Flipkart Big Billion Days 2026: ఆన్లైన్లో కొత్త స్మార్ట్ఫోన్, ల్యాప్టాప్ లేదా టీవీ కొనాలని ప్లాన్ చేస్తున్నారా? అయితే మీకు ఇది గుడ్ న్యూస్ లాంటిదే. ఫ్లిప్కార్ట్ మరోసారి తమ బిగ్ బిలియన్ డేస్ సేల్తో భారీ డీల్స్కు తెరతీయనుంది. ఈసారి కూడా షాపింగ్ ప్రియులను ఆకట్టుకునేలా ఎన్నో ప్రత్యేక ఆఫర్లు అందుబాటులోకి రానున్నాయి. అంతేకాదు.. ప్రధాన సేల్ ప్రారంభానికి ముందే సెప్టెంబర్ 24 నుంచి ఎర్లీ బర్డ్ డీల్స్ పేరుతో కొన్ని ఆఫర్లను అందించనుంది.
ఐఫోన్ 17తో పాటు పలు కొత్త స్మార్ట్ఫోన్లు, ల్యాప్టాప్లు, టీవీలపై ఆకర్షణీయమైన డిస్కౌంట్లు లభించనున్నాయి. ముందుగానే నచ్చిన ప్రొడక్ట్స్ను విష్లిస్ట్లో యాడ్ చేసుకునే అవకాశం కూడా ఉండటంతో.. సేల్ మొదలైన వెంటనే కావాల్సిన డీల్ను సులభంగా సొంతం చేసుకోవచ్చు.
ఈసారి సేల్లో టెక్ ప్రియులను విపరీతంగా ఆకట్టుకుంటున్న ప్రధాన అంశం ఐఫోన్ 17. దీనితో పాటు శాంసంగ్ గెలాక్సీ ఎస్25, వివో టీ5ఎక్స్ 5జీ, రియల్మీ పీ4 సిరీస్, మోటరోలా సిగ్నేచర్, మోటో జీ06 పవర్, లావా విరాట్ వి1 5జీ వంటి కొత్త ఫోన్లు కూడా ఈ లిస్ట్లో ఉన్నాయి. మీరు కూడా కొత్త ఫోన్ తీసుకోవాలని చూస్తుంటే.. సెప్టెంబర్ 24 నుంచి వచ్చే డీల్స్ను ఒకసారి చెక్ చేయడం మంచిది.
Also Read: విండోస్కు చెక్ పెట్టేలా గూగుల్ నుంచి కొత్త ల్యాప్టాప్.. ఫీచర్లు చూస్తే కొనకుండా వదిలిపెట్టరు!
కేవలం స్మార్ట్ఫోన్లే కాకుండా పెద్ద ఎలక్ట్రానిక్స్ ఐటమ్స్పై కూడా మంచి తగ్గింపులు ఉండబోతున్నాయి. ముఖ్యంగా ఇంటెల్ కోర్ ఐ5 ప్రాసెసర్తో వచ్చే శాంసంగ్ బుక్4 లాప్టాప్ ఈ సేల్లో హైలైట్గా నిలుస్తోంది. ఇక ఇంట్లోనే థియేటర్ అనుభూతిని పొందాలనుకునే వారి కోసం 65 అంగుళాల 4K టెలివిజన్ కేవలం రూ.39,999 ప్రారంభ ధరతో అందుబాటులో ఉంటుందని తెలిపారు. అలాగే, జెబ్రౌన్ లేదా బోల్ట్ వంటి బ్రాండ్ల స్మార్ట్వాచ్లు రూ.1,799 ప్రారంభ ధరతో లభించే అవకాశం ఉంది.
ఏ సేల్లోనైనా మనకు అదనంగా ఆదా అయ్యేది బ్యాంక్ ఆఫర్ల ద్వారానే. ఈసారి యాక్సిస్ బ్యాంక్, ఐసీఐసీఐ బ్యాంక్ క్రెడిట్ లేదా డెబిట్ కార్డులను వాడేవారికి సుమారు 10 శాతం వరకు ఇన్స్టెంట్ డిస్కౌంట్ లభిస్తుంది. అంతేకాకుండా.. ఫ్లిప్కార్ట్ యాక్సిస్ బ్యాంక్ క్రెడిట్ కార్డు ఉన్నవారికైతే అదనపు ప్రయోజనాలతో పాటు వెల్కమ్ వోచర్ కూడా వస్తుంది. కొత్తగా సూపర్ మనీ యాప్ వాడేవారికి మొదటి ట్రాన్సాక్షన్పై 10 శాతం క్యాష్బ్యాక్ కూడా ఇస్తున్నారు.
పెద్ద మొత్తంలో కొనుగోళ్లు చేసేవారి కోసం ఫ్లిప్కార్ట్ కొన్ని ప్రత్యేక ఆప్షన్లను తెచ్చింది. ఎలాంటి వడ్డీ లేకుండా మూడు వాయిదాలలో డబ్బులు చెల్లించే ‘సూపర్ పే ఇన్ 3’ ఆప్షన్ అందుబాటులో ఉంది. అలాగే రూ.1 లక్ష వరకు క్రెడిట్ లిమిట్ ఇచ్చే ‘పే లేటర్’ సదుపాయంతో పాటు నో కాస్ట్ ఈఎంఐ ఆప్షన్లను కూడా వాడవచ్చు. సెప్టెంబర్ 24న ఈ డీల్స్ అన్నీ పూర్తిగా లైవ్లోకి రాగానే మనకు నచ్చిన ప్రొడక్ట్స్ను తక్కువ ధరకే సొంతం చేసుకోవచ్చు. కాబట్టి ఇప్పుడే మీకు కావాల్సిన వస్తువులను విష్లిస్ట్లో రెడీగా ఉంచుకోండి.
Share
బ్లడ్ అమ్ముకుని సంపాదించాల్సిన ఖర్మ నాకేంటి? చిరు షాకింగ్ కామెంట్స్!
కానిస్టేబుళ్లకు బంపర్ ఆఫర్.. స్టైపెండ్ రూ.12,500కు పెంపు: హోంమంత్రి అనిత
