప్పుడు కళ్లముందు నిజమవుతున్నాయని ఇంకొందరు పోస్టులు పెడుతున్నారు. మెుత్తం మీద ఈ సూపర్ హ్యూమన్ రోబో.. తన వేగంతో యావత్ ప్రపంచం దృష్టిని ఆకర్షించిందని చెప్పవచ్చు.

Also Read: అమరావతి – బెంగళూరు – చెన్నై బుల్లెట్ రైలు కారిడార్.. అమిత్ షాకు సీఎం చంద్రబాబు బిగ్ ప్రపోజల్!