OPPO Reno 16 5G: ఒప్పో రెనో సిరీస్ ఫోన్లకు భారత మార్కెట్లో మంచి క్రేజ్ ఉంది. డిజైన్, కెమెరా, పెర్ఫార్మెన్స్ పరంగా ఇవి యూజర్లను ఎంతగానో ఆకట్టుకుంటాయి. అయితే తాజాగా రెనో సిరీస్ లవర్స్కు ఒక చిన్న నిరాశ కలిగించే వార్త బయటకు వచ్చింది. త్వరలోనే Oppo Reno 16 5G ఫోన్ ధర భారీగా పెరిగే అవకాశం ఉందని సమాచారం.
మార్కెట్లో ప్రస్తుతం మెమరీ కాంపోనెంట్స్, ముఖ్యంగా RAM, NAND స్టోరేజ్ చిప్ల ధరలు విపరీతంగా పెరుగుతున్నాయి. ఆర్టిఫిషియల్ ఇంటెలిజెన్స్ (AI) టెక్నాలజీకి డిమాండ్ పెరగడం వల్ల ఈ విడిభాగాల కొరత ఏర్పడింది. ఈ ప్రభావం నేరుగా స్మార్ట్ఫోన్ తయారీ వ్యయంపై పడుతుండటంతో, కంపెనీలు ధరలను సవరించక తప్పని పరిస్థితి ఏర్పడుతోంది.
Also Read: బాబోయ్.. శాంసంగ్ ఫ్లాగ్షిప్ ఫోన్పై రూ.26,500 దాకా తగ్గింపా? అమెజాన్లో మైండ్ బ్లోయింగ్ డీల్!
తాజా సమాచారం ప్రకారం.. Oppo Reno 16 5Gకి చెందిన రెండు స్టోరేజ్ వేరియంట్ల ధరలు సుమారు రూ.5000 వరకు పెరగొచ్చని తెలుస్తోంది. ప్రాథమిక మోడల్తో పాటు టాప్ వేరియంట్ కూడా మరింత ఖరీదైనదిగా మారనుంది. ఇదే బాటలో Reno 16c 5G మోడల్ ధర కూడా కొన్ని వేల రూపాయలు పెరిగే అవకాశం ఉందని ప్రచారం జరుగుతోంది. అయితే ఈ ధరల మార్పుపై ఒప్పో కంపెనీ నుంచి ఇంకా అధికారిక ప్రకటన రావాల్సి ఉంది.
ఒప్పో రెనో సిరీస్ ఎప్పుడూ ప్రీమియం ఫీచర్లను కాస్త అందుబాటు ధరలోనే అందిస్తూ వచ్చింది. కానీ ఇప్పుడు చెప్పే ధరల పెంపు నిజమైతే.. ఈ ఫోన్ టాప్ వేరియంట్ దాదాపు శాంసంగ్ గెలాక్సీ S26 వంటి ఫ్లాగ్షిప్ స్మార్ట్ఫోన్ల రేంజ్కు వెళ్తుంది. దీంతో ఎక్కువ బడ్జెట్ పెట్టి ఫోన్ కొనాలనుకునే వినియోగదారులు ఇతర బ్రాండ్ల వైపు చూసే అవకాశం లేకపోలేదు.
మీరు కూడా Oppo Reno 16 5G ఫోన్ కొనాలని ప్లాన్ చేస్తున్నట్లయితే.. కంపెనీ నుంచి అధికారిక ప్రకటన వచ్చే వరకు వేచి చూడటం మంచిది. ఒకవేళ నిజంగానే ధరలు పెరిగితే.. ఆ బడ్జెట్లో లభించే ఇతర ఫోన్ల ఫీచర్లతో పోల్చి చూసుకుని సరైన నిర్ణయం తీసుకోవడం మేలు.
Also Read: ఫ్లిప్కార్ట్లో ఊహించని ఆఫర్.. Oppo Find X9పై ఏకంగా రూ. 22,220 డిస్కౌంట్!
Share
రాకేష్ ఇంటి గుట్టు రట్టు చేసిన ప్రదీప్.. ఇలా తయారయ్యారేంటి భయ్యా!
కళ్యాణలక్ష్మి, షాదీ ముబారక్పై కోర్టు స్టే.. రోడ్డెక్కిన బీఆర్ఎస్ శ్రేణులు!
