Android 17: గూగుల్ తమ సరికొత్త ఆండ్రాయిడ్ 17 అప్డేట్ను అధికారికంగా విడుదల చేసింది. ఎప్పటిలాగే ఈ సాఫ్ట్వేర్ అప్డేట్ మొదటగా గూగుల్ పిక్సెల్ స్మార్ట్ఫోన్లు, టాబ్లెట్లకు అందుబాటులోకి వచ్చింది. ఈ సరికొత్త ఓఎస్లో యాప్ బబుల్స్, స్క్రీన్ రియాక్షన్స్, మెరుగైన డార్క్ థీమ్, మరింత పటిష్టమైన సెక్యూరిటీ ఫీచర్లను గూగుల్ జోడించింది. శాంంసంగ్, వన్ప్లస్ వంటి ఇతర కంపెనీలు రాబోయే రోజుల్లో తమ ఫోన్లకు ఈ అప్డేట్ను అందిస్తాయి.
ఈ ఆండ్రాయిడ్ 17 అప్టేట్ పిక్సెల్ 6 సిరీస్ లేదా ఆ పై మోడల్స్ ఉంటే మీరు ఈ కొత్త అప్డేట్ను పొందొచ్చు. పిక్సెల్ 6, 7, 8, 9 సిరీస్లతో పాటు తాజాగా వచ్చిన పిక్సెల్ 10 సిరీస్ ఫోన్లకు కూడా ఆండ్రాయిడ్ 17 లభిస్తుంది. అలాగే పిక్సెల్ ఫోల్డ్, పిక్సెల్ టాబ్లెట్ వాడుతున్న వారు కూడా దీనికి అర్హులే.
మీ గూగుల్ పిక్సెల్ ఫోన్లో ఈ అప్డేట్ను ఇన్స్టాల్ చేయడం చాలా సులభం. దీనికోసం ముందుగా మీ ఫోన్ సెట్టింగ్స్లోకి వెళ్లాలి. అక్కడ సిస్టమ్ ఆప్షన్ను ఎంచుకుని, సాఫ్ట్వేర్ అప్డేట్పై క్లిక్ చేయాలి. ఆ తర్వాత ‘చెక్ ఫర్ అప్డేట్స్’ నొక్కితే మీకు ఆండ్రాయిడ్ 17 అప్డేట్ కనిపిస్తుంది. అక్కడ డౌన్లోడ్ అండ్ ఇన్స్టాల్ బటన్ నొక్కి, ప్రాసెస్ పూర్తయ్యాక ఫోన్ను ఒక్కసారి రీస్టార్ట్ చేస్తే సరిపోతుంది.
Also Read: WhatsApp Plus వచ్చేసింది.. కొత్త ఫీచర్లు, ప్రయోజనాలు ఇవే!
ఒకవేళ మీకు ఈ అప్డేట్ ఇంకా రాకపోతే.. గూగుల్ ఆండ్రాయిడ్ బీటా ప్రోగ్రామ్ వెబ్సైట్కి వెళ్లి ముందే దీనిని టెస్ట్ చేయవచ్చు. వెబ్సైట్లోని డివైసెస్ ట్యాబ్లోకి వెళ్లి మీ ఫోన్ పక్కన ఉన్న ‘ఆప్ట్ ఇన్’ ఆప్షన్ను ఎంచుకోవడం ద్వారా బీటా వెర్షన్ను వాడుకోవచ్చు.
గూగుల్ ఈ అప్డేట్ను విడతల వారీగా విడుదల చేస్తోంది. కాబట్టి.. అందరికీ ఒకేసారి రాకపోవచ్చు. ఇక శాంసంగ్ వాడుతున్న వారికి ఆండ్రాయిడ్ 17 ఆధారంగా ‘వన్ యూఐ 9’ అప్డేట్ రానుంది. వన్ప్లస్, ఒప్పో, షావోమి వంటి కంపెనీలు కూడా ప్రస్తుతం టెస్టింగ్ దశలో ఉన్నాయని, త్వరలోనే తమ యూజర్లకు అందిస్తాయని తెలుస్తోంది.
Also Read: YouTube Shortsలో బిగ్ చేంజెస్.. లైక్ బటన్ స్థానంలో హార్ట్ సింబల్, ఆ ఫీచర్ కంప్లీట్గా అవుట్!
Share
వయసు 94.. కానీ విజన్ నెక్స్ట్ లెవెల్...వైరల్ అవుతున్న ‘సింగ్ గీతం’మేకింగ్ వీడియో
రూ.2000లోపు బెస్ట్ ఉమెన్ స్మార్ట్వాచ్.. Fire-Boltt Glitz ఫీచర్లు, ధర వివరాలు
