Google Pixel 10a Price Drop: గూగుల్ పిక్సెల్ ఫోన్లకు యువతలో ఉన్న క్రేజ్ గురించి ప్రత్యేకంగా చెప్పాల్సిన పనిలేదు. ముఖ్యంగా కెమెరా క్వాలిటీ, క్లీన్ ఆండ్రాయిడ్ ఎక్స్‌పీరియన్స్, గూగుల్ అందించే ఫీచర్ల కోసం చాలామంది ఈ ఫోన్లను ఇష్టపడుతుంటారు. అయితే పిక్సెల్ ఫోన్లకు డిమాండ్ ఉన్నప్పటికీ.. వాటి ధరలు కాస్త ఎక్కువగా ఉండటంతో కొనాలని ఆసక్తి ఉన్నవారు కూడా వెనకడుగు వేస్తుంటారు. అలాంటి వారికి ఇప్పుడు గూగుల్ ఒక మంచి ఆఫర్ అందుబాటులోకి తెచ్చింది. గూగుల్ పిక్సెల్ 10a ధర ఏకంగా రూ.13,500 తగ్గింది. లాంచ్ సమయంలో రూ.53,500గా ఉన్న ఈ ఫోన్ ఇప్పుడు సుమారు రూ.40,000కే అందుబాటులోకి వచ్చింది.
ప్రముఖ ఆన్‌లైన్ ప్లాట్‌ఫామ్ Woot ఈ డిస్కౌంట్‌ను అందిస్తోంది. మంచి కెమెరా, మెరుగైన పనితీరు, ఏడేళ్ల సాఫ్ట్‌వేర్ అప్‌డేట్స్ వంటి ఫీచర్లు కోరుకునే వారికి ఇది మంచి అవకాశం. అయితే ఈ ఆఫర్‌లో ఒక చిన్న ట్విస్ట్ ఉంది. సాధారణ కంపెనీ వారంటీకి బదులుగా కేవలం 90 రోజుల వారంటీ మాత్రమే లభిస్తుంది. కాబట్టి.. తక్కువ ధరకు పిక్సెల్ ఫోన్ సొంతం చేసుకోవాలనుకునేవారు కొనుగోలు చేసే ముందు ఈ విషయాన్ని కూడా గుర్తుంచుకోవాలి.
Google Pixel 10a ఫోన్‌లో 6.3 అంగుళాల అమోల్డ్ డిస్‌ప్లే ఉంది. గూగుల్ టెన్సర్ G64 చిప్‌సెట్‌తో పనిచేస్తుంది. ఇందులో 8GB ర్యామ్, 128GB స్టోరేజ్ ఇచ్చారు. రోజువారీ యాప్స్ వాడటం, వీడియోలు చూడటం, సోషల్ మీడియా ఉపయోగించడం వంటి పనులకు ఈ ఫోన్ మంచి అనుభవాన్ని అందించనుంది. అయితే భారీ గేమ్స్ ఆడేవారు తమ అవసరాలకు తగినట్లుగా పనితీరును పరిశీలించడం మంచిది.
Also Read: నెట్‌ఫ్లిక్స్‌లో ఈ ఒక్క సెట్టింగ్ తెలిస్తే.. మీ అకౌంట్‌ను సేఫ్‌గా ఉంచుకోవచ్చు!
ఫోటోగ్రఫీ కోసం వెనుకవైపు 48MP ప్రధాన కెమెరా, 13MP అల్ట్రావైడ్ కెమెరా ఉన్నాయి. ఫొటోల్లో సహజమైన రంగులు, గూగుల్ కెమెరా ఫీచర్లు కోరుకునే వారికి ఇవి ఉపయోగపడతాయి. ఈ ఫోన్‌ను ఒక్కసారి ఫుల్ ఛార్జ్ చేస్తే రోజంతా వస్తుందని కంపెనీ చెబుతోంది. 30W ఫాస్ట్ ఛార్జింగ్ సపోర్ట్‌తో 30 నిమిషాల్లో సున్నా నుంచి 50 శాతం వరకు ఛార్జ్ చేయవచ్చని సమాచారం.
Google Pixel 10a ఫోన్ ఆండ్రాయిడ్ 16తో వస్తుంది. ఏడు సంవత్సరాల పాటు ఆండ్రాయిడ్, సెక్యూరిటీ అప్‌డేట్స్ అందనున్నాయి. అంటే 2033 వరకు సాఫ్ట్‌వేర్ సపోర్ట్ ఉంటుంది. తక్కువ ధరలో మంచి కెమెరా, ఎక్కువ కాలం అప్‌డేట్స్ కావాలనుకునే వారికి ఇది మంచి ఎంపిక కావచ్చు. అయితే 90 రోజుల వారంటీని కూడా దృష్టిలో పెట్టుకుని నిర్ణయం తీసుకోవాలి. కొనుగోలు చేసే ముందు రిటర్న్ పాలసీ, ఫోన్ అనుకూలత, పూర్తి ధర వివరాలు కూడా తప్పకుండా చెక్ చేయండి.
Also Read: మీ ఐఫోన్‌లో కూడా Decline బటన్ కనిపించడం లేదా? అసలు కారణం ఇదే!
Share
చేతిలో స్మార్ట్ఫోన్, కాస్త స్కిల్ ఉంటే చాలు.. నెలకు రూ.లక్షలు సంపాదించే 6 వ్యాపారాలు!
సింగిల్ ఛార్జ్ తో 600 కి.మీ ప్రయాణం.. ఇండియాలో టాప్ 5 లాంగ్ రేంజ్ ఈవీ కార్లు ఇవే!
