Netflix Account Security: మీ నెట్‌ఫ్లిక్స్ అకౌంట్‌లో ఏయే డివైజ్‌లు లాగిన్ అయ్యాయో ఎప్పుడైనా చెక్ చేశారా? మీకు తెలియకుండానే వేరే వ్యక్తి మీ అకౌంట్‌ను ఉపయోగిస్తుంటే? మీ వాచ్ హిస్టరీలో కనిపించే కొత్త సినిమాలు, మారిన వెబ్‌సిరీస్ ఎపిసోడ్‌లు, పదే పదే వచ్చే స్క్రీన్ లిమిట్ మెసేజ్‌లు ఇలాంటి అనుమానాలకు తావిస్తాయి. ముఖ్యంగా మీ నెట్‌ఫ్లిక్స్ పాస్‌వర్డ్ ఇతరులకు తెలిసినా లేదా పాత లాగిన్ వివరాలు వారి దగ్గర ఉన్నా అకౌంట్‌ను వేరే వాళ్లు ఉపయోగించే అవకాశం ఉంది. అయితే దీన్ని గుర్తించడానికి నెట్‌ఫ్లిక్స్‌లో ప్రత్యేక ఆప్షన్ ఉంది. దాని ద్వారా ఇటీవల లాగిన్ అయిన డివైజ్‌లను చెక్ చేసి, అనుమానం ఉన్న వాటిని వెంటనే తొలగించవచ్చు. ఎలాగో చూద్దాం.
మీరు చూడని సినిమాలు, సిరీస్‌లు వాచ్ హిస్టరీలో కనిపిస్తున్నాయా? మీకు నచ్చిన కంటెంట్‌కు బదులుగా కొత్త రకాల షోలు సిఫార్సు అవుతున్నాయా? ఇవన్నీ మరొకరు మీ ప్రొఫైల్ ఉపయోగిస్తున్నారనే సూచనలు కావచ్చు. ఇంట్లో ఎవరూ నెట్‌ఫ్లిక్స్ చూడకపోయినా.. స్క్రీన్ లిమిట్ మెసేజ్ వస్తే కూడా గమనించాలి. అయితే ఈ ఒక్క లక్షణాన్ని చూసి నిర్ణయం తీసుకోకండి.
నెట్‌ఫ్లిక్స్ యాప్‌లో మీ ప్రొఫైల్ తెరిచి My Netflix నుంచి అకౌంట్ సెట్టింగ్స్‌కు వెళ్లండి. అక్కడ Access and Devices అనే ఆప్షన్‌ను ఎంచుకోండి. ఇటీవల మీ అకౌంట్‌ను ఉపయోగించిన ఫోన్‌లు, టీవీలు, టాబ్లెట్‌లు, కంప్యూటర్ల వివరాలు కనిపిస్తాయి. వాటిని మీరు వాడే డివైజ్‌లతో పోల్చండి. లిస్ట్‌లో కనిపించే చివరి యాక్టివిటీ సమయం, లొకేషన్ వివరాలు గమనించండి. మీకు తెలిసిన డివైజ్‌దేనా కాదా అనేది అప్పుడు సులభంగా అర్థమవుతుంది. గుర్తు తెలియని డివైజ్ కనిపిస్తే దాని పక్కన ఉన్న Sign Out ఆప్షన్‌ను ఎంచుకోండి.
Also Read: మీ ఐఫోన్‌లో కూడా Decline బటన్ కనిపించడం లేదా? అసలు కారణం ఇదే!
తెలియని డివైజ్‌ను లాగ్‌అవుట్ చేసినా.. మీ పాస్‌వర్డ్ ఇతరుల దగ్గర ఉంటే వారు మళ్లీ లాగిన్ కావచ్చు. అందుకే కొత్త పాస్‌వర్డ్ పెట్టడం ముఖ్యం. కనీసం ఎనిమిది అక్షరాల కంటే పొడవైన పాస్‌వర్డ్ ఎంచుకోండి. పెద్ద అక్షరాలు, చిన్న అక్షరాలు, సంఖ్యలు, ప్రత్యేక గుర్తులు కలపండి. మీ పేరు, పుట్టిన తేదీ లేదా ఇతర అకౌంట్లలో వాడిన పాస్‌వర్డ్‌ను ఉపయోగించకండి. అనుమానం ఎక్కువగా ఉంటే Sign Out of All Devices ఎంచుకుని, మీ డివైజ్‌లలో మాత్రమే మళ్లీ లాగిన్ అవ్వండి.
సమస్య మళ్లీ కనిపిస్తే.. నెట్‌ఫ్లిక్స్‌కు లింక్ చేసిన ఈ-మెయిల్ పాస్‌వర్డ్‌ను కూడా మార్చండి. అదే పాస్‌వర్డ్‌ను ఇతర వెబ్‌సైట్లలో వాడితే అక్కడ కూడా కొత్తది పెట్టండి. అకౌంట్‌లోని ఫోన్ నంబర్, చెల్లింపు వివరాలు మారాయేమో పరిశీలించండి. అనుమానాస్పద మెసేజ్‌లు లేదా ఈ-మెయిల్‌లలో వచ్చే లింక్‌లను తెరిచి మీ లాగిన్ వివరాలు ఇవ్వకండి. అకౌంట్‌పై నియంత్రణ కోల్పోతే నెట్‌ఫ్లిక్స్ అధికారిక Help Centerను సంప్రదించండి. అప్పుడప్పుడు Access and Devices జాబితాను పరిశీలించడం అలవాటు చేసుకుంటే అకౌంట్‌ను సురక్షితంగా ఉంచుకోవచ్చు.
Also Read: రూ.2,000 లోపే 75 గంటల బ్యాటరీ.. బోట్, వన్‌ప్లస్‌తో సహా టాప్-5 ఇయర్‌బడ్స్ ఇవే!
Share
ఇకపై 72 గంటల ముందే టికెట్ క్యాన్సిల్ చేయాలా? లేదంటే రీఫండ్ రాదా?
రూ.100 పెట్టుబడితో రూ.కోటి బిజినెస్.. నిమ్మకాయ రైతు సూపర్ ఐడియా
