CMF Clip Pro open ear earbuds: ఆడియో మార్కెట్లో నథింగ్ సబ్బ్రాండ్ CMF సరి కొత్త ప్రయోగాలతో ట్రెండ్ సెట్ చేస్తోంది. అయితే తాజాగా ఆ సంస్థ నుంచి ‘CMF Clip Pro’ పేరుతో ఓపెన్-ఇయర్ ఇయర్ బడ్స్ మార్కెట్లోకి గ్రాండ్గా ఎంట్రీ ఇచ్చాయి. సరి కొత్త క్లిప్-ఆన్ డిజైన్, కస్టమైజ్డ్ ఆడియో సెట్టింగ్స్, బెస్ట్ ఆడియో క్వాలిటీ కోసం LDAC సపోర్ట్తో ఇవి రూపొందాయి. ఏకంగా 32.5 గంటల బ్యాటరీ లైఫ్ను అందించే ఈ బడ్స్ ధర, ఫీచర్లు , టాప్ స్పెసిఫికేషన్స్ వివరాలను ఇప్పుడు చూద్దాం.
ఈ రోజుల్లో రెగ్యులర్ ఇన్-ఇయర్ బడ్స్ కంటే చెవికి హాయిగా ఉండే ‘ఓపెన్-ఇయర్’ డిజైన్ బడ్స్కు డిమాండ్ పెరుగుతోంది. చెవి లోపలికి పెట్టాల్సిన అవసరం లేకుండా.. చెవి పైన క్లిప్లా తగిలించుకునేలా వీటిని డిజైన్ చేశారు.
వీటి స్పెషల్ అట్రాక్షన్ వాటి ఫ్యాషనబుల్ డిజైన్. ఇవి చెవికి రింగ్ లాగా తొడుక్కోవడానికి వీలుగా ఫ్లెక్సిబుల్ క్లిప్తో వస్తాయి. వర్కవుట్స్ చేసేటప్పుడు.. రన్నింగ్ లేదా సైక్లింగ్ చేసేటప్పుడు చెవి నుంచి ఊడిపోవు. అంతే కాకుండా చెవి రంధ్రాలను పూర్తిగా మూసివేయవు కాబట్టి.. ఆఫీసుల్లో పని చేసేటప్పుడు లేదా రోడ్డుపై వెళ్తున్నప్పుడు చుట్టుపక్కల శబ్దాలు కూడా స్పష్టంగా వినిపిస్తాయి.
సాధారణంగా ఓపెన్-ఇయర్ బడ్స్లో బేస్ కాస్త తక్కువగా ఉంటుంది. కానీ CMF ఇందులో కస్టమ్ డ్రైవర్లను ఉపయోగించింది.
కోడెక్ సపోర్ట్: బ్లూటూత్ ద్వారా అత్యధిక క్వాలిటీ ఉన్న హై-రెజల్యూషన్ ఆడియోను ఎంజాయ్ చేయడానికి ఇందులో LDAC సపోర్ట్ అందించారు.
కస్టమ్ EQ: నథింగ్ ఎక్స్ యాప్ ద్వారా మీ ఇష్టానికి తగ్గట్టు ఆడియో ఈక్వలైజర్ను అడ్జస్ట్ చేసుకోవచ్చు.
డ్యూయల్ మైక్ క్లియర్ కాల్స్: ప్రతీ ఇయర్బడ్లోనూ రెండు నాయిస్ క్యాన్సిలేషన్ మైక్రోఫోన్లు ఉంటాయి. ఇవి కాల్స్ మాట్లాడేటప్పుడు గాలి సౌండ్ తగ్గించి మీ వాయిస్ను క్లియర్గా అందిస్తాయి.
మ్యూజిక్ లవర్స్ ఎక్కువగా కోరుకునేది మంచి బ్యాటరీ బ్యాకప్. ఈ మోడల్ ఆ విషయంలో ఏమాత్రం నిరాశపరచదు.
ఛార్జింగ్ కేస్తో కలిపి ఇది ఏకంగా 32.5 గంటల వరకు ప్లేబ్యాక్ టైమ్ను ఇస్తుంది. అంతే కాకుండా కవలం ఒక్క సారి ఛార్జ్ చేస్తే 6 నుంచి 7 గంటల పాటు పనిచేస్తాయి. ఇదిలా ఉంటే.. టైప్-సి పోర్ట్ ద్వారా కేవలం 10 నిమిషాలు ఛార్జ్ చేస్తే దాదాపు 3 గంటల ప్లేబ్యాక్ టైమ్ లభిస్తుంది.
Also Read: రూ.615 ధరకే..పోర్టబుల్ టీవీ సౌండ్బార్! ఇల్లు దద్దరిల్లిపోవాల్సిందే
డ్యూయల్ డివైస్ కనెక్షన్: ఒకేసారి ల్యాప్టాప్, స్మార్ట్ఫోన్కు కనెక్ట్ అయ్యే ‘మల్టీపాయింట్ కనెక్షన్’సపోర్ట్ ఉంది.
IPX4 వాటర్ రెసిస్టెన్స్: చెమట, చిన్నపాటి నీటి తుంపరల నుంచి పాడవకుండా వాటర్ రెసిస్టెన్సి ఇచ్చారు.
టచ్ కంట్రోల్స్: పాటలు మార్చడానికి, కాల్స్ లిఫ్ట్ చేయడానికి అడ్వాన్స్డ్ టచ్ సెన్సార్లు ఉన్నాయి.
బడ్జెట్ ధరలోనే ప్రీమియం డిజైన్, LDAC సపోర్ట్ను CMF అందిస్తోంది. స్టైలిష్ లుక్, రోజంతా చెవికి నెప్పి లేని కంఫర్ట్, మైండ్ బ్లోయింగ్ బ్యాటరీ లైఫ్ కావాలో.. వారికి ఈ మోడల్ ఒక బెస్ట్ ఆప్షన్ అని చెప్పొచ్చు!
Share
గర్భిణీ నరబలి... చేతబడి... వరుస మరణాలు... వరలక్ష్మి శరత్కుమార్ సస్పెన్స్ థ్రిల్లర్
కొనుగోలుదారులకు టీవీఎస్ షాక్.. ఐక్యూబ్ సహా పలు స్కూటర్ల ధరలు భారీగా పెంపు!
