బిగ్ టీవీ ఇప్పుడు మలయాళంలో
ఓపెన్
Honor X80 Pro Max: ప్రముఖ హానర్ కంపెనీ నుంచి త్వరలోనే Honor X80 సిరీస్ మార్కెట్లోకి రాబోతోంది. ఇందులో భాగంగా Honor X80, X80 Pro మోడళ్లతో పాటు ప్రీమియం లుక్తో Honor X80 Pro Max కూడా విడుదల కానుంది. అయితే అధికారిక ప్రకటన కంటే ముందే ఈ ఫోన్కు సంబంధించిన లైవ్ ఫొటోలు, కొన్ని ముఖ్యమైన ఫీచర్లు సోషల్ మీడియాలో లీకై సందడి చేస్తున్నాయి.
లీకైన ఫొటోల ప్రకారం చూస్తే.. ఈ ఫోన్ వెనుక భాగం లీడర్ టెక్స్చర్తో, రెండు రకాల రంగుల కలయికతో (డ్యూయల్ టోన్) చాలా స్టైలిష్గా కనిపిస్తోంది. ఫోన్ పైభాగం క్రీమ్ కలర్లో, కింది భాగం ఆరెంజ్ షేడ్లో డిజైన్ చేశారు. అలాగే కింది వైపు గోల్డ్ కలర్ ఫినిషింగ్తో ఆనర్ బ్రాండింగ్ ఇచ్చారు. మొత్తానికి ఫోన్ లుక్ మాత్రం చాలా ప్రీమియంగా ఉంది.
Also Read: ఇంట్లోనే స్టేడియం లాంటి మజా.. క్రికెట్ లవర్స్ కోసం LG తెచ్చిన స్పెషల్ TV!
ఈ ఫోన్ వెనుక వైపు గతంలో వచ్చిన హానర్ మ్యాజిక్ సిరీస్ తరహాలోనే ఒక పెద్ద గుండ్రటి (సర్క్యులర్) కెమెరా మాడ్యూల్ను అందించారు. ఇందులో 50MP ప్రైమరీ కెమెరా ఉండనున్నట్లు తెలుస్తోంది. ఇక ముందు భాగంలో చాలా సన్నని బెజెల్స్తో పాటు సెల్ఫీ కెమెరా కోసం స్క్రీన్ మధ్యలో పంచ్హోల్ కటౌట్ ఇచ్చారు. ఇందులో 6.8 అంగుళాల ఓఎల్ఈడీ (OLED) డిస్ప్లేను ఉపయోగించినట్లు సమాచారం.
ఈ ఫోన్ ప్రత్యేకతల్లో మెయిన్ హైలైట్ దీని బ్యాటరీనే అని చెప్పాలి. దీనిలో ఏకంగా 11,000mAh సామర్థ్యం గల భారీ బ్యాటరీని ఇస్తున్నట్లు టాక్. దీనికి తోడు 90W ఫాస్ట్ ఛార్జింగ్ సపోర్ట్ కూడా ఉంటుంది. పర్ఫార్మెన్స్ విషయానికి వస్తే.. ఈ హ్యాండ్సెట్ స్నాప్డ్రాగన్ 6 జెన్ 5 ప్రాసెసర్తో రన్ అవుతుందని లీకుల ద్వారా తెలుస్తోంది.
ఈ ఫోన్ను పూర్తి వాటర్ రెసిస్టెన్స్ సర్టిఫికేషన్తో పాటు కింద పడినా పగలకుండా ఉండేలా బలమైన డిజైన్తో తీసుకొస్తున్నారు. ఈ నెల చివర్లోనే Honor X80 సిరీస్ లాంచ్ అయ్యే అవకాశాలు ఉన్నాయి. ఇదే సమయంలో వనిల్లా మోడల్ అయిన Honor X80 కూడా 10,000mAh బ్యాటరీ, స్నాప్డ్రాగన్ 6 జెన్ 5 ప్రాసెసర్తో విడుదల కానుంది.
Also Read: నీటిలో మునిగినా, కింద పడినా ఏమీ కాదు.. మోటరోలా నుంచి మోస్ట్ పవర్ఫుల్ 5G ఫోన్ లాంచ్!
Share
మైనర్ బాలికపై అత్యాచారం.. ఆటో డ్రైవర్కు 20 ఏళ్ల జైలు శిక్ష
కాంగ్రెస్లో అంతర్గత పోరు.. షబ్బీర్ అలీపై మహిళా నేత ఫైర్.. పోలీసులకు ఫిర్యాదు!
