Flipkart Scams: ఫ్లిప్‌కార్ట్‌ పేరుతో నకిలీ వెబ్‌సైట్లు.. వాట్సాప్‌లో లక్కీ విన్నర్‌ మెసేజ్‌లు.. ఐఫోన్‌ కేవలం 999 రూపాయలకే అంటూ ఆకర్షణీయమైన ఆఫర్లు.. లింక్‌ ఓపెన్‌ చేసి డబ్బులు కట్టగానే అసలు కథ మొదలవుతుంది. డెలివరీ ఛార్జీలు.. జీఎస్టీ.. ఇతర ఫీజులంటూ విడతల వారీగా డబ్బులు గుంజుతారు. చివరికి ప్రొడక్ట్‌ రాదు.. కట్టిన డబ్బూ తిరిగి రాదు.
గూగుల్‌లో నకిలీ కస్టమర్‌ కేర్‌ నంబర్లు
ఇంకొందరు గూగుల్‌లో నకిలీ కస్టమర్‌ కేర్‌ నంబర్లు పెడుతున్నారు. రీఫండ్‌ ఇప్పిస్తామంటూ AnyDesk, TeamViewer వంటి యాప్‌లు ఇన్‌స్టాల్‌ చేయమంటున్నారు. వాటి ద్వారా ఫోన్‌ను యాక్సెస్‌ చేసే అవకాశం దొరికితే మీ బ్యాంకింగ్‌ వివరాలకూ ముప్పు తప్పదు. అందుకే అపరిచితులు చెప్పిన యాప్‌లు ఇన్‌స్టాల్‌ చేయొద్దు.. OTP, UPI PIN ఎవరితోనూ పంచుకోవద్దు.
డిస్కౌంట్ చూసి ఆశపడొద్దు.. లింక్‌ చూసి మోసపోవద్దు
గుర్తుంచుకోండి.. ఆఫర్లు అధికారిక యాప్‌లోనే చెక్‌ చేయండి. కస్టమర్‌ కేర్‌ వివరాల కోసం సంబంధిత సంస్థ అధికారిక యాప్‌ లేదా వెబ్‌సైట్‌నే ఉపయోగించండి. మోసానికి గురైతే వెంటనే 1930 సైబర్ క్రైమ్‌ హెల్ప్‌లైన్‌కు కాల్‌ చేయండి. ఆలస్యం చేస్తే డబ్బు వెనక్కి రావడం మరింత కష్టమవుతుంది. డిస్కౌంట్ చూసి ఆశపడొద్దు.. లింక్‌ చూసి మోసపోవద్దు. ఆన్‌లైన్‌లో అప్రమత్తతే మీ డబ్బుకు రక్షణ.
Also Read: మన డేటా అమెరికా చేతుల్లోకి వెళ్తుందా? స్టార్‌లింక్ ఎంట్రీపై నిపుణుల సంచలన హెచ్చరిక!
Share
సోల్ మేట్ దొరికేశాడు..పెళ్లి పీటలెక్కబోతున్న రోహిణి!
‘రణబాలి’లో అంత మ్యాటర్ ఉందా.. విజయ్ దేవరకొండ ఏమన్నాడంటే!
