Infinix Hot 70 Pro: చైనాకు చెందిన ప్రముఖ ఇన్ఫినిక్స్ తమ కొత్త స్మార్ట్‌ఫోన్ Hot 70 Proను భారత మార్కెట్లోకి తెచ్చేందుకు సిద్ధమవుతోంది. జులైలోనే గ్లోబల్‌గా విడుదలైన ఈ ఫోన్.. సెప్టెంబర్ ప్రారంభంలో భారత్‌లోకి అడుగుపెట్టే అవకాశం ఉంది. ప్రముఖ లీకర్ సుధాన్షు అంబోరే తెలిపిన వివరాల ప్రకారం.. ఈ హ్యాండ్ సెట్ 4 ఆకర్షణీయమైన రంగుల్లో లభించనుంది. రూ.25,000 బడ్జెట్ విభాగంలో కొత్త డిజైన్, పవర్‌ఫుల్ ఫీచర్లతో వస్తున్న ఈ Infinix Hot 70 Pro విశేషాలేంటో ఇప్పుడు చూద్దాం.
ఈ Infinix Hot 70 Proలో అత్యంత ప్రత్యేకమైన ఫీచర్ ‘ఆక్టివ్ మ్యాట్రిక్స్ క్యూబ్’. ఫోన్ వెనుక కెమెరా మాడ్యూల్‌లో ఉండే ఈ చిన్న పిక్సెల్ డిస్‌ప్లే ద్వారా, నోటిఫికేషన్లు చూడటానికి ప్రతిసారీ ఫోన్‌ను తిప్పాల్సిన అవసరం ఉండదు. మన దేశంలో ఇలాంటి వినూత్న ఫీచర్‌తో వస్తున్న మొదటి ఫోన్ ఇదే కావడం విశేషం.
Also Read: యూజర్లకు బిగ్ షాకిచ్చిన శాంసంగ్.. ఏకంగా రూ.12,000 పెరిగిన Galaxy S25 ధర, కొత్త రేట్లు ఇవే!
Infinix Hot 70 Proలో 6.76 అంగుళాల పెద్ద IPS LCD డిస్‌ప్లే అందించారు. ఇది మంచి కలర్ క్వాలిటీ, విశాలమైన వ్యూయింగ్ యాంగిల్స్‌ను ఇస్తుంది. అదనంగా దుమ్ము, నీటి నుంచి రక్షణ కోసం IP68 రేటింగ్‌ను కూడా జతచేశారు.
ఈ ఫోన్ మీడియాటెక్ డైమెన్సిటీ 7100 ప్రాసెసర్‌తో పనిచేస్తుంది. రోజువారీ పనులు చాలా వేగంగా జరగడమే కాకుండా.. సాధారణ గేమింగ్‌కు కూడా ఇది బాగా సరిపోతుంది. ఆర్మ్ మాలి GPU వల్ల గ్రాఫిక్స్ పనితీరు బాగుంటుంది.
ఇక ఫొటోల విషయానికి వస్తే.. Infinix Hot 70 Proలో 50 మెగాపిక్సెల్ ప్రధాన కెమెరా, సెల్ఫీల కోసం 8 మెగాపిక్సెల్ ఫ్రంట్ కెమెరా ఉన్నాయి. రోజువారీ వాడకానికి ఇవి మంచి ఫొటోలను అందిస్తాయి. ఇక 5600 నుండి 6000mAh మధ్య ఉండే భారీ బ్యాటరీ వల్ల ఒక్కసారి ఛార్జ్ చేస్తే రోజంతా నిరంతరాయంగా వాడుకోవచ్చు.
Also Read: ఇక హెడ్‌సెట్ అక్కర్లేదు.. గేమింగ్ కోసం Sony Pulse Elevate 3D ఆడియో స్పీకర్లు వచ్చేశాయ్!
Share
ఐఫోన్, బైక్ కోసం.. ప్రియుడితో కలిసి తాతను చంపించిన 13 ఏళ్ల బాలిక!
IRCTC మొదలైంది అప్పుడే.. ఆ రోజు ఎన్ని టికెట్లు ఆన్లైన్లో బుక్ అయ్యాయో తెలుసా?
