5G network: ఈ రోజుల్లో స్మార్ట్ ఫోన్లో 5G ఇంటర్నెట్ వాడుతుంటే స్పీడే మామూలుగా ఉండదు! పెద్ద పెద్ద ఫైళ్లు సెకన్లలో డౌన్లోడ్ అయిపోతాయి, వీడియోలు అసలు బఫరింగ్ లేకుండా ప్లే అవుతాయి. అయితే.. ఈ సూపర్ ఫాస్ట్ స్పీడ్ వెనక ఒక పెద్ద సమస్య దాగి ఉంది. చాలా మంది యూజర్లు కంఫ్లైంట్ చేసే ప్రధాన అంశం.. “బ్యాటరీ త్వరగా అయిపోతోంది!” అని. మరి నిజంగానే.. 5G ఆన్ చేయడం వల్ల బ్యాటరీ ఎక్కువగా ఖర్చవుతుందా? దీని వెనకున్న సైన్స్ ఏంటి? ఇప్పుడు తెలుసుకుందాం!
మీ ఫోన్లో 5G ఆన్ చేసి ఉంచడం వల్ల 4G తో పోలిస్తే బ్యాటరీ వేగంగా డ్రెయిన్ అవుతుందనేది పచ్చి నిజం. చాలా మంది ఇది ఫోన్ సమస్య అనుకుంటారు. కానీ అసలు కారణం నెట్వర్క్ సాంకేతికత, మీ పరిసరాల్లో ఉండే సిగ్నల్ స్ట్రెంగ్త్.
ప్రస్తుతం చాలా టెలికాం కంపెనీలు ‘Non-Standalone (NSA)’ 5G నెట్వర్క్ను ఉపయోగిస్తున్నాయి. అంటే.. 5G డేటా స్పీడ్ కోసం 5G బ్యాండ్ను వాడుతూనే, కాల్స్ , సిగ్నల్ కనెక్టివిటీ కోసం బ్యాక్గ్రౌండ్లో 4G నెట్వర్క్ను కూడా ఆన్లో ఉంచుతాయి. ఒకేసారి ఫోన్ మోడెమ్ రెండు నెట్వర్క్లతో కనెక్ట్ అయి ఉండటం వల్ల ప్రాసెసర్పై భారం పడి బ్యాటరీ విపరీతంగా ఖర్చవుతుంది.
మన దేశంలో 5G టవర్ల కవరేజ్ ఇంకా అన్ని ప్రాంతాల్లో సమానంగా లేదు. మీరు ప్రయాణిస్తున్నప్పుడు లేదా ఇండోర్లో ఉన్నప్పుడు 5G సిగ్నల్ బలహీనపడగానే.. ఫోన్ పదే పదే 5G నుంచి 4G కి, మళ్లీ 4G నుంచి 5G కి మారుతూ ఉంటుంది. ఇలా తరచూ జరిగే ‘సిగ్నల్ సెర్చింగ్’ వల్ల ప్రాసెసర్ ఎక్కువ శక్తిని వినియోగించుకుంటుంది. దీని వల్ల ఫోన్ వేడెక్కడమే కాకుండా బ్యాటరీ లైఫ్ తగ్గిపోతుంది.
3. మల్టీ-యాంటెన్నా :
5G స్పీడ్ సాధించడానికి ఫోన్లోని ‘MIMO’అడ్వాన్స్డ్ యాంటెన్నాలు పని చేస్తాయి. ఇవి ఒకేసారి ఎక్కువ డేటాను ప్రాసెస్ చేయడానికి కరెంట్ ఎక్కువగా గ్రహిస్తాయి. ఫలితంగా ఛార్జింగ్ త్వరగా దిగిపోతుంది.
Also Read: రూ.615 ధరకే..పోర్టబుల్ టీవీ సౌండ్బార్! ఇల్లు దద్దరిల్లిపోవాల్సిందే
బ్యాటరీ డ్రెయిన్ తగ్గించుకోవడానికి సింపుల్ ట్రిక్స్:
1.ఆటో/స్మార్ట్ 5G ఆన్ చేయండి: మీ ఫోన్ సెట్టింగ్స్లో ‘Auto 5G’ లేదా ‘Smart 5G’ ఆప్షన్ ఉంటే దాన్ని ఎనేబుల్ చేయండి. ఇది మీరు ఫోన్ వాడుతున్నప్పుడు మాత్రమే 5G ని, మిగతా సమయంలో ఆటోమేటిక్గా 4G ని ఎంచుకుని బ్యాటరీని సేవ్ చేస్తుంది.
2. 4G కి మారండి: మీరు ప్రయాణంలో ఉన్నప్పుడు లేదా సిగ్నల్ సరిగ్గా లేని ప్రదేశాల్లో ఉన్నప్పుడు Network Settings లో ‘Preferred Network Type’ ను 4G/LTE కి మార్చడం మంచిది.
3. వైఫై వాడండి: ఇంటి వద్ద లేదా ఆఫీసులో ఉన్నప్పుడు మొబైల్ డేటాని ఆపివేసి వైఫై వాడటం వల్ల బ్యాటరీ చాలా సేపు వస్తుంది.
4.5G అందించే స్పీడ్ ఎంత బాగుందో, అది వాడే బ్యాటరీ పవర్ కూడా అంతే ఎక్కువ. కాబట్టి అవసరాన్ని బట్టి 5G సెట్టింగ్స్ మార్చుకుంటూ.. ఫోన్ వాడితే బ్యాటరీ లైఫ్ను ఈజీగా కాపాడుకోవచ్చు!
Share
చిన్న విషయాలకే వణికిపోయే స్టార్ హీరోయిన్లు వీళ్లే!
మోదీ వీడియో డిలీట్ వివాదం.. దెబ్బకు దిగొచ్చిన మెటా.. కేంద్రానికి జుకర్బర్గ్ సారీ!
