Online shopping: ప్రస్తుత డిజిటల్ యుగంలో.. మన చేతిలో స్మార్ట్ ఫోన్ ఉంటే చాలు.. బట్టల నుంచి హోం అప్లయన్సెస్ వరకు అన్నీ ఒకే క్లిక్తో ఇంటి ముందుకు వచ్చేస్తున్నాయి. కొన్ని సార్లు ఆన్ లైన్ ఈ-కామర్స్ యాప్లు ఇస్తున్న క్రేజీ ఆఫర్లు, ఫ్లాష్ సేల్స్ చూసి మనకు అవసరం లేని వస్తువులను కూడా కొనేస్తుంటాం. కానీ ఇలా జీతం రాగానే ఇష్టం వచ్చినట్లు డబ్బులు ఖర్చు చేయడం వల్ల నెల చివరికి ఆర్థిక ఇబ్బందులు తప్పవు. మరి ప్రతి నెలా ఆన్లైన్ షాపింగ్ కోసం ఎంత ఖర్చు చేయాలి? దీనికోసం ఎలాంటి బడ్జెట్ సూత్రాలు పాటించాలో ఇప్పుడు చూద్దాం.
ఆర్థిక నిపుణులు ఎప్పుడూ ఒక పర్ఫెక్ట్ ఫార్ములాను సూచిస్తారు.. అదే 50-30-20 బడ్జెట్ రూల్. దీని ప్రకారం మీ నెల వారి ఆదాయంలో 50 శాతాన్ని ఇంటి రెంట్, కిరాణా సామాన్లు, కరెంట్ బిల్లులు వంటి అత్యవసర ఖర్చులకు కేటాయించాలి. ఇక 20 శాతాన్ని భవిష్యత్తు కోసం సేవింగ్స్ లేదా ఇన్వెస్ట్మెంట్లు చేయాలి. మిగిలిన 30 శాతాన్ని మీ వ్యక్తిగత కోరికలు, ఎంటర్టైన్మెంట్ , షాపింగ్ కోసం వాడుకోవాలి. అంటే ఈ 30 శాతం మొత్తంలోనే మీ ఆన్లైన్ షాపింగ్ ఖర్చులు అన్నీ సర్దుబాటు కావాలి.
అయితే.. ఈ 30 శాతం మొత్తం నుంచి కూడా ఆన్లైన్ షాపింగ్కు ఎంత కేటాయించాలనేది మీ పర్సనల్ గోల్స్ మీద ఆధారపడి ఉంటుంది. సాధారణంగా మీ మొత్తం నెలవారీ సంపాదనలో 5 నుంచి 10 శాతం కంటే ఎక్కువ ఆన్లైన్ షాపింగ్ కోసం ఖర్చు చేయకూడదని నిపుణులు చెబుతున్నారు. ఉదాహరణకు మీ జీతం రూ. 50,000 అనుకుంటే, షాపింగ్ కోసం కేవలం రూ. 2,500 నుంచి రూ. 5,000 వరకు మాత్రమే కేటాయించాలి. అంతకంటే మించితే మీ బడ్జెట్ తారుమారు కావడం ఖాయం.
ఆన్లైన్ షాపింగ్లో డబ్బులు అనవసరంగా ఖర్చు కాకుండా ఉండాలంటే కొన్ని స్మార్ట్ ట్రిక్స్ ఫాలో అవ్వాలి. ముందుగా మీకు నచ్చిన వస్తువును కార్ట్లో వేసిన వెంటనే కొనేయకండి. కనీసం 48 గంటలు ఆగండి. ఆ తర్వాత కూడా ఆ వస్తువు నిజంగా మీకు అవసరమా లేదా అని ఆలోచించండి. చాలా వరకు మనకు ఆ ప్రొడక్ట్ మీద ఉన్న తాత్కాలిక మోజు తగ్గిపోయి, డబ్బులు ఆదా అవుతాయి. అలాగే షాపింగ్ యాప్లలోని అనవసరమైన నోటిఫికేషన్లను ఆఫ్ చేయడం చాలా ముఖ్యం.
Also Read: మీ చేతులకు రెస్ట్ ఇచ్చి, గిన్నెలను కొత్తగా మెరిపించే డిష్వాషర్లు!
క్రెడిట్ కార్డులు, ఈజీ ఈఎంఐల వాడకం కూడా ఆన్ లైన్ షాపింగ్లో మన జేబును గుల్ల చేస్తుంది. తర్వాత.. కట్టొచ్చులే అనే ధైర్యంతో ఇష్టాను సారంగా కొనేస్తుంటాం. కానీ.. మంత్ ఎండ్ వచ్చే సరికి ఇంట్రెస్ట్లతో కలిపి పెద్ద మొత్తంలో బిల్లులు చెల్లించాల్సి వస్తుంది.కాబట్టి ఎప్పుడైనా సరే మీ డెబిట్ కార్డ్ లేదా క్యాష్ లిమిట్ లోపల మాత్రమే షాపింగ్ చేయడానికి ప్రయత్నించండి.
ఆన్లైన్ షాపింగ్ చేయడం తప్పు కాదు, అది మన ఆనందం కోసం చేసే పనే. నీ అది మన నెత్తిన అప్పుల భారం మోపేలా ఉండకూడదు. ఒక సరైన బడ్జెట్ ప్లాన్ వేసుకొని, లిమిట్లో షాపింగ్ చేస్తే..తిలో డబ్బులు నిలవడంతో పాటు ఎలాంటి టెన్షన్ లేకుండా ప్రశాంతంగా ఉండొచ్చు.
Share
విగ్రహం లేని 300 ఏళ్ల పురాతన ఆలయం.. కొండల్లో దాగిఉన్న ఈ గుడి గురించి తెలిస్తే ఆశ్చర్యపోతారు!
మొదటి పరిచయంలోనే అందరికీ నచ్చాలంటే ఈ 5 లక్షణాలు తప్పనిసరి.. మీలో ఉన్నాయా?
