మార్కెట్‌లోకి ల్యాప్‌టాప్‌ను రీప్లేస్ చేసే ట్యాబ్.. ఫీచర్లు మామూలుగా లేవు

HP OmniPad 12 Review: టెక్ ప్రపంచంలో ఇప్పుడు “టాబ్లెట్ విత్ కీబోర్డ్” ట్రెండ్ నడుస్తోంది. బరువుగా ఉండే లాప్‌టాప్‌లను పక్కనబెట్టి, ఎక్కడికైనా ఈజీగా తీసుకెళ్లేలా పవర్ ఫుల్ టాబ్లెట్లను ఆఫీస్ వర్క్ కోసం ఎంచుకుంటున్నారు. ఈ క్రమంలోనే హెచ్‌పీ నుంచి మార్కెట్లోకి వచ్చిన ఈ మోడల్ బాగా పాపులర్ అవుతోంది. నిజంగానే.. ఈ టాబ్లెట్ మీ వర్క్ ల్యాప్‌ టాప్‌ స్థానాన్ని భర్తీ చేయగలదా? డిజైన్, పెర్ఫార్మెన్స్, బ్యాటరీ లైఫ్‌కు సంబంధించిన మరిన్ని వివరాలు.

HP OmniPad 12 పూర్తి రివ్యూ :

డిజైన్, డిస్‌ప్లే :

ఈ మోడల్ చాలా స్లిమ్‌గా, ప్రీమియం మెటాలిక్ ఫినిషింగ్‌తో వస్తుంది. ఇందులో 12.1-ఇంచ్ 2.5K రెజల్యూషన్ డిస్‌ప్లే ఉంటుంది. అంతే కాకుండా దీనిలో 120Hz రిఫ్రెష్ రేట్ ఉండటం వల్ల బ్రౌజింగ్, స్క్రోలింగ్ చాలా స్మూత్‌గా ఉంటాయి. డాక్యుమెంట్లు చదవడానికి, ఆఫీస్ ప్రెజెంటేషన్లు చేయడానికి, ఓటీటీ సినిమాలను హెచ్డీ క్వాలిటీలో చూడటానికి ఈ స్క్రీన్ కలర్స్ అద్భుతంగా కనిపిస్తాయి.

పెర్ఫార్మెన్స్, ప్రోడక్టివిటీ :

ఈ టాబ్లెట్ పవర్ ఫుల్ ఆక్టా-కోర్ ప్రాసెసర్, 8GB/12GB RAM, 256GB వరకు ఇన్-బిల్ట్ స్టోరేజ్ ఆప్షన్లతో వస్తుంది. రోజువారీ ఆఫీస్ పనులు, మల్టీ టాస్కింగ్, జూమ్ కాల్స్, హెవీ బ్రౌజింగ్ వంటి పనులను ఇది ఎలాంటి లాగ్ లేకుండా చేస్తుంది. దీనికి డిటాచబుల్ కిబోర్డ్ , స్టైలిష్ పెన్ సపోర్ట్ ఉండటం వల్ల టైపింగ్ చేయడం, నోట్స్ రాసుకోవడం లాప్‌ టాప్ వాడినట్లే చాలా ఈజీగా ఉంటుంది.

సాఫ్ట్‌వేర్, యూజర్ ఎక్స్‌పీరియన్స్ :

ఇది మల్టీ-విండో మోడ్, డెస్క్‌టాప్ ఇంటర్‌ఫేస్ సపోర్ట్‌తో వస్తుంది. ఒకేసారి.. 3-4 యాప్స్‌ను పక్క పక్కనే ఓపెన్ చేసి పని చేసుకోవచ్చు. MS Office, Google Workspace, ఈమెయిల్స్ వంటి వర్క్ యాప్స్ ఇందులో.. చాలా ఫాస్ట్‌గా రన్ అవుతాయి. అయితే హెవీ వీడియో ఎడిటింగ్, హై-ఎండ్ 3D గేమింగ్ వంటి పనులకు ఇది సాధారణ ప్రో ల్యాప్‌టాప్‌ల కంటే కాస్త వెనుకబడి ఉంటుంది.

బ్యాటరీ, కనెక్టివిటీ :

ఇందులో 8,800mAh పెద్ద బ్యాటరీ ఉంటుంది. దీనిని ఒక్కసారి ఛార్జ్ చేస్తే సుమారు 10 నుంచి 12 గంటల వరకు వర్క్ ఆటోనమీని అందిస్తుంది. 45W ఫాస్ట్ ఛార్జింగ్ సపోర్ట్ కూడా ఉంది. కనెక్టివిటీ కోసం డ్యూయల్ బ్యాండ్ Wi-Fi, బ్లూటూత్ 5.3, టైప్-సి పోర్ట్ ఉన్నాయి.

Also Read: కిచెన్‌లో కింగ్ లాంటి టాప్ మైక్రోవేవ్ ఓవెన్లు..అన్ని వంటకాలు చిటికెలో!

ధరల వివరాలు :

మార్కెట్లో ఆగస్ట్ నాటికి ఈ మోడల్ బేస్ వేరియంట్ ధర సుమారు రూ. 38,999 నుంచి రూ. 42,999 వరకు ఉంది. కీబోర్డ్, పెన్ కాంబో ఆఫర్లలో ధర రూ. 45,999 వరకు ఉండే అవకాశం ఉంది.

మీ వర్క్ కేవలం ఇమెయిల్స్, ఆఫీస్ డాక్యుమెంట్లు, బ్రౌజింగ్, కంటెంట్ క్రియేషన్, ఆన్‌లైన్ మీటింగ్స్ అయితే ఈ మోడల్ నిస్సందేహంగా ల్యాప్ టాప్‌ స్థానాన్ని భర్తీ చేయగలదు. వర్క్ విత్ ట్రావెల్ కోరుకునే.. వారికి ఇది ఒక పర్ఫెక్ట్ 2-ఇన్-1 డివైజ్. అంతే కాకుండా తక్కువ బడ్జెట్ లో బెస్ట్ మోడల్ కావాలనుకునే వారికి ఇది బెస్ట్.